1 Salakalah aku! Ulah, leonku sameh panimpun wua-wuaan wayah kamarau, sameh leon ta wayah pamutikan mulek wua anggur. Bakoi naan wua anggur mat nakuta, koi naan wua ara sa kukagiri. 2 Ulun maeh haot jawoh neke bumi, bakoi naan lagi ulun jujur ta antara marasia. Here kaluhan mangincar ira, satiap ulun ngaburu ulun sa lain pahengau renge. 3 Tangan here sigap ngulah jahat. Pamimpin here lako hadiah, hakim kaiuh nasogok, kapala ngami kaputusan sakahanak ateie, di here mamutarbalikan hukum! 4 Ulun sa palingmaeh ta antara here sameh rundrui, ulun sa paling jujur ta antara here sameh pagar rundrui; Andrau Panghukuman Mat Hawi andrau bagi pangintai- pangintainu, andrau panghukumannu haot hawi. Kagamparan mat tarjadi ta antara here! 5 Adalah harap ga hengau, adalah mangandalkan arep ga sahabat! jagalah manawang wawanu tahadap wawei sa mangkading ta santatangnu! 6 sasatuue, nakia laki mat mahina amahe, nakia wawei buan nawan ine e, nantu wawei nawan um,pue, musuh satiap ulun ayelah ulun-ulun satahuang lewue. Tuhan Ayelah Jurusalamat 7 Tatapi, aku ngandrei-ngandrei TUHAN, aku baharap ga Allah sa manyalamatkan aku, Allahku mat ngarengei aku! 8 Adalah kaeson entu aku, hai musuh-musuhku! biarsa aku lawu, aku himat mindri, biarsa aku maharung huang maieng, TUHAN matjari maraaiku. Tuhan Mangampuni 9 Aku mat manangung rikang Allah, ulah aku haot ngulah dosa ga-E, hampe Aye mamperjuangkan parkaraku di napindri kaadilan gaaku. Aye nuna aku ga huang maraai sahampe aku ngini kebenaran-E. 10 Musuhku mat nginie di mangan mat nutup rai e, aye sa ngantuh gaaku, "Ta awekah TUHAN Allahnu?" Mateku mat nginie, awukiti aye mat ngiik-narah sameh boek ta lalan-lalan. Ulun Yahudi Waleng 11 Mat hawi andrau pakai napindri waleng bemengnu. Ta andrau hio, pambatasnu mat natampaluas. 12 Ta andrau hio,ulun- ulun mat hawi ga hanyu neke Asyur hampe ga kota-kota Mesir, neke Mesir hampe ga Hungei Efrat, neke laut ga laut, di neke gunung ga gunung. 13 Tatapi, bumi matjari gunul ulah panduduke, ulah hasil ulahan-ulahan here. 14 Gambalakanlah umat- Nu pahengau tungkeh-Nu, domba-domba ampun pusaka-Nu, sa lawit muneng tahaket ta penah-penah kabun wua-wuaan. Gambalakanlah here ta Basan di ta Gilead, sameh ta awuk sadi. Israel Mat nyantalau musuhe 15 Sameh ta awuk Hanyu balua neke tane Mesir, Aku mat nyantarang ulahan-ulahan sa ajaib ga here. 16 Bangsa-bangsa mat ngini di matjari mangan entu kaluhan kakuatan here, here mat ngantep wawae pahengau tangan, di silue matjari marengen. 17 Here mat nilap dabu sameh nipe, sameh satua malansar ta bumi. Here mat balua pahengau neter neke kubue, mahadap ga TUHAN, Allah takam, pahengau koitakut. Here mat takut tahadap Hanyu! Pujian Ga Tuhan 18 Hiekah Allah sa sameh Hanyu, sa mangampuni dosa, sa mamaafkan kahala di ngahapus palangaran neke le,e-le,e ampun pusaka-E? Aye bakoi nahan rikang-E mat sataruse, malahan Aye bahengau ga kasih satia. 19 Aye mat mangasihi takam waleng, ngahapus kahala-kahala takam, di medak hadi dosa takam ga kalaleman laut. 20 Hanyu nutui kasih satia-Nu ga Yakub di kasih-Nu ga Abraham, sameh sa haot hanyu janyikan pahengau basumpah ga datu nini kami neke awuk sadi.