¹ Allah memberkati Nuh pahengau anak-anak e di bapaner ga here, "Ba anak umpulah, batambah ajah di penulah bumi. ² Rasa takut di kateter tahadapan nu mak naan waktu satiap satua sa naan ta muka bumi, magt satiap wurung ta udara mat satiap sagtua ba malata ta tane, di satiap kenah ta laut, here kaluhan na serahkan ga huwang tangan nu. ³ Sagala sa welum di bagarak sa manjadi eha kuta nu sameh aku ngami pamelum karado ga hayu, sakarang aku ngami sagala e ga hanyu. ⁴ Akan tatapi, ada hayu ngota daging sa masih ba yawa sa masih naan ira ta huwang e. ⁵ Sabab, Aku pasti manuntut pambalasan antu ira nu sa, hiyo yawa nu; ta satiap satua Aku akan manuntut e, di nangka kaluhan marasia Aku gin akan manuntut yawa marasia lain e. ⁶ Jari, si hesa manundrak ira marasia, ira e akan na tundrak oleh marasia. Sabab Allah manciptakan marasia sasuai ta gambar-E kala erai. ⁷ Di hayu, ba anak umpu sarta ba tambah ajohlah; tampenulah bumi di batambah ajohlah ta entu e." ⁸ Lalu, Allah bapaner ga Nuh di ga anak-anak, ⁹ sakarang tenalah, Aku menetap perjanjianKu pahengau hanyu di pahengau katuran nu sa akan hawi, ¹⁰ di lei sa kaluhan makhluk sa sameh-sameh pa hengau hayu wurung-wurung satua ternak di pahengau satiap satua liar sa sameh-sameh pahengau nu kaluar nagka bahtera pahengau kaluhan satua ta bumi. ¹¹ Aku menetapkan perjanjianKu pahengau hayu baki naan lagi makhluk welum sa akan dibinasakan oleh banjir hanto; bakoi naan lagi banjir hante sa menghancur bumi." ¹² Allah ba paner, "Itilah tanda nagka perjanjian sa Ku ulah anatara Aku di hayu di satiap makhluk welum sa sameh-sameh pahengau hayo mat turun temurun: ¹³ Aku akan ngandak busurKu ta awan di hiyo akan manjadi bukti nangke perjanjian antara Aku di bumi. ¹⁴ Amu n Aku nuna awan-awan ga entu bumi di busur hiyo tena ta awan, ¹⁵ Aku akan mangingat perjanjian antara Aku di hayu di satiap satua welum sahingga ranu bakoi akan lagi manjadi sabuah banjir hante sa membinasakan kaluhan sa welum. ¹⁶ Kapanpun busur hiyo naan, Aku akan nena e di akan mangingat perjanjian kekal antara Allah di satiap makhluk welum satiap makhluk welum sa naan entu bumi." ¹⁷ Udi hiyo, bapanerlah Allah ga Nuh, "Itilah bukti nangke perjanjian sa naan ta antara Aku di sagala mahkluk welum ta bumi." ¹⁸ Anak-anak Nuh sa kaluar ta bahtera ayelah Sem, Ham, di Yafet. Ham ayelah amah Kanaan. ¹⁹ Here ba telu ayelah anak Nuh di nangka herelah lhir kaluhan marasia sa tersebar ta bumi. ²⁰ Nuh manjadi petani di mulai bausaha kebun anggur. ²¹ Isa andrau, Nuh minum anggur di manjadi mabuk, di aye mapoloi ta huang kemah e. ²² Maka, Ham ayah Kanaan nena mapoloi amah e di ngawara e ga karueh pulak sa nai sa naan ta luar. ²³ Akan tatapi, Sem di Yafet ngalap sa helai kain di ngandak e ta ento papale here, lalu bajalan mundur here manutup kapoloi amah here. Here memalingkan ray here sa bakei nena kapoloi amah e. ²⁴ Katika Nuh sadar nagka mabuk e, aye karasa inon sa na gawi anak pangaiya hiyo. ²⁵ Ulah hiyo, ayde ba paner, "Takutuklah Kanaan! Kira e aye manjadi hamba nangke para hamba pulaksanai-pulaksanai e." ²⁶ Nuh gin ba paner, "Terpujilsh Tuhan, Allah Sem! Elah Kanaan manjadi hamba e. ²⁷ Kira e Allah maluaskan Yafet, kira e aye muneng ta kemah Sem, di kira e Kanaan manjadi hamba bagi e." ²⁸ Sa hawot banjir hante, Nuh masih welum 350 taun lagi. ²⁹ Jadi, seluruh masa welum Nuh inalah 950 taun hiyo aye matei.