1 Pambongkar haot maju nawan hanyu, nyajaga ta benteng, ngintip ta lalan-lalan, pisitkan kan lei huruk pahiwu nu, kumpulan bo kaluhan kakuatan! 2 Satu'u e, TUHAN kakan memulihkan kebanggaan Yakub, sameh kebanggaan Israel; ulah perusak haot marusak e di nampenjawoh paka-paka e. 3 Perisai Pahlawan-pahlawan nawanai mariang, prajurit-prajurit e sa gagah perkasa bapakaian kirmizi. Kereta berkilat kilat sameh apui suluh pada andrau aye menetep kan e, di kuda-kuda jari gelisah. 4 Kereta malaju di mat malempat ga aro ga ati ta lapangan; here naini sameh suluh, malempat sameh kilat. 5 Pasukan-pasukan istimewa nakerahkan, pada waktu here takia maju, here parajama. Here malempat nyampat-nyampat ta arah tembok kota, sedangkan alat pandobrak haot nasedia. 6 Mewang-menawang gerbang ta hungei haot na uka, di istana haot gempar. 7 Permaisuri naaun baluwa mat na tampoloi, di dayang-dayang mangerang, mengaduh, sameh lengan wurung merpati sambil mampar-nampar dada e. 8 Niniwe sameh telaga ranu sa ranu e mangalir ga wading. "Tadoh! Tadoh!" kamiak ulun-ulun, tetapi bakoi naan sa waleng. 9 Rabut bo perak, rabut bo amas! ulah, bakoi naan galis e persediaan harta banda, kelimpahan kaluan barang sa maeh-maeh! 10 Ketandusan, penandusan, di penindasan! Atei jari ramuk di ulu alep jari goyah! Kaluhan pahiwu neter, di rai kaluhan ulun jari pucat pasi. 11 Ta awekah uneng sampadina singa, uneng singa-singa muda ngalupui panguta, unengan singa laki , wawei, di anak-anak e takia, bakoi naan sa ngganggu e? 12 Singa menerkam mat anak-anak e cukup kuman, nakeat mansa ga singa- singa wawei e, di nampenu liang e pahengau mangsa, di sampadina e pahengau satua sa najama e. 13 Ini lah, Aku kakan jari lawan nu, aye hio firman TUHAN samesta alam. Aku kakan nutung karetamu jari atuk, di pedang mat nguta galis singa-singa muda nu. Aku kakan nanjawoh mangsamu neke bumi, di lengan utusan-utusan nu bakoi kakan karengei lagi.