1 ಜಮ್ಮಿಪರ್ ಛಜಕೋ ಅಪನ್ ಘರ್ ಕತೋ ಅಪನೆರ್ ಜಿವಡಾ ಕಜಕೋ ದೇರಾ ಹುಕದ್ವಾವಚ ದೇವ ಸರ್ಗರ ಳೋಕೇಮಾ ಉ ಜ್ ಭಾಮ್ದೋಜಕೋ ಏಕ್ ಘರೇನ್ ಅಪನೆನ್ ದಚ. 2 ಅಪನ್ ಅಬ್ಬೆರ್ ಜಿವ್ದಾಮಾ ರಜೆಲಗು ವೇಲಾಖಮಾಚಾ . ಪರ್ರಮೆತಿ 3 ಮಲಕೋ ಅಪನೆರ್ ಘರೇನ ಅಪನ್ ಜಿವದಪನ ಪೆರ್ನು ಕ್ ನ್ ಅಪನ್ ಅಸಾಕರಚಾ. 4 ಈ ದೇರಾಮಾ ಚಾಜಕೋ ಅಪನ್ ಭಾರಿ ಪಾಡೇವಾಲೆನ್ ವೆಲಾಖಾಮಾಚಾ ; ಈ ನಿಕ್ಕನಾನು ಕಣ್ ಹಮಾರ್ ಅಸಾಕೋನಿ ಮೋತ್ ಕೆರೋ ಹಾಮಾರ್ ಅಸಾ. 5 ದೇವ್ ಅಪನೆನ್ ಈ ಬದಲೇವಾಸ್ ತಯಾರ್ ಕಿದೋ ; ಉ ಅಪ ನೆವಾಸ್ ತಯಾರ್ ಕಿದೋಜಕೋ ಸೇ ಭರೋಸಾರ್ ನ್ಯೆ ಓರ್ ಆತ್ಮಾನ್ ಅಪನ್ ದೇಮಾಳೋ =ಛ=. 6 ಜೇರ್ವಾಸ್ ಹಂ ಹಮೇಶಾ ಹಿಮ್ಮಾತೆವಾಲ್ ವೆಂ ಚಾ. 7 ಎ ಜಿವೇಮಾ ಅಪನ್ ಬಂಛನ್ ರಾ ಅತ್ರಾದಾದ್ ಪ್ರಭು ಅಪನೆನ್ ದಜೆ ಘರೇತಿ ಅಪನ್ ಘನಮ್ ಚಾ ಅಪನ್ ನಂಜರೇರ್ ಕಾನ್ಕೋನಿ ವಿಶ್ವಾಸೆರ್ ಕಾನ್ ಬಂಛರೇಚಾ. 8 ಉಜ್ಜಿ ಸೋಸ್ ಕರನ್ ಹಂ ಹಿಮ್ಮತೆತಿ ರೇನ್ ಜಿವ ಡಾನ್ ಚೊದನ್ ಪ್ರಭೂರ್ ದಾಂಯಿರೆರೋ ಅಚ್ಹೋಕನ್ ಕೇಲೇರೇಚಾ. 9 ಜೇರ್ ವಾಸ್ ಹಮ್ ಜಿವಾಡಾಕಜಕೋ ಘರೇಮಾ ರತ್ತೋಯಿ ಸಮ್ಮೊರ್ , ಓನ್ ಚೊ ದೇನ್ ರತ್ತೋಯಿ ಸಂಮೊರ್ , ಪ್ರಭುರ್ ಖಾತರೆವಾಲ್ ವೇನ್ ರೇಣುಕಜಕೋ ಹಮಾರ್ ಗುರಿ ವೇನ್ ಕಃ. 10 ಕಸ್ಸೆ ನ್ ಕತೋ ಹರ ಯೆರ್ಕ್ ಒರ ಜೀವ್ದಾರ್ ವಾಡಿತಿ ಚಲಾಯೇಜಕೋ ಅಚ್ಹೋರೇದ್ ಬಲ್ರೆದ್ ಸಮೊರೆತಿ ಪಾಲಿನ ಪಾಯೇರ್ ಸಾರು ಅಪನ್ ಸೇ ಪ್ರಭು ನೆವೇರ್ ತ್ಕ್ತೆರ್ ಮುಮ್ದಾಗ್ ಚಾಜಜು ದೆಕಾವನು. 11 ಜೆಟಿ ಪ್ರಭು ಚಮಕನು ಕಜೆನ್ ಮಾಲಂ ಕರ್ನ್ ಮನಕ್ಯಾನ್ ಅಕ್ಕ್ಲ್ ಕೆಮಾಚಾ . ಹಂ ದೆವೆನ ಮಾಲಂ ವೇನ್ ಛಜು ತ್ಮಾರ್ ಡಾಲರ್ ಗವಾಯಿನಿ ಮಾಲಂ ವೇನ್ ಚಾಕನ್ ನಮ್ಮಚು. 12 ಜೇತಿ ತ್ಮಾರ್ ಅಂಗ ಹಂ ಹಮೆನ್ ಪರನ್ ಮೊತ್ತನ್ ಕರ್ಲಾನಿಜು ದಲೆಮಾ ಕೋನಿ ಕಪತೇತಿ ಮೋತ್ತನ್ ಕಳೆವಾಲೆರ್ ಅಂಗ್ ಹಮಾರ್ ಬಾರೆಮಾ ತ್ಮ ಮೋತ್ತನ್ ಕರೆನ್ ಹಲ ಜಾರೇಚಾ. 13 ಹಂ ವೆಂದೆ ಚಾಕತೋ ಉ ದೇವೇರ್ ವಾಸ್ಜ್ ಹನು ಕಲಾಲೇರ್ ಅಕಕಲೇವಾಳ್ ಕತೋ ಉ ತಮಾರ್ ವಾಸ್ಜ್ 14 ಕಸೇನ್ ಕತೋ ಕ್ರಿಸ್ತುರ್ ಪ್ರೇಮಾ ಹಮಾರ್ ದಲೆಮಾ ನಿಕಲ್ರೊಚ ಎಕ್ಲೊಂ ಸೇರ್ವಾಸ್ ಮಗೊಜೆತಿ ಸೇ ಮರ್ಗೆಛಕನ್ , 15 ಬಂಚ್ ರೇಜಕೋ ಅಬೇತಿ ಉನೇರ್ ವಾ ಸ್ ಕೋನಿ ಪಣ್ ಉನೇರ್ವಾಸ್ ಮರ್ಜಾನ್ ಅರನ ಉತೋ ಜೇರ್ ವಾಸ್ಜ್ ಬಂಛನೂಕನ್ ಉ ಸೇರ್ವಾಸ್ ಮಾರ್ಗೋ. 16 ಜೆಟಿ ಅಬ್ಬೆತಿರೇನ್ ಹಂ ಕೇನಿತೋಯಿ ಜಿವದಾವರ್ಡಿ ವಲಕಾನಿ ಹಮ್ ಕ್ರಿಸ್ತ್ಹೂನ್ ಜಿವದಾವರ್ಡಿ ವಲಕನ್ ರಾತೋಯಿ ಅಬ್ಬೆಪರ್ ಕನ್ನಾಯಿ ಓನ್ ಜಿವಾದವಡಿ ವಲಕಾನಿ. 17 ಜೇತಿ ಕೋಯಿಏಕ್ ಕ್ರಿಸ್ಥೂಮಾ ರಾತೋ ನವೋ ಸೃಷ್ಟಿ ಛ; ಜುಉನೋ ದಗಗೊರ್ ಇದೆಕ್ ಸೇ ನವೊವೆಗೋ 18 ಇ ಸೇ ದೇವೇತಿಜ್ ವೇಗೋ . ಉ ಕ್ರಿಸ್ತುತಿ ಅಪನೆನ್ ಸಮಾದಾನ್ ಕರಲೆನ್ ಸಮಾಧಾನಾರ್ ಖಬರೆರ್ ಸೇವಾನ್ ಹಮೇನ್ ದಿನೋ. 19 ಉ ಕಾಮ್ಯಿಕತೋ ದೇವ್ ಈ ಜಗತಿವಾಲರ್ ಪಾಪೆ ನ ಲೇಕೋನಕರಜು ಬೊಡಾನ್ ಹಮೆನ್ ಹಾವಾಳ್ ಕಿದೋ. 20 ಜೇತಿದೇವ್ ಹಮರ್ವಡಿತಿ ಅಕ್ಕಲ್ ಕೇರೋಜು ಹಂ ಕ್ರಿಸ್ತುರ್ ವಜ್ಜೆಲಾವೆನ್ ದೇವೇತಿ ರಾಜಿವೇಜಾವೋಕನ್ ಕ್ರಿಸ್ತುರ್ವಡಿ ತಮೆನ ಪುಚಾಚಾ. 21 ಕ್ರಿಸ್ತ್ಹೂಮಾ ಕುನ್ನಿ ಪಾಪ್ರಕಕೋನಿ ಅಪನ್ ಓತಿ ಸದಾ ದೇವೇರ್ ನಿಯಾತೇಮಾ ಹಂ ಸೋ ಲೆಲಾಜು ಅಪನ್ ಪಾಪೆಮಾ ಉ ಹಂಸೋ ಲೇಲ =ಜು ದೇವ್ಕೀದೋ.