¹ ಸಭಾರ್ ಮೋಟ್, ಸೋಬ್ತಿಡಾರೇರ್ ಮೋತೋಚುಕೋ ಮ ಕ್ರಿಸ್ತುರ ಭಾವೇಟಿನ ಅಂಕಿತಿ ದಿಟ್ಟೋಜಕೋನ್ ವಜ್ಜಿ ಮುಂಡಾಗ್ ಡಕಾವಜಾಕೋ ಮಹಿಮಾಮಾ ಹಾಸೋಡಾರೇನ್ ತಮೆನ ಜಾತನೆತಿ ಜಟನೆತಿ ಕೆರೋಕಾಮ್ಯಿ ಕತೋ. ² ದೇವ್ ತಮೆನ ಡಿನೋಜೇ ಗೋರಿರ್ ಧಾರೆನ್ ಗೋಲಾವರಿಯಾರ್ ನ್ಯೆ ರೇನ್ ದೇವ ಕೋಜು ಓರ್ ಖಾತೇರೇರ್ ನ್ಯೆ ಡಾರೇನ್ ಛರಾವೋ ಪಣ್ ಓನ್ ಖಾತೇರ್ ನವಜು ವಾತೇಕರೋ. ³ ಪೀಸಾರ್ ಅಸಾಸಾರುಜ್ ಕೋನಿ ಪಣ್ ಸಾಸಿಜ್ ಸೇವಾಕರನೂ ಕಣ್ ದಲೆಮತಿ ಕಾಮ್ ಕರೋ. ತಮೆನ್ ಒಪಾಯೇ ಜೇಪರ್ ಹಾಕಮ್ ನಚಾಲಜು ದಾರೆನ ಅಚ್ಹೋಕರೋ. ⁴ ಮೋಟೋ ಗೋಲಾವರಿಯಾ ಅವಜನಾ ಹಮೆಶಾ ಜ್ಹುಉಮ್ಕಜೆನಿಜ್ತೆರ ಹಾರಿನ್ ತಮ್ ಲೇಳೋ ಚೊ ⁵ ಹನುಜ್ ಮೋಟಿಯಾರ್ ಛಜಕೋ ತಮಾಸೆ ಮೋಟ್ ಆದ್ಮಿಯೂತಿ ನವನ್ರೇಣೂ ; ಎಕ್ಕೆನ್ ಏಕ್ ಸೇವಾಕರೇನ ಅಚ್ಹೋ ಮನ್ ಕಜಕೋ ಲತ್ತಾನ್ ಪೇಳೋ ದೆವ್ ಗರ್ಬತೆನ ಹೋಟೋಕರಚ ನವ್ವನ್ ರೆವಾಳುನ್ ಕ್ರುಪಾನ ದೆವಚ. ⁶ ಹನೂಕನ್ ದೇವೇರ್ ಜೋರೆರ್ ಹಾತೆ ಹೇಟ್ ತಮಾರ್ ತ್ಮಜ್ ದಬನ್ ರೋಜನಾ ಚಾಜಜೇ ಡಾಡುಮಾ ಉ ತಮೆನ್ ಮೋಟ್ ಪಣ್ ಕರಛ. ⁷ ತಮಾರ್ ಹಾಯಿಸೆ ಓರ್ ಉಪರ್ ಬಗಾದೋ ಕಸೆನಕ ತೋ ಉ ತಮಾರ್ ವಾಸ್ ಹಾಯಿಕರ್ ರೋಛ. ⁸ ಜಾಗನ್ ರೇನ್ ದೇಕತೆ ರೋ ತಮಾರ್ ವೇರಿವೇನ್ ಚ್ಚಜಕೊ ಸ್ಯೆತಾನ್ ಗರ್ಜಜೇ ಸಿಂಕೋಸೇರ್ ನ್ಯೆ ಕೆನ್ ಗಳೂಕನ್ ಪರ ರೋಛ. ⁹ ತಮ್ ವಿಶ್ವಸೇಮಾ ಘಟ್ ರೇನ್ ಓನ್ ಹಟಾವೋ ಜಾಗೇಮಾ ಛಜಕೋ ತ್ಮಾರ್ ಸೋಬತೇರ್ ವಿಶ್ವಸೇವಾಳ್ ಸೇ ಆಸ್ ಭಾವೇಟಿ ಸಮಾಳ್ ಸಕ್ರೆಛ. ¹⁰ ತಮ್ ಧೋಡಾ ದಾಡ್ ಭಾವೆಟಿ ಪಾವೋಜೇರ್ ಪಚ್ಚ ಕ್ರಿಸ್ತುತಿ ಎಕ್ ವೇನ್ ರ್ ಮಾಹಿಮಾನ್ ಹಂಸೋ ಪಾಡನ್ ತಮೆನ ಬಲಾಯೋಜಕೋ ಕೃಪಾರೋ ಛಜಕೋ ದೇವ ಉಉಜ್ ತಮೇನ ಅವರತ್ ಕರಣ್ ಘಾಟ್ ಕರಣ್ ಭಾಲದೆನ್ ಕಾಟ್ ಬುನಾಡಿತಿ ಹಬ್ ರಕಾಡಿಯೇ . ¹¹ ಜಗು ಜಗುಮಾಯಿ ಓರ್ ನಾಮ್ ಬಾರಿ ಮೋತೋಪಣ್ ವೇಜಾಯೇದ . ಅಮನ್. ¹² ಮ ತಮೆನ ಸಿಕ್ದೇತೋ ಈಜ ದೇವೇರ ಸಾಸ್ ಕ್ರುಪಕನ್ ಗವಾಯಿ ದೇತೋ . ತ್ಮಾರ್ ನಾಮ್ ಕಾಮೆವಾಳೋ ಬಾಮ್ಯಾ ಛುಜಕೋ ಮ ಸಿಲ್ವಾನೆರ್ ಮದ್ದತೆತಿ ಈ ನಾನಕೀ ಕಾಗದೆನ್ ತಮೆನ್ ಹಿಮ್ಮಾತ್ ದೇಣೂಕನ್ ಮ ಆಶಾಕರನ್ ಲಕನ್ ದೇಮಲೆರೋಚು. ಎಮಾ ಘಾಟ್ ಹುಬ್ರೋ ¹³ ದೇವ್ ತಮಾರ್ ಸಾತ್ ಟಾಳ್ಳಿದೋಜಕೋ ಬಾಬೆಲಿಮಾರ್ ಸಬಾ ತ್ಮೆನ್ ಕಾಸಲ್ ಕೇರೋಛ. ¹⁴ ಮಾರ್ ಬೇಟಾ ಮಾರ್ಕ ಸದಾ ಕೋಸಲ ಕೇರೋಚ; ಪ್ರೇಮೇತಿ ಏಕೆನ್ ಏಕ್ ಚುಮಲೇನ್ ಕೋಸಲ ಕೋ . ಕ್ರಿಸ್ತುಉಮಾ ಛಜಕೋ ತಮೇನ ಸೇನ್ ಸಮಾಧಾನ್ ವೇಜಾಯೇದ್