¹ ಕಿಸ್ತು ಜಿವಡೆಮಾ ಧುಕ್ಮ ಪಾಯೋ ಜೇರವಾಸ್ ತಮ್ ಸದಾ ತಮಾರ ದಲೆವೂನ್ ಕಾಟೋಕಲೋ ಕಸೆನಕತೋ ಜಿವೇಮಾ ದುಕ್ಪಾಯೇವಆಲೋ ಪಾಪೆಮಾ ಹುಬ್ರೆನಿ. ² ಜೇರವಾಸ್ ಅಬೆತಿ ತಮ ಆವಜೆದಾಡುಮಾ ದೇವೇರ್ ಖಾತರ್ರೆನ್ ನವನ್ ಬಂಚುಮ್ನ್ ಫನ್ ನರೆರ್ ಗೋನೆರ್ ನ್ಯೆ ಚಾಳೋಮತ್ ³ ಕಸೆನ್ ಕತೋ ಗೋಜೇದಾದುಮಾ ಪರಲ್ ಜನ್ ಕಿದೆಜು ತಮ್ ಸಡಾ ಕರೆನ ಜಾಡಾ ದಾಡ್ ಡಗರಗೆ ತಮಾರ್ ಜಿವನೇಮಾ ತಮ್ ಕರಾಪ ಕಾಮೆಮಾ, ಛನಾಲಿಮಾ, ನಿಸ್ಸಾಮ ಛಟಾಮಾ ರೋಮತ್ ಪಿತೇ ಖತೇ ತೆವಾರ ಕರ್ತೆ ಪೂಜಾಕ್ ರೇರ್ ಚಚೆನಿಜು ಮುಉರ್ತಿವುಉನ್ ಧೋಕ್ ದೇರ್, ⁴ ಅಬ್ ತಮ್ ಅಗಾಡಿರ್ ನ್ಯೆ ಉಚ್ಚಲಿ ಕಾಮೇಮಾ ಉನ್ನೇ ತಿ ಭಳೆಕೋನಿ ಜೇರ್ ಕಾನ್ ಓ ವಿಚಿತ್ತರ್ ಪಡನ್ ತಮೆನ ಹಿಜಜತೇರ ಗಾಳಿ ಬಂದರೆಚ. ⁵ ಪಣ್ ಉ ಬಂಚರೆಜೇನನ್ ಮರೆಜೆನ್ ಸೆನ್ ನೇವ್ ಕರೆನ ತಯಾರ್ ಚಜೆದೇವೇನ್ ಓ ಲೆಕೋದೇಣು. ⁶ ಎರ್ ಕನ್ನ್ಜ ಮರ್ಗೆಜೇನ ಸದಾ ಆಚ ಖಬರ್ ಪ್ರಚಾರಾ ಕೀದೇ; ಓ ಬಂಚನ್ ರಜನಾಜ್ ಉನೇನ ನೇವ್ ವೋ, ದೇವ್ ಕೋಜು ಉನೇರ್ ಆತ್ಮಾರ ಜಿನೋ ಬ್ಮ್ಚೆನ ಉನೆನ ಅಚ್ ಖಬರ್ ಪ್ರಚಾರ ಕಿದೆ. ⁷ ಜೆರವಾಸ್ ಸೋಲಿನಿ ಅಕಾರಿ ದಾಂಯಿ ವೆಗಿಛ; ಜನಾ ತಮ್ ಅಕ್ಕಲೇತಿ ರೇನ ಅರಜ್ ಕರಣ ಜಾಗನ್ ರೋ . ⁸ ಸೇತಿ ಜಾಡಾಏಕೆನ ಏಕ್ದಾಂಯಿ ಕಾರ್ಲೊ. ⁹ ಟಣ್ ಕೇನಿಜು ಏಕೆನ ಏಕ್ದಾಂಯಿ ಕರಲೋ. ¹⁰ ದೇವೇರ್ ಹರೈಕ್ ರಕಮೆರ್ ವರಮೆನ ಅಚ್ಹೋ ಖಬರ್ ಕೇವಾಲೇರ್ ನ್ಯೆ ದೇವ ತಮಾಮಾ ಹರೆಕೆನ್ ದಿನೋಜಕೋ ನಾಲಿ ನಾಲಿವರಮೆನ ಸೇನ ಮೇಲೇರ್ ವಾಸ್ ಪೋರೋಕರೋ. ¹¹ ಬೊಡಾ ಕೇಸಾಕೆವಆಲೋ ದೇರ್ ವಾಟೆವೂನ್ ಬೋದಾಕರನೂ; ಸೇವಾ ಕರೇವಾಳೋ ಯೇಸು ಕ್ರಿಸ್ತುತಿ ಸೇಮಾ ದೇವೇನ್ ಮಹಿಮಾವಾಜು ದೇವ ಓನ ಡಿಓ ಜೇ ಜೇರೇತಿ ಸೇವಾ ಕರನು; ಹಮೆಶಾ ಮಹಿಮಾನ್ ಜೇರ್ ಓನಜ್ ವೆಜಾಯೇದ ಅಮೇನ್. ¹² ಪ್ರೇಮೇವಾಲೇವೊ ತಮ್ ಪರಿಚೊರ ಕಾರನ್ ಭಾವೇಟಿ ಘಲೇಜ್ರ್ ರ್ ಕಾಣ ವಿಚಿತ್ತಮತೋ. ¹³ ಕ್ರಿಸ್ತುರ್ ಮಹಿಮ ಬಾರ್ ಪಡಿಜನಾ ತಮೆನ ಜಾಡಾ ಖುಷಿವಾಜು ಅಬ್ ಓರ್ ಭಾವೆಟಿಮಾ ಹಂಸೋ ಲೇರೇಛಕನ್ ಖುಷಿಕರೋ. ¹⁴ ತಮ್ ಕ್ರಿಸ್ತುರ್ ನಾಮೆಮ ಹಿಜ್ಜಾತನ್ ಪಾರೋಚೊಕತ ನಸಿಬ್ಡಾರ್ ಮಾಹಿಮಾರುಪೇರೋ ಕಜಕೋ ದೇವೇರ್ ಅತ್ಮ್ಮಾ ಟಮೇಮಾ ಛ ಕೋನಿಕಾಂಯಿ. ¹⁵ ತಮೆಮಾ ಕೋಯಿತೋಯಿ ನರಹತ್ಯಾರವಾಳೋ ನ ಚೊರಿಯಾರ ನ್ಯೆ ಕೋ ಕೇಡ್ ಕರೇವಾಲೆರ ನ್ಯೆಕೋ , ಎಕರ ಛೆಡೆಮಾ ಮಾತೆಫಾಲೇವಾಲೇರ್ ನ್ಯೆ ರೇನ್ ಭಾವೇಟಿ ಪಡೆಸಾಕೆರ್ ಛೆನಿ. ¹⁶ ಪಣ್ ಕ್ರಿಸ್ತುರ್ ಕಾಣ್ ಭಾವೇಟಿ ಪಡಸ್ಸೋ ತು ಲಾಜ್ ಕರಣಸ್ ಜು ಉ ನಾಮೆತಿಜ್ ದೇವೇನ್ ಮಾನಕರೆದ. ¹⁷ ನೇವ್ ಕರೆರ್ ವಗತ್ ಆಯೇಛ; ಉ ನೆವ ಕರೆರೋ ದೇವೇರ್ ಫರೇಮಾತಿಜ್ ಸರೋವೇಗಿ ಜನಾ ಓ ಅಪನೇಮಾಜಿ ಸರೋವೆತಿಜಾನಾ ದೇವೇರ್ ವಾತೇನ್ ಮಾನೇ ಮಾನೆ ಕೋನಿಜರ್ ಗತಿ ಕಾಂಯಿವೆಣೂ? ¹⁸ ಉಜ್ಜಿ ನಿಯತ್ ಡಾರಜ್ ರಕ್ಷಣ್ ಪಾಯೇರೋ ಬಾವೆಟಿವಾತೋ, ಭಕ್ತಿ ಛೆನಿಜೇರನ್ ಪಾಪಿವಾಳೆರ ಹಾಲತ್ ಕಾಂಯಿವೆಣು ? ¹⁹ ಜೇರ್ ವಾಸ್ ದೇವೇರ್ ಖಾಟರೇರ್ ನ್ಯೆ ಭಾವೇತಿ ಕರೆವಾಲ್ ಅಚ್ಹೋ ಕಾಂಕರ್ತೆ ಅಪನೇನ್ ಪೇಡಾ ಕಿದೋಕಾಜೋ ಭರೋಸಾಡಾರೇನ ಪೋರೋ ನಂಣೂ.