¹ Awukti umur Abram suwei puluh suwei tuan, Allah Tala nyantarang arepe ga Abram balu ngatuh ga aye aku ina Allah Tala sa Pangkakuasa; alah hio hanyu harus welem tatu'u ada naan hal ta muka rai-Ku udi hio ² Aku nampakuat janjii Ku di hanyu, ti Aku kakan malipet ngalipet ganda hanyu hampe ajoh tuu. ³ Abram basujud hampe raii e ka tane. Udi hio Allah Tala ngatuh ga aye. ⁴ Teke tuhi kami, ti bo pakat-Ku di hanyu : Hanyu mat jari ambah uhin rama. ⁵ Hanyu bakoi pudi naherau Abram udi hio Abram ulah aku haot ngulah hanya jari ambah ulun rama Aku ngulah keturunan Mu hampe ajoh tu'u. ⁶ Aku ngulah hanyu nganak ngumpu ngulah hanyu hampe ajoh tu'u bahu nampajari hanyu rama bangsa balu teke nu bo naan muncul raja-raja. ⁷ Aku sagaran nampenu pakat Ku di hanyu, pakat takan sueh hampe anak umpu nu, pudi generasi sa udi here ti jari pakat Ku penu abadi. Aku jari Allah Tala nu pahengau Allah Tala ta anak umpu nu. ⁸ Aku kakan ngami ga hanyu pahengau anak umpuh nu tane sa na unengnu sa jari parantu, aye hio kaluhan tane Kanaan, Aku ti ngami e jari ampun nu hampe kalawah e, pahengau Aku jari Allah Tala here. ⁹ Balu Allah Tala ngantuh ga Abram, wayah ina, ti bagiannu huang pakat Ku na : Hanyu pahengan kaluhan anak nupu mu taat di pakat Ku. ¹⁰ Iti pakat Ku sa harus hanyu manaate. Ina eh pakat helang AKu di hanyu pahengau anak umpu nu. Tiap ulun laki harus nasunat. ¹¹ Hanyu harus netek/ ngelak dutek (manyunat) jari tanda pakat Ku di hanyu. ¹² Balu palus anak unpu turunan, tiap duwan iya kaki ta nu sa baumur walu andrau lei harus na sunat, ye hio sa anak ta penah-penah umat Ku atawa sa na widi nu teke ulun luar - ye hio here sa bakai tamasuk anak unpu turunannu. ¹³ Balu, kaluhan sa na anak teke anak umpu turunan nu atawa sa napidi jari budak, here harus na sunat. ye kalahio pakat ku nampa kuat huang tenga nu jari tanda sa kuat abadi. ¹⁴ Jari ulun laki sa bakoi na sunat, ye hio sa bakoi na kelak dutik upak e bakoi na tetek maka katurunan e hio witu teke aye, ulah aye haot ngalangar pakat- Ku. ¹⁵ Balalu Allah Tala bapander ga Abram aje hio harau nu, Sarai bakoi ppudi naherai nu Sarai tapi arane naherau Sara. ¹⁶ Aku kakan manberkat aye, balu kakan ngami ga hanyu isa iya laki nangkah aye. Aku kakan mamberkat aye balu ayae jari ine ga rama bangsa-bangsa rama raja bangsa-bangsa ba asal teke aye. ¹⁷ Balu Abram basujud hampe rai e wuah tane tapi aye kakilu balu ngantuh ga arep e raerai, tau kah nakiya naanakan ulun sa haot baumur jatuh taun? taulah Sara nganak nelang aye haot baumur suwei pulu taun? ¹⁸ Balu Abram bapander di Allah Tala, "Oh, elah bo Ismael sa jari kagiri nu welun ta adapan Nu" ¹⁹ Amun kalahio, eyau Allah Tala sabujure Sara haraunu kakan nganak iya laki ga hayu, balu hanyu nganui aran Ishak ga aye. Aku kakan nampakuat pakat-Ku pahengau aye jari pakat sa abadi sa napakai hampe anak umpu keturunan e udi aye. ²⁰ Hanyu Ismael, Aku haot ngarengei hanyu sabujure aku kakan mamberkat aye. Ngulah aye nganak ngumpu hampe ajoh tuu, balu nampalipet ganda jumlah e. Aye jari amah teke rueh walas pamimpin. Aku kakan nampajari aye isa bangsa sa hante. ²¹ Kalahio lei Aku kakan nampakuat pakat Ku di Ishak, sa kakan naanakan Sara ga hanyu kala ina taun adap. ²² Udi hot jari bapander di Abram, maka Allah Tala inamai ga entu teke adapan Abram . ²³ Balu Abram nerau Ismael tamput ulun sa naanakan ta lewu e atawa sa na widie makai duit, balu nyumat here ta andrau hio lei, parasis kala sa na huyu Allah Tala ga aye. ²⁴ Abram ba umur suwei pulu suwei taun awe aye nasunat, ²⁵ Balu Ismael anak laki e baumur telu walas taun awuk nasunat. ²⁶ Abram di anak iya lakie nasunat andrau hio lei. ²⁷ Kaluhan ulun laki sa naan ta lewu Abram pudi sana widi e teke ulun asing nasunat sasaneh aye.