¹ Sarai, harau Abram, bakoi naan anak. Sarai naan erang kaulun walah wawie neke Mesir baaran Hagar. ² Jari, Sarai ngantuh ga Abram, Allah Tala nahan aku neke malahir anak. Ulah hoi, mandre bo pahengau walahku; mungkin aku tau baanak nangkah aye. Maka hio, ngarengei inon sa na antuh Sarai. ³ Jari, udi 10 taun muneng ta tane Kanaan, Sarai harau Abram ngalap Hagar walah Mesir hio, balalu ngami ga Abram, wane e, jari harau. ⁴ Ulah hio, Abram mandre pahengau Hagar ulah hio wawei hoi sawuntung. Balalu waktu Hagar karasa aye sawuntung, Aye balalu maremeh Sarai ⁶ Maka ulah hio Abram ngantuh ga Sarai, "walahnu naan huang kakuasaanu, ulah hio manaeaunu aye sameh sa kahandaknu." Ulah hio, Sarai manaeau bo ngulah Hagar sameh inon bo, ulah hio Hagar balalu tulak mitun mahalu. ⁷ Malaikat Allah Tala kahaba Hagar rite mate ranu ta padang gurun. Mate ranu hio naan ta rite lalan sa nuju Syur. ⁸ Antuh Malaikat hio, "Hagar, walah wawei Sarai, teke awe hanyu pahengau ga awe hanyu twak?" natuwing Hagar," Aku tulak mitun mahulu teke Sarai, bosku." ¹⁰ Malaikat Allah Tala ina lei ngantuh, "Aku mat malepetgana katurunannu mat ba ajoh here jari magin ajoh koi iyuh nareken. ¹¹ Balalu, Malaikat Allah Tala hio ngantuh ga aye lagi. "Rengei, hanyu ganyah sawuntung, pahengau mat ba anak nakia laki. Hanya mat ngulah baaran Ismael ulah hio Allah Tala haot ngarengei penderitaannu. ¹² Aye mat jari sameh erang kaikui keledai liar; tangan ne mat nawan tiap ulun, balalu tangan tiap ulun mat nawan aye balalu, aye mat muneng ta hadapan pahengau kaluhan pulak sanai e. ¹³ Ulah hio, Hagar nerau aran Allah Tala sa bapaner nuhi aye hio makai antuhan "Hanyulah El-Roi!" Ulah hio aye ngantuh, ta ina aku haot katena Aye sa haot katena aku!" ¹⁴ Hiolah sababe, mate ranu ina naami aran sumur Lahai Roi. (Mate ranu ina muneng ta helang Kadesh pahengau Bered) ¹⁵ Udi hio, Hagar nganak anak ga Abram, balalu Abram ngulah aran anak e baaran Ismael. ¹⁶ Abram sa baumur 86 taun awuk Hagar baanak Ismael ga aye.