¹ ದೆವುಹುಯೋಥೆ ಯೇಸು ದೆಖವುಷೆಥೆ ಅಗಡಿಶ್ ಅಖಿ ವಿಷಯಮ್ಮ ಚಲ್ನುಕರಿನ್ ಇಮ್ಕರಿನ್ ಬ್ಹಾಯೇ, ಹಮರೋ ದೆವುಹುಇರೊಥೆ ಯೇಸು ಕ್ರಿಸ್ತನ ಚಿಯೋ ಹುಇರೋಥೆ ವಿಶಂತಿ ಉಜು ಹಮೇ ಇವನ ಖಮ್ನೆ ಕುಡಿಯಯಥಿ ಜೊಡ್ ಹುಇನ್ ಅಯಥೇ ವಿಷಯಮ್ತಿ ತುಮನ ಬೇಡಿಲಿಯೇಸ್ ಶಥ್ಕತ್ಹೋ - ² ದೆವ್ ಅವನ ಧನ್ ಹಂಕೆಸ್ ಅಯುಕರಿನ್ ಅತ್ಹ್ಮಥೆಬಿ ವಥೆಕ್ಹುಬಿ ಬೂಜುಹಮರು ವಥ್ಕ್ಹುಬಿ ತುಮೆ ಇಗ್ಹಿಸ್ ಬುದ್ದಿವಳ ಚತುರ್ಕರಿನ್ ಬೆಜಾರ್ ನಕೊಹುವೋ.ದೇವುನ ಘನುಘನುಸ್ತುಥಿಕರೋ. ³ ಕೊನಬಿ ಕೆಹು ಥರಕ್ಹುಬಿ ತುಮನ ಮೊಸಂಕರ್ನುನಥೆ ದೆಖಿಲೆವೋ; ಶೇಖತ್ಹೋ ಅಗಡಿ ನಂಬಕಮ್ಮ ಕರಬ್ನಿಗೋ ಪಡಿಜೈನ್ ನಶನಮ್ಮಾ ಅಇನ್ ಚೊಕ್ರುದೆಕೈನ್ ಅವಶೇ ಇಮ್ಮಸ್ ಯೋ ದನ್ ಅವಶೆಕೊಇನಿ ⁴ ಕೆಹು ದೆವುನ ಮಲಮ್ಕರಿಲೆಸ್ಕಿ ಕೆಹು ಆರಾಧನೆ ಹುವಸ್ಕಿ ಯೋಕ್ಹರು ನಶಮ್ನ ಲೆಕ್ಕಾಮ ಯೋ ಆದ್ಮಿ ಗುರ್ಖೈನ್ ಇನೆಕ್ಹುಬಿ ಘನು ಇನುಯೋಸ್ ಉಬ್ಬಿನ್ಚಿಲಿನ್ ಮೇ ದೆವುಕರಿನ್ ಕ್ಹುಸಿಪಡಿನ್ ದೆವುನ ಗುಡಿಮ ಭೆಖ್ಷೆ.ಯೇಸು ಕ್ರಿಸ್ತು ಬುಜುಪಸೋ ಅವನಿಟೆಂಪರ್ ಇನಕಾಜೆ ಬದಪಡಿಯೋಥೆಅದ್ಮಿನ ಘನಿಶಂಥಿಬಿ ದುಶ್ಮನ ದಂಡನೆ ಉಷೆಕರಿನ್ ಅಕ್ಹ್. ⁵ ಮೇ ತುಮನ ಜುಡ್ಮ ರಯೋಥೆ ಅ ಸಂಗಥಿನ ಕ್ಹರುನ ಖಮ್ಜೋಥೆ ಖಯಲ್ಚಥೆಕಯೇನ ? ⁶ ಅಮ್ಖಯೇಥೆ ಯೋ ಆದ್ಮಿ ನೆಮಕರಿಯುಥೆ ಟಯಮ್ನಸ್ ಖಯೇಥೆ ಕ್ಹಾಮೆ ಅವನ ಕೆಹುಬಿ ಅಡೆ ಖರ್ಶೆನ ಯೋ ತುಮನ ಮಲಮ್ಚಾ. ⁷ ಅದರ್ಮಂ ಹಂಕೆಬಿ ಶಪೋತಿ ಇನಿ ಜುಣನ ಸದನೆಕರ್ಷೆ; ಕತ್ಹೋ ಹನ್ಕೆತೋಡಿ ಅಡ್ಡಿ ಕರವಳು ಕಡಿನಖವಸೆತುಡಿ ಯೋ ಶಪೋತಿಸ್ ರಾಷೆ. ⁸ ಇವನೇ ಬರಬರ್ಹುಯುಥೆದೆಸ್ ಯೋ ನಷ್ನಂನು ದೇಖವುಸೆ;ಇಉಣ ಯೇಸು ದೇವೂ ಇನಿ ಮೊಢತಿ ಧಮ್ ಕು ನಶನಂಖರ್ಷ, ಯೋ ಅಇನ್ ದೆಖಿನ್ ನಶನಂ. ⁹ ಯೋ ಅಯೋಪಪ್ ಹೊಇರೋಸ್ಥೆ ಅಇನ್ ಸೈತಾನ್ನ ಜುಣನ ಕಂನಿಬರಬರ್ತಿ, ಯೋ ಮೊಸಂಕರ್ಸ್ಥೆ ಅಕ್ಹುಸ್ಕಂನ ಮಹತ್ಥಕರ್ಯಂ, ದೇಖನುಕಂ, ಅದ್ಬುಥ್ನುಕಂಮ್ ಅಕ್ಹರುಥೆಗಲಿಜ್ತಿ ಅಕ್ಕಿ ಕರಬ್ ಕಾಮ್ತೀ ಭರೈನ್ ¹⁰ ನಶನಂನಿ ವಾಟ್ಪರ್ ರವಲನ ಯೋ ಖಮ್ ಹುಷೆ. ನಷ್ನಂನಿ ವಟ್ ಪರವಲನ ಜುಖವುಷೆಥೆ, ಶೇಕತ್ಹೋ ಇವನ ಕ್ಹಚಿನ ಲಡ್ ಕರ್ಶೆಕೊಇನಿಥೆ ಭಾಚವನ ದುರ್ಕರಿಯು. ¹¹ ಅಸ್ ಕರನಮ್ತಿ ದೇವೂ ಘನುಅಚು ಮನಸು ಇವಣಮ ಮುಕಲಿನ್ ಇವನೇ ಯೋ ಜುತಿಣ ನಬುವೊನುಕರಿನ್ ಮಲಮ್ಕರಯ್ಯೋ. ¹² ಸತ್ಯಮ್ನ ನಮ್ಮಿಯುಕೋಇನಿಥೆ ನಮ್ಬಕಂ ಕೊಇನಿಥೆ ಇನಾಮ ಖುಶಿಪಡವಳು ಅನಿ ಗೋಣಿ ನ್ಯಾಯಂ ಕರವನ ಮೈರಷೆ.ಪೌಲನು ಥೆಸ್ಸಲೋನಿಕವಲನ ಕರವನ್ನು ಘನಿಘನಿಸ್ತುಥಿ ಆಲೋಚನಂ ¹³ ದೆವುನ ಲಾಡ್ ಹುಇರಸ್ಥೆ ಭೈಯೇ, ತುಮೆ ಪರಿಶುದ್ಥಥಿ ದೊವವೈನಿ ಕ್ಹಾಚಿನಿ ಉಪ್ಪಾರ್ ನಂಬಕಂ ರಕ್ಷನಮ್ನ ಪೊಂದಿಲೆನುಕರಿನ್ ದೇವೂ ತುಮನ ಕೆಥ್ರಕಿಜಗ್ಮತೋ ಚುನಿಲಿಧೋಕರಿನ್ ಹಮೆ ತ್ಹುಮರಿ ಭರೆಮ ಕೆದೆಬ್ಹಿ ದೆವುನ ಘನುಘನುಸ್ತುಥಿಕರಣ ಜಬಬ್ಧರಿ ಹುಇರಸ್. ¹⁴ ತುಮೆ ಅಮ್ ಬಚ್ಹಿನ್ ಹಮರೋ ದೇವೂ ಹುಇರೊಸ್ತ್ತೆ ಯೇಸು ಕ್ರಿಸ್ತುನಿ ಮಹಿಮಾ ಸಂಪದಿನ್ಚಿಲೆನುಕರಿನ್ ದೇವೂ ಹಮರೋ ಸುಬ್ಸಂದೆಶಮ್ನ ಮುಲಕಂ ತುಮನ ಬೋಲಯೋ. ¹⁵ ಅಮ್ಖತ್ಹೋ ಭೈಯೇ, ಧೈರಮ್ಖು ಉಬಿರಹೋ. ಹಮೆ ವಥೆಕ್ಹುಬಿ, ಲೆಟರ್ನಿಬರೆಮ ತುಮನಬೋದಿಂಚಥೇ ನಿಯಮಮನ ಕ್ಹೊಂಗತ್ಹ್ಲಿನ್ ಚಲಿನ್ ಘಾಟ್ಕ್ಹು ಉಭಿರಹೋ. ¹⁶ ಬುಜು ಹಮುನ ಲಾಡ್ಕರಿನ್ ತುಮನ ಶಶ್ವಥಮ್ನು ಜಬಬ್ದರಿ ಅಅಚೂಚಥೆ ಅಕ್ಹನ ಕ್ರುಪಮ್ತಿ ದಿಧೋಥೆ ಹಮರೋ ಬಹುಇರೋಥೆ ದೇವೂ ಹಮರೋ ದೇವೂ ಯೇಸು ಕ್ರಿಸ್ಥುನ ಯೋಸ್ ತುಮರ ದಿಲ್ಮ ಖುಸಿದೀನ್. ¹⁷ ಅಕ್ಹು ಅಚೂಕಮ್ನ,ಅಚಿವಥೆನಬಿ ಘಟ್ಕರೋ