Pasal 1

1 Eyau Ilahi tentang Niniwe. Kitab panena Nahum ulun Elkos. Tuhan sangit baya Niniwe 2 TUHAN adalah Allah sa cemburu di ngulah pembalasan. TUHAN hio pembalas di penu kahangatn kanyangit. TUHAN ngulah pembalasan ga lawan-lawan e, di ngandak murka ga musuh-musuh e. 3 TUHAN hio amau sabar di hante kuasa. Aye bakoi hindra-hindra nyanlepah ulun bahala teke hukuman. Aye takia huwang riwut barat di badai, di awan hio dabu pee'-E 4 Aye menghardik laut di nyangkaring e, witu-witu na ulah-E karing. Basan di karmel merana, di wunge-wunge Lebanon jari layu. 5 Gunung-gunung ba gatar ta hadapan Aye di bukit-bukit mancair. Bumi jari sunyi sepi ta hadapan-E, dunia di kaluhan penduduk e. 6 Hie kah sa kaule mindri ta hadapan murka-E? Hie kah sa batahan terhadap kanyangit-E sa menyala-nyala. Murka-E tacurah sameh apui, gunung-gunung watu tumang ulah Aye. 7 TUHAN hio maeh. Aye adalah unengan balindung pada waya kasesakan. Aye karasa ulun-ulun sa balindung ga Aye. 8 Akan tapi, pahengau banjir sa melanda, Aye kakan nangalis here di kakan ngapung musuh-musuh-E. ga huang maieng. 9 Inonkah hanyu bemaksud nantang TUHAN? Aye kakan nangalis kaluhan e mat koi manimbulkan kasusahan ruweh kali. 10 Sasenguh e, here gin kakan jawoh sameh rundui sa ngalilit, here nakuta galis sameh tungun-tungun jerami sa karing. 11 Neke penah-penah nu, haot timbul ulun sa marancang kejahatan tahadap TUHAN, sa ngami nasihat sa bakoi baguna. 12 Kalainalah firman TUHAN , "sakalipun here kuat di jumlah e bangat rama, tapi here kakan nahancurkan di na sanjawoh. Sakilipun Aku marendahkan tenga nu, tapi Aku bakoi kakan marendahkan hanyo lagi. 13 Auk ina, Aku kakan nyanramuk gandar- gandar e nengke entuh nu, di nyamitus tadi-tadi panuruknu. 14 TUHAN ngami parintah ga hanyu, "Bakoi kakan naan lagi katurunan pahengau aran nu. nengke lewu allah nu, Aku kakan nanyawoh patung pahatan di patung tuangan. Aku kakan manyediakan ogang nu, ulah hanyu tarkutuk." 15 Ini lah ! Ta entu gunung-gunung, takia ulun sa ngaun kabar maeh, sa ngabar damai sajahtera. Rayakan bo andrau- andrau raya nu, hai Yehuda, bayar bo nazar nu! Bakoi kakan lagi hawi ulun-ulun dursila sa nangkahnu, here haot nasenjawoh galis!