¹ ಅದಿಕರಂಕಿ ಲೋಗಹಿ ನ್ಯಾಯದಿಪತಿಲ್ಕಿ ವಿದೆಯಕವಲಅಣಿ ಅನ್ದುರು ಮನ್ಚಿದ್ಕಿ ಸಿದ್ದಕವಲ ² ವಿಸ್ಯಮ್ಲ ಶೆಡ್ಡ ಮತಲೋಡು ಜಗಲ್ಮ್ನಿ ಸೇಸೋಳು ಐನ್ದೊಲು ಮನ್ಚೋಲು ಅಹಿ ಅಂತ ಮನುಷ್ಲಲ್ಕಿ ನಿಂದ ಸ್ವಥಿಕಥ್ವನಿ ಸುಪಿಯಳನಿ ವಲ್ಕಿ ಜ್ಞಾಪಕ ಸೇಯಳ್ಲ . ³ ಕುಡ ಮೊದ್ಲು ಅವಿವೇಕಿಲ್ಗು ಅವಿದೆಯೋಳು ಮೋಸಂ ಪೈನೋಳು ಅನಿಕ ವಿದಂಗ ದುಅರ್ಸೆಲ್ಗಿ ಅಮಿಮ್ಕ ಬೊಗಲ್ಕಿ ದಸಲು ಸೇದಡಿ ಹೊಟ್ಟೆಕಿಚ್ಚುಲ ಜೀವಿನ್ಚೋಲು ಅಸ್ಯ್ಮೊಳು ಒಕಕ್ನೋಕ್ಲು ಹಗೆ ಸೇಸೋಳು ಇನಲು. ⁴ -ಅಹಿನ ಮಾ ರಕ್ಷಕದೈನ ದೆಹುದ ದಯೆಯು ಪೀತಿ ಮನುಸ್ಯಡ ಕ್ದ್ಕಿ ವನ್ಚಿನಪುದು ⁵ ಚೆಸಿನ ನೀತಿಯ ಕಿರ್ಯಲಕಾದು ಅತುಡ ಕರುಣೆನಿನ್ಕ ಪುನ ಪುಟಿನ ಕಡ್ಹೆದನ್ತ್ಲ ಪವಿತರ್ತ್ಮುಡು ಕೊತ ಸ್ವಬವನಿ ಹುನ್ತುಸೆಸದಂತಲ ವಡು ಮಮಲ್ನಿ ರಕ್ಸಿನ್ಚೆ. ⁶ ಮಾ ರಕ್ಸಕಡೈನ ಯೇಸು ಕಿಸ್ಥ ಮುಳಕಂಗ ವಾಲ್ನಿ(ಪವಿತ್ರತ್ಮ್) ಮಾ ಪೈನ ದರಲಂಗ ಪೋಸ್ನಡು. ⁷ -ಮಾಮು ಇಟೆ ಆತಡ ಕ್ರುಪೆನಿಂಕ ನಿತಿವನ್ತುಲನಿ ಅನ್ಕೊನಿ ನಿತ್ಯಜೀವ ನಿರಿಕ್ಸಕಿ ಬಾದ್ಯಅಹಿನಮು. ⁸ ಇದಿ ನಮ್ಕನೆ ಮಾತಲ್ ಎಯಂದಿ. ದೆಹುಡಲ ನಂಬಿಕೆ ಪೆತ್ನೋಳು ಮಂಚಿ ಪಾನಿ ಸೇಸದನ್ತಲ ಜಾಗೃತಹುನ್ದತ್ಕ ನುವ ಈ ಮತಲ್ನಿ ಎಪುಡು ದ್ರುಡಮಾಹಿ ಸೋಪಳ ಅನುಕುಂಟ. ಇವೀ ಮನುಸ್ಯಲ್ಕಿ ಮನ್ಚಿದಿ ಪ್ರಾಯೋಜನೆ ಅಹಿಂದಿ. ⁹ ಅಹಿನ ಬುದ್ದಿ ಲೆಕುಂದ ವಿಕರ್ತಲ್ಕಿ ಓಮ್ಸವಳಕಿ ಜಗಲ್ಕಿ ನ್ಯಾಯ ಪ್ರಮಾಣಕಿ ವಿಸ್ಯಮಹಿನ ವಗ್ದಂಕಿ ದುರಂಗಹುಂಡು ಎಂದುಕಂಟೆ ಅವಿ ಪನಿಕಿರಲೇದಿ ಅಹಿಂದಿ. ¹⁰ ಭೇದ ಪುತಿಂಚ ಮನುಸ್ಯದ್ನಿ ಒಕ್ಕ ಸರಿ ಭುದ್ದಿ ಸೋಪಿನ ಪೈನ ಹಟ್ಸುಡಿ. ¹¹ ಮಂಚಿ ಮರ್ಗಂಕಿ ತಪ್ಪಿನೋಡು ಪಾಪಂ ಸೇಸೋಡು ಅಹಿನಾಡು; ವಾಡು ಸಿಕ್ಸಪಾತ್ರಮೈನೋಡು ವಡ್ನೆ ವಡೆ ಖಂಡಿಸ್ಕೊಂತಡು. ¹² ನಿಕೊಪೋಲಿಲ ಚಲಿಗಳಮ್ಲ ಹುನ್ದಲಾನಿ ಅನುಕೊಂಡದಂಕಿ ಅರ್ತೆಮಾಡಕಣಿ ತುಖಿಕಕನಿ ನಿ ದೇಗ್ರ ಅಮ್ಪಿಂಚಿನ ಬಿರ್ನ ನಾ ಡಿಗ್ರ ವಚದಂಕಿ ಪ್ರಯತ್ನಸಿಹಿ. ¹³ ವಿಸ್ವಚಿಅಹಿನ ಜೀನ್ನಿ ಅಪೋಲೋಸ್ತಾನಿ ಜ್ಗ್ರತಯ್ಲ ಅಮ್ಪಿಂಚಿ; ವಲ್ಕಿ ಯೆಮು ಕೊರತೆಕಕುದ್ದು. ¹⁴ -ಅಗ್ತ್ಯಮಹಿನ ಕೊರತೆಲ್ನಿ ನಿಗಿನ್ಚೆ ಸತ್ಕಿರ್ಯಲ್ನಿ ಸೇಸದಂಕಿ ಮನೋಳು ಕೂಡ ನೆರ್ಸ್ಕೊನಿ; ಎಟೆ ವಲ್ಲು ಪನಿಕಿರಳೆದು. ¹⁵ -ಮಾ ಜೋತ್ಳಹುನ್ದೊಲ್ಲನ್ದ್ರು ನಿಕಿ ವಂದನೆ ಸೋಪ್ತಳು; ನಮ್ಬಿಕೆಲ ಮಮಲ್ನಿ ಪ್ರೀತಿಚೆಸೋಲ್ಕಿ ವಂದನೆ ಸೋಪು; ಕೃಪೆ ಮಿ ಜೋತ್ಲ ಹುನ್ದ್ನಿ.