¹ Ta isa andrau, Yakub ngarengei kawan nakia Laban bapaner. Here ngeau, "Yakub haot ngalap kaluhan ampun amah takam. Aye haot menjari sugih dan aye ngalap kaluhan kekayaan hio neke amah takam. ² Udi hio, Yakub memerhati kalakuan Laban dan ngarasa bahwa Laban koi seramah dahulu. ³ Tuhan ngeyau ga Yakub, "Waleng lah ga tane kalahiran nu, uneng datu nini nu muneng, dan Aku mat nengau hanyu." ⁴ Maka, Yakub nunyu ulun mawara ga Rahel di Lea mat panalu di aye ta ladang, uneng aye nyaga kawanan kambing domba e. ⁵ Yakub ngeyau ga here, "Aku haot nena bahwa perilaku amah nu haot bakoi sameh di dahulu ga aku. Akan tatapi, Allah amahku haot nengau aku. ⁶ Kaon rueh krasa bahwa aku haot gagah bagawi semaeh mungkin ga amah kawon. ⁷ Namun, amah kaon haot ngakal aku. Aye haot 10 kali nguba upa ku. Namun, Allah nyaga aku neke kaluhan akal Laban. ⁸ Amah kaon suah ngeyau, 'Hanyu tau ngalap kaluhan kambing sa babintik. Hio mat jari upa nu.' Udi aye ngeyau kalahio, kaluhan ternak nganak kambing sa babintik, seharus e kaluhan hio menjari ampun ku. Akan tatapi, Laban ngeyau, 'Aku mat nahan kambing babintik. Hanyu tau ngampun kaluhan kambing bagaris. Hiolah sa mat jari upah nu.' Amun udi aye ngeyau kalahio, kaluhan ternak nganak kambing bagaris. ⁹ Kalaina lah Allah haot ngalap ternak neke amah nu dan ngami e ga aku. ¹⁰ Ta musim kawin ternak, aku nganupi nena bahwa ekat kambing laki sa bagaris di babintik sa kawin. ¹¹ Huang upi hio, malaikat Allah ngeyau ga aku, 'Yakub!' Aku nyawab, 'Hiih' ¹² Malaikat ngeyau, 'Tenalah, kaluhan kambing jantan kawin di ternak sa bagaris dan babintik. Aku ngulah kaluhan hio ulah aku haot nena kaluhan sa na ulah Laban ga hanyu. ¹³ Aku iti Allah sa hawi ga hanyu ta Betel. Ta aro, hanyu haot ngulah altar di mencurahkan ilau ga entu e, pahengau ngulah perjanian baya Ku. Wayah ina, Aku kakan mat hanyu siap mat waleng ga negeri uneng nu na lahirkan."' ¹⁴ Rahel di Lea nyawab Yakub,"Amah kami koi harus ngami inon-inon ga kami inonkah aye matey. ¹⁵ Aye mangulah kami sameh di pendatang. Aye matang kami ga hanyu, dan udi hio makai kaluhan uang sa seharus e menjari ampun kami. ¹⁶ Allah haot ngalap kaluhan kekayaan ina neke amah kami, dan wayah ina menjari ampun takam di kawan nakia takam. Jari, hanyu harus ngulah kaluhan inon kah sa na eyau Allah ga hanyu." ¹⁷ Maka, Yakub basiap ga bapanulak e. Aye nampamai kawan nakia di kawan harau e ga entuh unta-unta. ¹⁸ Udi hio, here mulai takia waleng ga tane Kanaan, ta awe amah e muneng. Kaluhan kawanan ternak ampun Yakub takia ta muka here. Aye ngaun kaluhan sesuatu sa na peroleh e selawah aye muneng ta Padan-Aram. ¹⁹ Ta ganyah Laban tulak menggunting bulu domba-domba e, Rahel masuk ga lewu e dan ngalap terafim ampun amah e. ²⁰ Yakub ngakal Laban, ulun Aran hio. Aye koi ngeyau ga Laban bahwa aye tulak. ²¹ Yakub nahinang tulak pahengau ngaun kaluarga dab kaluhan ampun e. Here manyabrangi Sungai Efrat dan takia manuju daerah perbukitan Gilead. ²² Telu andrau udi hio, Laban menyadari bahwa Yakub haot kabur. ²³ Jari, aye manyimpun ulun-ulun e dan mulai nyansaluh Yakub. Udi pitu andrau, Laban kahaba Yakub ta riet perbukitan Gilead. ²⁴ Kamalem hio Allah hawi ga Laban huang upi dan ngeyau, "Bajaga-jagalah atas kaluhan paner sa mat na eyau nu ga Yakub."Pengelupuian Banda Berhala sa Nacuri ²⁵ Kiat e, Laban kahaba Yakub. Yakub haot nampindri kemah e ta entuh perbukitan Gilead, jari Laban di kaluhan ulun e nampindri kemah e ta perbukitan sa sameh. ²⁶ Laban ngeyau ga Yakub," wainon hanyu ngakal aku? Wainon hanyu ngalap anak-anak ku seolah-olah here ayelah tawanan perang? ²⁷ Wainon hanyu tulak tanpa wara ga aku? Jaka hanyu memberitahuku,aku akan mengadakan jamuan panguta ga hanyu. Akan naan nyanyian di tarian pahenngau musik. ²⁸ Bahkan, hanyu bakoi ngelah aku nyiuk umpu di anak-anakku mat ngantuh salamat tulak. hanyu haot ngulah kalakuan sa bungul! ²⁹ Aku bakuasa mat nampahanang hanyu. Namun, malem huni Allah amah nu hawi ga aku huang upi. Ngingat aku mat ada nampahanang pahengau cara inon bo. ³⁰ Aku karasa bahwa hanyu kakan waleng amah nu. Ulah sebab hio hanyu tulak. Tapi wah inon hanyu ngalat benda berhala teke lewuku?" ³¹ Yakub nyawab, "Aku tulak tanpa nawara nu ulah aku kaiehei. Aku bapikir hanyu mat ngalap anak-anak nu teke aku pahengau paksa. ³² Namun, aku bakoi galat banda bahala nu. Jika hanyu kahaba ulun sa sasameh ta iti haot ngalap berhala nu, ulun hio mat nawunu ta hadapan sahindra-sahindra takam, periksalah barang-barangku. Jaka naan barang-barang nu ta antara, alaplah hio." Waktu hio, Yakub koi karasa bahwa Rahel haot ngalat banda berhala Laban. ³³ Laban tulak dan mariksa kaluhan perkemahan Yakub. Aye nena ga huang tenda Yakub dan udi hio ga huang tenda Lea. Udi hio, aye nena ga huang tenda kararueh hamba wawei hio, tapi ie bakoi kahaba banda berhala teke lewu e. Maka, aye masuk ga tenda Rahel. ³⁴ Rahel nyandina banda berhala hio ta huang pelana unta e, dan aye maharung ta entu e. Laban ngalupui ka kaluhan tenda, tapi bakoi kahaba e banda berhala hio. ³⁵ Rahel bapaner ga amah e, "Amah, ada sangit ga aku. Aku koi sanggup mindri ta hadapan hanyu ulah aku ganyah hawi wulan." Jari, Laban ngalupui ka kaluhan tenda, tapi aye bakoi kahaba banda berhala hio. ³⁶ Yakub jari sangit tu'u dan bapaner, "Hala inon sa haot na ulahku? Hukum awe sa haot na langgarku? Inon hak nu untuk nyasah dan nampa tunuk aku? ³⁷ Hanyu haot mariksa kaluhan sesuatu na aku dan bakoi kaiyuh na hanyu. Jaka hanyu kahaba sesuatu, tutuilah ga aku. Andak ta ina mat ulun-ulunku tau nena e. Elah bo ulun-ulun kami manentu hie ta antara takam sa uwah. ³⁸ Aku haot bagawi salawah 20 taun ga hanyu. Salawah awuk hio, bakoi naan erang ka ikui anak domba di kambing sa matei pas lahir. Dan, aku bakoi nguta erang ka ikui pun teke kawan domba nu. ³⁹ Tiap kali erang ka ikuy domba na saham satua liar, aku karaerai aur bayar e. Aku bakoi nuna satua sa matei ga hanyu dan mawara hio bakoi hala ku. Dan hanyu lako aku nganti satua sa na alat maeh ta kaandrau atawa kamalem. ⁴⁰ Kaandrau, terik mate andrau nangalis kekuatan ku, dan ta kamalem mate k koi kaiyuh mandre ulah karisak. ⁴¹ Aku haot bagawi sameh hamba ga hanyu, salawah 20 taun. Epat walas taun pertama, aku bagawi pakai mat kaiyuh karueh anak wawey nu. Enem taun berikut e aku bagawi pakai kahaba ternak nu. Dan salawah wayah hio, hanyu haot sapuluh kali ngubah upa ku. ⁴² Akan tatapi, Allah datu nini ku, Allah Abraham dan sa na samah Ishak, dan menyertai aku, hanyu pasti haot nuyu aku tulak tanpa sesuatu. Akan tatapi Allah nena kauyuhan sa na hadapiku dan gawian sa haot na gawi ku, dan kamalem ni Allah mambuktikan bahwa aku uwah." Yakub dan Perjanjian Laban ⁴³ Laban ngeyau ga Yakub, "Wawei-wawei ina aye lah anakku. Kawan nakia hio aye lah na aku, dan ternak hio na aku. Kaluhan sesuatu sa na tanena nu ta ina aye lah na aku, tapi aku bakoi haba nagawi inon pun pakai nahan anak-anakku dan anak-anak here. ⁴⁴ Ulah sabab hio, mari takam ngulah perjanjian. Biarlah perjanjian hio mat jari bukti bahwa takam haot badamai." ⁴⁵ Maka, Yakub ngalap erang ka'ua watu hante dan dan na tapinri jari erang ka'ua tugu. ⁴⁶ Aye nunyu ulun-ulun e pakai nyimpun papire watu lagi dan numpuk e. Udi hio, here kuman ta lapeh tugu hio. ⁴⁷ Laban ngulah aran uneng hio Yegar-Sahaduta. Tapi Yakub ngulah aran e Galed. ⁴⁸ Laban ngeyau ga Yakub, "Tugu ina mat ngawat takam barueh ngingat perjanjian takam andrau ina." Ulah sebab hio, Yakub ngeyau uneng hio Galeed. ⁴⁹ Udi hio, Laban ngeyau, "Elah bo TUHAN ngajaga takam bapisah isa sameh lain maka uneng hio gin na antuh Mizpa. ⁵⁰ "Jaka hanyu na sakiti anak-anakku waweiku atau ngadu wawei lain, ingatlah bahwa Allah katena ulah nu. ⁵¹ Ta iti naan tugu sa ku andak ta penah-penah takam, dan naan tumpukan watu khusus sa jari bukti bahwa takam haot mangulah perjanjian. ⁵² Tugu dan watu khusus ina, karueh e ngawat takam pakai mengingat perjanjian takam. Aku bakoi mat suah nangkah tugu ina pakai nawan hanyu, dan hanyu bakoi mat nangkah watu-watu ina pakai nawanku. ⁵³ Semoga Allah Abraham, Allah nahor, dan Allah datu nini here menghakimi takam jaka takam malanggar perjanjian hio." Maka, Yakub bajanji pahengau maucapkan sumpah ga entu aran Tuhan sa natakut dan nasembah ulah Ishak, amah e. ⁵⁴ Udi hio, Yakub manyamaleh erang ekor satua dan mempersembahkan e sebagai persembahan ta entu gunung. Dan, aye mangundang ulun-ulun e hawi dan kuman sasameh. Udi here jari kuman, here bamalem ta gunung hio. ⁵⁵ Ga katuni andrau e, sunsung kiat Laban ngami siukan perpisahan ga umpu-umpu di anak-anak e. Aye memberkati here lalu aye mudi.