¹ Yakub ngulik ngini Esau sa hawi. Esau hawi pahengau Epat jatuh laki-laki. Bulu Yakub magi keluarga e jari epar rombongan. Lea bulu sawan nakia tahuang isa rombongan, Rahel pahengau Yusuf huang isa rombongan, bulu ruer pelayansa wawei e pahengan here tahuang rueh rombongan. ² Yakub nganak rueh pelayan wawei e pahengau nakia-nakia here ta muka, balalu Lea pahengau nakia-nakia e ta wading lutuk here. Rahel pahengau Yusuf ta urutan pahing muka. ³ Yakub raerai takia ta paling muka here udi hio aye takia dapot Esau, aye sujud hampe ga tane hampe pitu kahi. ⁴ Awuk Esau ngini Yakub, aye nialempat manalue, aye nganak tangannu bulu ngikup Yakub bulu ngikap diunge palus nyiuk aye udi hio here rueh nangis. ⁵ Awuk Esau ngenat raie aye ngini wawei-wawei hio pahengau nakia-nakia hio aye bapaner hie ulur sapahengau hanyu? Yakub nuing here hio nakia-nakia sa naami Allah Tala ga hambanu ina. ⁶ Udi hio, rueh pelayan wawei Yakub pahengau nakia-nakia heretulak dapot Esau. Here sujud ta muka. ⁷ Udi hio Lea pahengau nakia-nakia tulak dapot Esau bulu manyamar nampono Rahel pahengau Yusuf tulak dapot Esau bulu manyanah. ⁸ Eau Esau inon kangakannu di rombongan sa hanya halu balalu eau Yakub ina pangami ku ga hanyau mat hanyu narime. ⁹ Balalu eau Esau hanyu bakoi usah ngami hadiah hio ga aku ulah aku haot ba kaeukupan. ¹⁰ Eau Yakub, bakoi lako teke hanyu amun hanya narime aku tarime pagamiku ga hanyu. Aku muka esoh ngini rai nu lagi. Sameh ngini rai Allah Tala. Aku ka eson ngini hanyu narime aku. ¹¹ Jari aku lako tarime bo pangami ku ga hanyu Allah Tala maeh tu di hanyu aku kaiyuh labih neke sanakakanku. Bulu Yakub lako di Esau mat narime hadiah hio bulu Esau narime bo. ¹² Udi hio, Esau ngeau, awuk iti hanyu harus jalanan'nu Aku mat tulak dahulu teke hanyu. ¹³ Jari eau Yakub ga aye hanyu karasa nakia-nakia ku maleme, aku tau maeh-maeh di pulau pamelum ku pahengau anak pamelum ku. Amun aku ngaun pamelumku takia bangat lawit here taumatei. ¹⁴ Jari aku tulak dahulu aku ngapung bagamat-bagamat mat sapi di satua salain salamat mat sawayan nakia bakoi uyuh, aku manalu hanyu ta seir. ¹⁵ Jari eau Esau, amun kala iti aku tulak nanan ulun matueh ku pahengau hanyu mat ngawat hanyu udi hio, Yakub ngeau, hanyu haot maet di aku, hanyu koi usah. ¹⁶ Jari, andrau iti Esau japo takia ga seir. ¹⁷ Udi hio, Yakub tulak ga sukot, tahio aye ngulah lewura, erai ga aye pahengau kanang mat uneng satua-e oleh hio, uneng hio aran ne sukot. ¹⁸ Yakub nyantadoh panakia-e teke Padan-Aram ga kota Sikhem, ta Kanaan sa salamt, aye ngulah kemahta alah ta riet kota. ¹⁹ Aye midi isa pitak tane sa bauman jatuh kapeng perak mat uneng perkemahan keluarga ta Hamor, amah Sikhem. ²⁰ Aye ngulah isa Altar ta aro mat uneng memuliakan Allah Tala. Aye ngulah aran uneng hio, "EL, Allah Tala ulun Israel.