¹ ಜೇರ್ ವಾಸ್ ದೇವ್ ಓರ್ ಕೃಪಾ ಕಾನ್ ಹಮೇನ್ ಇ ಸೇ ವಾನ್ ಡಿಡಿನೋ ; ಜೇತಿ ಹಂ ಹಿಮ್ಮತೆನ ಚೊಡಾನಿ. ² ಲಾಜೆನ್ ಲಾವಜಕೋ ಸೇ ಬೇದೇರ್ ಕಾಮೇನ್ ಅಪನ್ ಚೊದಡದೇನ್ , ಹಕ್ಮತೆತಿ ಚಾಲಾನಜು ದೇವೇರ್ ವಾಟೆ ಹಳ್ಕರೆನಿಜು ಸತ್ತೆರ್ ವಾಟೆನ್ ಮಾಲಂಕರ್ ಜೇತಿ ದೇವೇರ್ ನಂಜರೇಮಾಸೇ ಮನಕ್ಯಾರ್ ಮಣ್ಣೇರ್ ಗವಾಯಿಮಾ ಹಮೇನ್ ಸಾಸ್ಪೆನೆರ್ ಕನ್ ಮಾಲಂಕರಾಚಾ. ³ ಹಂ ಕೇರ್ ಜಕೋ ಅಚ್ ಖಬರ್ಥೋ ಸೇಕೇನ್ ಗೋಕಾನ್ ಛಕತೋ ನಾಸೆರ್ ವಾಟೆಮಾ ಛಜೇನುನ್ ಗೋಕಾನ್ ಛ. ⁴ ಇನೂಮಾ ದೆವೆರ್ ಸರೂಪ್ ಛಕೋ ಕ್ರಿಸ್ತುರ್ ಮಹಿಮಾನ್ ದೆಕಾಲಜ ಕೋ ಅಚ್ ಖಬರೆರ್ ವಜಾಲೋ ಹನೂಕೋನಿ ಕಣ್ ಎ ಜಾಗೆರ್ ದೇವ ವಿಶ್ವಸ್ ಚೇನಿಜೇರ್ ದಲ್ಮೆನ್ ಅಂಡಾರೋಕರ್ನ್ನಕೋ. ⁵ ಹಮೆನಜ್ ಫೆಲಾಲನಜು ಯೇಸು ಕ್ರಿಸ್ತು ಪ್ರಭುಕನ್ ಹಂ ಓರ್ವಾಸ್ ತ್ಮಾರ್ ಸೇವಾಕ್ ಕಣ್ ಪ ಪ್ರಚಾರ್ ಕರ್ರ್ ಚಾ. ⁶ ಕಸ್ಸೆನ್ಕತೋ ಆಮ್ದಾರೆ ಮಾಯಿತಿ ವಜಾಲೋ ಜ್ಹಾಮ್ಕೆದಕನ್ ಕೋಜಕೋ ದೇವ ಉಜ್ ಮಾಯಿತಿ ವಜಾಳೋ ಝಾಂಕ್ ರೋಜಕೋ ದೇವೇರ್ ಮಹಿಮಾರ್ ಕಾಣೆರ್ ಗೇನ್ ಹಮೇನ್ ದಜು ಓರ್ ವಾಜಾಲೇನ್ ಹಮಾರ್ ದಲ್ಮಾ ಝಾಂಕ ಜುಕೀದೋ. ⁷ ಜೇರ್ವಾಸ್ ದೇವೆರ್ ಜೋರ್ಪಾನ್ ಹಮಾರ್ ಕೋನಿಕನ್ ದಕಾಳೆನ್ ಧೂದೇರ್ ಹಂದಿರ್ ನ್ಯೆ ರಜಕೋ ಹಮಾರ್ ಜಿವ್ದಾಮಾ ಎ ಅತ್ಮಾರ್ ಧನೆರ್ ರಕಾದ್ಮೇಳೋಛ. ⁸ ಸೇ ಥರಾಮಾ ಅಪನೆನ್ ವೆಲಾರತ್ತೋಯಿ ಅಪನ್ ಘನೋ ಹುಕ್ಮ್ ಪಾಯೇವಾಳ್ ಕೋನಿ; ಅಪನ್ ವಾಟ್ ದಕಾಯೇನಿಜು ರೆಮಾತೊಯಿ ವಾಟ್ ಚುದನ್ ಜಮೇಕೋ ಕೊನಿ. ⁹ ಭಾವೇಟಿ ಪಡೆವಾಳ್ ರೆಮಾತೋ ಯಿ ಹಾತ್ ಚುದಾಮೇಕೋ ಕೋಇ ಧಕ್ಮ್ಮಮೇ ಕೋರತೋಯಿ ಜಾನ್ ಗಮಾಲೆವಾಳ್ ಕೋನಿ. ¹⁰ ಯೇಸುರ್ ಜಾನ್ ಹಮಾರ್ ಜೀವ್ಡಾಮಾ ಮಾಲಂವೆಂ ಯೇಸುರ್ ಮೋತೇನ್ ಹಮಾರ್ ಜಿವಾಡಾಮಾ ಹಮೆಶಾ ಲೇನ್ ಫರ್ರೆಚಾ ¹¹ ಹಾಲವಜ ಕೋ ಹಮಾರ್ ಜಿವಾದಾಮಾ ಮಾಲಂವೇನ್ ಯೇಸುರ್ ಜಾನ್ ಮಾಲಂ ವೇನ್ ಜಿವ ರೋಜಕೋ ಹಂ ಯೇಸುರ್ವಾಸ್ ಹರಘಡಿ ಮಾತೆನ ಹವಾಳ್ ವೇರೇಚಾ. ¹² ಎರ್ ನ್ಯೆ ಮೊತ್ ಹಮೆಮಾನ್ , ಜನ ತಮೆಮಾ ಕಾಮ್ ಕರಾಚ. ¹³ ಮ ವಿಶ್ವಸ್ ಕೀದೋಜೇರ್ ವಾಸ್ ಮ ವಾಟೆಕೀದೋಕನ್ ಗ್ರ್ಮ್ಥೆಮಾ ದಕವಜು ವಿಶ್ವಸ್ ಸಹಜಕೋ ಅಸ್ಸೋ ದಲೆತಿ ಹಂ ನವೆಚಾ ಜೇರ್ ವಾಸ್ ಹಮ ಸದಾ ವಾಟೆಕರ್ರೆಚಾ. ¹⁴ ಕಸೆನ್ ಕತೋ ಯೇಸು ಪ್ರಭುನ್ ಜಿವೇತಿ ವತಾದಜಕೋ ದೇವ್ ಯೇಸುಟಿ ಹಮೇನ್ ಸದಾ ವಾತದನ್ ತಮಾತಿ ಸದಾ ಓರ್ ಮುಉಮ್ದಾಗ್ ಲಾವಕನ್ ಹಮೆನ್ ಮಾಲಂ ¹⁵ ಈಸೆ ತ್ಮಾರ್ವಾಸ್ ದೇವೇರ್ ಕೃಪಾ ವಾರ್ಸೆಕ್ ಜನೂನ್ ಲಭನಾ ದೇವೇನ್ ಮಹಿಮಾವಜು ಎ ಅರಜ್ ಕರಣ್ ದೇವೇನ ತ್ ಧಾವಛ. ¹⁶ ಎರ್ ಕನ್ ಹಂ ಕನ್ನ್ಯಾಯಿಜ್ ಹುಮ್ಮತ್ ಚೊಡಾನಿ; ಅಪನ್ ಜಿವಡಾ ಸುಕಾಜತೋಯಿ ಅಪನ್ ಆತ್ಮಾ ದಾಡೆತಿ ದಾಡ್ ನವೋವೇಜಾರೋಛ. ¹⁷ ಕಿಮ್ಮ್ಕತೋ ತ್ಹೊದ್ಸೆಕ್ ಘಡಿ ರಾಜಕೋ ಅಪನೆರ್ ಈ ವೇಳಾ ಘನೋ ಮೊಟೊ ಶಾಶ್ವಾತ್ ಮಹಿಮಾ ಅಪನೆನ್ ಲಾವಚ. ¹⁸ ಕಸೆನಾಕತೋ ಹಂ ಅಪನ್ ದಲ್ಮೆನ್ ಡಕಾವಜೇರ್ ಉಪರ್ಕೋನಿ ಪಣ್ ದಕಾಯೇನಿ ಜೇರ್ ಉಪರ್ ನಂರ್ ಮೇಲ್ಲ್ಮಲೇಚಾ , ಅಪನೆನ್ ದಕಾವಜಕೋ ಥೋದ್ಸೆಕ್ ದಾಡ್ ರಚ ಪಣ್ ಅಪನೆನ್ ದಕಾಯೇನಿ =ಜಕೋ ಹಮೇಶಾ ರಚ .