¹ Kasubena sabati wa i gegehe ,Maliya Magadala yo Maliya Iyamesi ti nana yo salome yausi panepanedi ti kunedi ,bena ti yaomai Yesu silanina ti hayausiya ² ..Nuku ma mogomogona kasubena bagubagunana ani ,iti ti yao kokowaga ,lenalenawa kaboto i laupoti sae. ³ Iti ti hainuwa libaliba tigo hai maka weku ne i habolo koliyainiya kokowaga hoyona ne,'' ⁴ Na ti kaikewa sae ne doga esa ti itaya ne weku wa i habolo koli yainiya ,na ibada haunuwa . ⁵ Iti ti solayao kokowaga ani na dahi esa hewahewalina ti itaya ana kaleko ne potipotina, iya i babawa tupo katakataiya ani ,iti ti matauwainiya . ⁶ Dosi i halibadi ,igo tabu gu matau omi Yesu nasaleta gu yokoiya ,iya ti ha satauloya wa ,iya tebe i kobiyo muwe; na iya ge teyakani ,edi kaba hakotana gu itaya ahaahana. ⁷ Na gu yao ena taulau hasiba yo Petelo gu halibadi ne iya i baguna iyao galilaiya .kaitoka maka gu itaya,tebe i halibamiu. ⁸ Ti kantulu kokowaga ani dosi ti hatubu ti tata hu ; iti ti tabutabubu yo ti nonoko,tago hai amoli esa ti haliba pakana iti ti matau haunuwa . ⁹ Sabati kasubena bagubagunana aninuku ne ma mogomogona ,i kobiyo muwa mulina ani ,ne i tau masalaha baguna Maliya Magadala,iya boyana ani demoni haligigi labui i kai dui yai nidi ¹⁰ .Waini wa iyao ana sasagu i halibadi,iti hola nuwadi ma heyayadi yo matanidi ¹¹ .Na ti yoyono ne iya wa i mauli muwe ,na waini ne itaya ,na iyakuwa tida hamoisa . ¹² Toka ginauli ne mulidi ani iya i tau masalaha dodoga labui boyadi ani ne nenena i buiya ,iti ti yaoyaoduni mulimuli ani . ¹³ Na tiyao ena taulau hasiba eesa ti halibadi ,na iyakuwa tida hamoisa . ¹⁴ Yesu muliani i tau masalaha taudi saudoidoi esega ti aniani kaba aniani hatahatana ani ,na i sagali yainidi pakana tida hamoisa yo ti nuwa koikula ,pakana tida hamoisa kaninuku ti itaya i kobiyo muwe peki ani . ¹⁵ Iya i halibadi ,igo ,''gu yao tanoubu kona hati boyadi ani na egu wasa lolona ne gu lauguguyaini. ¹⁶ Na hai iya i hamoisaya na ti haepuya maka i mauli , na hai iya geda hamoisa iya maka ti hagiluya . ^{17 18} Tau hamoisana maka ti yayao maedi hakihakinoho ,yau hesagu ani demoni masumasuli maka ti kaidui yainidi,maka alina udoiudoi ani ti libaliba . Maka mota kainimadi ti abidi,na kati anianilewa esa ti aniya kati tida peki,na nimadi ti sako saenidi tau sakama kai potadi ,maka ti lolo.'' ¹⁹ Guyau liba ne i libainiya mulina ani,ne iya ti abi itiniya i sae galewa,na i bawa yao tamana Yaubada nima katakataiyana ani ²⁰ .Dosi tau lau hasaba wa ti yao duni masumasuli ti lau guguyaidi,huyana guyau maedi na adi hawau i saguidi, yaoyao ginaha yo hakihakinohodi mone ti hamuliwatanidi .