¹ Udi hio, Tuhan bapaner ga Nuh, "Masuk bo ga huang bahtera, hanyu dan saisi lewu nu, ulah Aku katena hanyu welum babujur ta penah-penah generasi ina. ² Tuna bo pahengau hanyu pitu pasang hengke setiap jenis satua sa halal, laki pahengau wawei. Pahengau sapasang hengke satiap jenis satua sa haram, saekor jantan pahengau pasangan ne. ³ Tuna bo pitu pasang hengke kaluhan jenis wurung ta udara wawei pahengau laki, mangaduh kelangsungan welum here ta muka bumi. ⁴ Uiah, huang pitu andrau hengke andrau ina, ulah Aku kakan nampinau uran sa mehet ta entu bumi, salama epat pulu andrau pahengau epat pulu malem, di Aku kakan mambinasakan sagala sasuatu sa welum ta muka rai bumi, sagala sasuatu sa hawot na ciptakan." ⁵ Maka, Nuh malakukan sagala sasuatu sasuai pahengau sa na parintahkan Tuhan ga aye. ⁶ Nuh baumur enem ratus taun ketika banjir hante hawi ga entu bumi. ⁷ Maka, Nuh ba sameh pahengau anak-anak laki e, harau e di harau-harau anak e masuk ga huang bahtera ulah banjir hante hio. ⁸ Kaluhan satua sa halal di sa haram wurung-wurung di sagala sasuatu sa marayap ta entu bumi, ⁹ masuk ga huang bahtera sasameh Nuh, persis sameh sa na perintahkan Allah ga aye. ¹⁰ Pitu andrau udi hio banjir hante hio gin na telen bumi. ¹¹ Pada taon enem jatuh masa welum Nuh, pada wulan ka rueh pahengau andrau kapitu walas wulan hio, tabuka manawang-manawang ranu ta langit. ¹² Maka, minau urau ga entu bumi salama epat pulu andrau pahengau epat pulu malem. ¹³ Pada andrau sa sameh, Nuh pahengau anak-anak laki e Sem, Ham, di Yafet, baserta harau e pahengau katelu nantu e masuk ga huang bahtera. ¹⁴ Sasameh here ley naan satiap jenis satua liar, satiap jenis satua ternak, satiap jenis satua sa marayap ta muka bumi, di pahengau satiap jenis unggas, kaluhan ne sa ba kalekep. ¹⁵ Satua-satua ina suluk ga huang bahtera sameh-sameh pahengau Nuh; ba pasang-pasangan hengke satiap jenis satua sa welum. ¹⁶ Kaluhan satua hio solok go huang bahtera; laki pahengau wawei persis sameh sa na perintahkan Allah ga Nuh. Udi hio Tuhan manutup ,anawang bahtera hio ta balakang Nuh. ¹⁷ Banjir hio manelen bumi salama epat pulu andrau, pahengau sairing batambah e ranu, bahtera hio gin ta angkat amau ta entu bumi. ¹⁸ Ranu tarus batambah amau di batambah rama ta entu bumi sahingga bahtera hio mangapung-apung ta parmukaan ranu. ¹⁹ Ranu mamai pahengau luar biasa ta parmukaan bumi sahingga gunung-gunung amau ta leba langit puyn gtangkelem ulah tanu. ²⁰ Ranu hio mamai hampe malabihi gunung-gunung, di ley manangkelem e 15 hasta hengke parmukaan. ²¹ Maka, binasa bo sagala satua welum sa naan ta bumi; wurung-wurung, satua ternak, satua liar, satua-satua sa marayap, di ley kaluhan marasia. ²² Satiap satua sa welum ta darat, sa banapas pahengau urung e, matey. ²³ Damikian bo Allah manyapo brasih rai bumi; hengke marasia hampe sagtua malata, serta wurung-wurung ta udara, here n binasakan hengke rai bumi. Ekat Nuh baserta here sa sasameh pahengau aye ta huang bahtera hiyo lah sa tasisa. ²⁴ Di, ranu terus manutup bumi salama 150 andrau.