¹ Awuk hio,kaluhan padagang midi Yusuf ngaun aye ga mesir. here matang ga potifar,pamimpin pangawal Firaun. ² Allah tala ngawat Yusuf sahingga aye ba hasil. Yusuf muneng ta lewu tua e, ulun mesir hio. ³ Potifar nena ulah Allah tala nyindrah Yusuf ulah Aye ngulah Yusuf ba hasil ta huang sagala sa na gawi e. ⁴ Ulah hio, potifar gin tu'u sanang pahengau Yusuf. Aye ngulah Yusuf jari pelayan pribadi. Aye marentah Yusuf pakai ngatur lewu rean balalu ngami kuasa ga hamau kaluhan sa na aye. ⁵ Neke Yusuf jari pangawas lewu rean potifar, Allah tala mambarkati lewu amput kaluhan inon sa naan ta potifar, sa ta lewu atau sa ta alah. Allah tala ngulah ina ulah ga Yusuf. ⁶ Potifar gin nuyu Yusuf batanggu jawab huang kaluhan sa naan ta lewu. aye bakoi usah lagi mamikir inon inon lagi, kacuali soal kuman sa mat na kuta. ⁷ Udi hio papire andrau, harau majikan Yusuf ngami parhatian khusus ga aye. wayah hio, aye ngatuh ga Yusuf, '' mandre bo pahengau aku.'' ⁸ Maka ulah hio, Yusuf manolak. eau e, '' tuan ku mempersaya kaluhan huang lewu aye ga aku. Aye haot ngami ga aku tanggung jawab inon sa naan kaluhan ta ina. ⁹ Bakoy isa ka ulun ta lewu ina naan wawenang sa labih hante neke aku. Tuan ku bakoy menyayang kaluhan milik aye neke aku, kasuali hanyu ulah hanyu harau aye. kalaawe tau aku ngulah kajahatan sameh hio pahengau sa ba dosa ta hadap Allah?'' ¹⁰ Bele harau potifar ma bujuk Yusuf satiap andrau, Yusuf tatap bakoi hakun mandre pahengau aye. ¹¹ Suatu andrau, Yusuf masuk mat ga huang lewu mat bagawi. Aye ekat kaeray ta huang lewu hio awuk hio. ¹² Harau tuan e narik baju Yusuf balalu ngatuh ga aye, '' ayu mandre di aku. '' maka ulah hio, Yusuf ma lempat ga luar lewu kalahio laju e aye nanaan baju sa ta tanggan wawey hio. ¹³ Awuk hio harau potifar nena Yusuf malempat ga luar lewu balalu nanan baju e ta huang tanggan, ¹⁴ aye nerau ulun ulun sa ta luar, eau e,''tena bo ! hamba ibrani hio na aun ga ina pakai na usik takam. Aye masuk balalu bausaha mat meperkosa aku, tapi aku kamiak. ¹⁵ lengan kiak ku ngulah aye takut pahengau aye malempat mahulu, balalu aye nanan lama aye ga aku.'' ¹⁶ Ulah hio, aye yimuh baju Yusuf hampe wane e,majiakan Yusuf,mudi. ¹⁷ Aye mawara ga wane e sarita sa sameh. Antuh e, ''Hamba ibrani sa na aun ga hio bausaha ngasese aku! ¹⁸ Maka ulah hio,awuk aye hawi riet aku,aku kamiak. Aye tulak kaeray balalu nanan baju e. ¹⁹ Udi ngarengey antuh harau e, majikan Yusuf balu sangit tu'u. ²⁰ Maka hio, potifar ngasuk Yusuf ga huang panjara ta uneng na tahan e musuh musuh raja,udi hio ta aro Yusuf muneng. ²¹ Allah tala nyindrah Yusuf balalu tarus nutui kekaehan -Aye ga Yusuf, maka ulah hio kepala penjara mulai kagiri nihi Yusuf. ²² kapala panjara hio ngakat Yusuf jari pangawas kaluhan tawanaan. Yusuf batanggung jawab nuhi kaluhan sa na anu e ta panjara. ²³ kapala panjara parsaya ga kaluhan sa naan ta huang panjara ga Yusuf. hal ina tau jari ulah Allah tala manyartai Yusuf.