¹ ನುವೇನು ಮಂಚಿ ಬೋದನೆಕಿ ಅನ್ಸರಿಂಚಿ ಮತ್ಲಡು. ² ವಯಸಯ್ನೋಲು ಮನ್ಚಿಹುನೋಳು ಗೌರವಹುನೋಳು ನಂಬಿಕೆ ಪ್ರೀತಿ ಎವತಲ್ಲ ಸ್ವಸ್ತಹುನೋಳು ಇಯಾಲ ಅನಿ ಸೋಪು. ³ ಹುನಪುಡು ವಯಸಯ್ನ ಆಡೋಳು ನಡ್ಸದಂತ್ಲ ಪರಿಶುದಂಗ ಆಟೇ ಹುನಪುಡು ಸುಳ್ನಿ ಸೋಪ್ನೋಳು ಜಾಸ್ತಿ ತಾಗೆದಿ ಸೇಸೋಳು ಕಕುಂಡ ⁴ ಕಕುಂಡ ದೆಹುಡ ವಾಕ್ಯಮು ದುಸಿಂಚ ಲೆಕುoಡ ಯೌವನ ಶ್ರೀಯಲು ಸ್ವಸ್ತಚಿತಮ್ಲ ವಲ ಮೊಗೊಲ್ನಿ ಅಮಿಂಕ ಬಿದಲ್ನಿ ಪ್ರೀತಿಚಾಲೂ ⁵ ವಿವೇಕ ಹುನ್ನೋಲು ಪ್ರತಿವರ್ತುಳು ಎಂಟಲ ಸುಸ್ಕನೋವಳು ಮನ್ಚೋಲು ವಲ ಮೊಗಲ್ಕಿ ವಿದೆಯಂಗ ಹುನ್ದಲ ಅನಿ ವಲ್ಕಿ ಸೊಪ್ಪು. ⁶ ಯೌವನಸ್ತುಲು ಸ್ವಸ್ಥಚಿಥಮಾಹಿಹುನಡಾನಿ ವಲ್ನಿ ಎಚರಿಂಚು. ⁷ ಅನಿ ವಿಸ್ಯಮ್ಲ ನಿನ್ನಿ ಮಂಚಿ ಪನಿಕಿ ಮಾದರಿಯಾಗ ಸುಪಿನ್ಚೋಕನಿ ಬೋದನೆಲ ಗೌರವನಿ ಯಥರ್ಥನಿ ಖಂದಿಂಚಕಿ ಕಕುಂಡ ಮಂಚಿ ಮಟ್ಲನಿ ಸುಪಿಂಚು. ⁸ ದನ್ನಿಕ ವಿರೋದ ಪಸ್ಮಳು ಮಿ ವಿಸ್ಯಮ್ಲ ಸೇದೇಡಿ ಸೋಪದಂಕಿ ಇಮಿ ಲೇಕುಂದ ನಾಚಿಕೆಪದ್ತಲು. ⁹ ಸೇವಕಲು ವಲ್ಲ ಯಜಮನಲ್ಕಿ ವಿದೆಯಿ ಅನಿತ್ಲ ವಲ್ನಿ ಮೆಚಿಚದಂಕಿ ಪ್ರಯಾಸ ಪಡ್ತಾ ತಿರುಗಿ ಮಾತ್ಳದ್ಕುಂದ ¹⁰ -ಎಮಿನಿ ಮುಸ್ಕೊಕುಂದ ಪೋರ ನಮ್ಬಿಗಸ್ತಂಗರಾಣಿ ಸುಪಿನ್ಚೋದನಿ ವಾಲ್ ರಕ್ಷಕ ಅಹಿನ ದೇಹುದ ಹುಪದೆಸಂಕಿ ಅಣಿ ವಿಸ್ಯಮ್ಲ ಮನ್ಚೋಲಾಹಿ ಹುನ್ದಲ ಅಣಿ ಎಚರಿಂಚು. ¹¹ -ಎಂದುಕಂಟೆ ಅಂತ ಮನುಸ್ಯಲ್ಕಿ ರಕ್ಸಣೆಸೆಸ ದೇಹುದ ಕೃಪೆ ಕಂನ್ಬಿನ್ಚನಿ. ¹² -ಮಾಮು ಭಕ್ತಿ ಹಿನತೆಲ ಲೋಕಂ ಇಚೆನಿ ಹುಡ್ಸಿ ಈ ಲೋಕಮ್ಲ ಸ್ವಸ್ಥಚಿತಂಅಹಿ ನಿತಿವನ್ಥುಲುಅಹಿ ಭಕ್ತಿ ಹುಯ್ಳವಲಾಹಿ ಬದುಕಲ ಅನಿ(ಅ ಕೃಪೆ) ಮಕಿ ಬೋದಿಸ್ಥದಿ. ¹³ ಮಾಮು ಭಾಗ್ಯಕರಂಅಹಿನ ನಿರಿಕ್ಷೆನಿ ಮತ್ಮಹಿನ ದೇಹುಡು ಅಮಿಂಕ ಮಾ ರಕ್ಷಕಮಿನ ಯೇಸು ಕಿಸ್ಥಡು ಪ್ರತ್ಯಕ್ಸನಿ ಎದುರುಸುಸ್ಥಹುನ್ದಲ. ¹⁴ ಮಾಮಲ್ನಿ ಅನಿ ದ್ಸುಟತನಮ್ನಿಂಕ ವಿಮೊಚಿಚದಂಕಿ ಸತ್ಕ್ರಏ ಅಸಕ್ತಮಹಿನ ಅಸಾಮಾನ್ಯ ಜನ್ಲು ಜನಲ್ನಿ ವಲ್ಕಾಹಿ ಪರಿಶುದ ಸೇಸದಂಕಿ ಮಕೊಸ್ಕಂಗ ವದ್ನಿ ವಡೆ ಒಪಿಂಚೆ. ¹⁵ ಈ ಪಾಣಿ ವಿಸ್ಯಮ್ಲ ಮತ್ಳದ್ಥ ಎಚರಿನ್ಚಾಥ ಪೂರ್ಣ ಅಡಿಕರನ್ನಿಕ ಖಂದಿಂಚಾಥ ಹುಂಡು.ಯಾರು ನಿನ್ನು ತಿರಸ್ಕರಿಕುಡುದು.