¹ Malatomtom ma mogomogona kohena badabada wa maena duni babadadi yo tau kulikuli dadahidi yo sunadeli dadahidi ,ti kohihai na ti koikoi liba dosi Yesu ti kaukauiya na ti hoya koliya ,ti watiya Pilato ti haleleya. ² Na pilato i hatikoiya,oni iudeya edi wasawasa,/'ena bui i haleleya igo ,logenaka u libainiya ne,'' ³ Kohena badabada wa Yesu i hagiluya ginauli maudoidi lisidiyani ,na iya tago ainana. ⁴ Pilato i hatiko muweiya,igo iyamoli na guda liba ne,/na gilu punina ti hageum ne./ ⁵ Na yesu tago amoli esa i libaini pilato lisina ani ,na i hanokoya . ⁶ Na matakasi huyana ne abiabina maka pilato,ti kaudi wa esa maka i yalialoniya,katauna ti hanuwaya. ⁷ Toyakani ne tau mana habalayo tau hamohamoloho boyadi ani ne dahi esa esana Balaba. ⁸ Pele mau doina ti yaomai pilato ti halibaya ena abiabi wa benai yaoyaowaini muwei. ⁹ Pilato i halibadi igo,gu hanuwa Iudeya edi wasawasa a yalialoniya,/ ¹⁰ Pakana i sisiba ne kohena babadadi ne antala maliumaliu ani na Yesu ti towaiya na ti halele watiya iya lisina ani ¹¹ . Na kohena babadadi wa pele ti hataladuiya bena ti kotukotu ne Balaba ti yalihai na Yesu igee. ¹² Pilato i halibadi igo,na amoli maka a ginauliya Iudeya edi wasawasa lisina ani ne,/ ¹³ Ti kotumuwe tigo,''iya gu hasataulo''. ¹⁴ Pilato i haliba muweidi igo,ena ponoli ne amoli ,/na ti haihai kotuidi tigo,'' gu hasataulo yawa, '' ¹⁵ Dosi pilatp ne igado pele ne nuwadi i halolodi,hana Balaba i yalialoniya lebedi ani .Yesu i sagali yainiya na i halele watiya ti hasatauloya. ¹⁶ Iyala dadahidi ti hoyaiya ti yao kba lauhatala boyaodana ani[ kabalau hatala ti dago aloniya] ,na iyala dodogadi wa ti kotulidimai ¹⁷ .Lulu yogeyogena Yesu ti halikoniya ,boto kokukoku nulinulina ti hakoku saeniya kuluna ani. ¹⁸ Nati lautoi yainiya tigo,Iudeya edi wasawasa e,''amatoi''. ¹⁹ Batu ani kuluna ti koigoluya boto ti kanikanisoiya ,ti yao abana ani boto tulidi ti bonodi na ti halehalelewaiya, ²⁰ Na ti maluhi yainiya ,ana lulu yogeyogena wa ti abi haiya na iya ena kaleko ti halikoniya ,na ti hoya iya ti watia ti hasatauloya . ²¹ Kuleni dahina esa esana Simiona ,Alesana maena luposi tamadi ,koya ani i yaomai na i bayawaidi ,dosi ti hasomya na Yesu sataulo i baheliya. ²² Iyala dadahidi wa Yesu ti watiya duni esa hesana Gologota [ aniona ka kulu siyadana dunina] ²³ .Iti waina maena mulo ti hakasiya na bena ti hanomya ,na i tau kotakota ²⁴ ,Iya ti hasatauloya na ena kaleko ti soi yainidi kelelo aniesaesa enana i abiya . ²⁵ Awa haiona ani iya ti hasatauloya. ²⁶ Liba wa lebena ani ti hagiluya wa ti kuli saniya kewana anitigo, Iudeya edi wasawasa,'' ²⁷ Tau kangahu labui ti hasataulodi,esa tupo katakataiya na esa tupo seuseuli ani. ²⁸ Yo kulikuli tabuna i libainiya igo iya maedi heyaya dadahidi ti hapatu esegaidi ,'' ²⁹ Iti tau tahutahubayawa iya ti haheyayaya ,kuludi ti hakohakodedi yo ti hagado tutuya tigo ,aha'',oni dubu bena u koilopaya na kasubena haiona mulidi ani maka u hakobiyo muweiya wa, ³⁰ hage u hamaulim na sataulo kewana ani ne u tatahaima . ³¹ Kohena babadadi wa ti hai talawasi yainiya ,maedi tau kulikuli dadahidi,tigo ,dodoga eesa i hamaulidi ,na iyabom tago sowana i hamauli muwei. ³² Na keliso e,,Isalaela edi wasawasa e,hage sataulo kewana ani ne u kantuluma ,maka ga itam na ga hamoisa ,''yo iti maena ti hasataulo esegaidi wa iya mone ti liba haheyayaya. ³³ Mahana haligigi esega,i hootu nuku maudoina kamumu i hatakikiliya i yayao e mahana haligigi hati . ³⁴ Mahana haligigi hati boyana ani ne Yesu i kotu hai ,ma alina badabadana,igo EloiEloi,lama sabatani ,/ aniona ka egu yaubada egu yaubada,iyamoli na uita alonigu ne ³⁵ ./Eesa hadidi ani ti kobikobiyo na ti yoyono ,tigo,gu itaya Eliya i kotuliya.'' ³⁶ Doga esa i tatahu iyayao balo i habutaya winega ani ,na i kau hapatuya didiyali ani na i haleleya bena i nomya,na dahi wa i liliba igo,hage ta kaikewai ,,maka Eliya i yaomai na i talu haiya ³⁷ .''Dosi Yesu ma alina badabadana i kotu hai na i tubahai ³⁸ .Dosi dubu hoyona i i gigi labuiniya ,kewa ei dobi kubu. ³⁹ Kentilion esau Yesu abana ani i kobikobiyo na i itaya ena peki peki,dosi igo ,moisa,''teka dahi ne Yaubada natuna .'' ⁴⁰ Wawaini eesa gege lohaloha ani ti kaikewa ,boyadiani ne maliya magadala,yo maliya[ Iyamesi hewahewalina yo Iyose tinadi ] ,,yo salome. ⁴¹ Huyana iya galilaiya ani ne ti hamuli wataniya yo iya ti taubigaiya ,wawaini punidi iya maedi ti sae Iyelusalema . ⁴² Nuku i wayawayabiga ,,pakana hasosowa kasubenana ihootu,kasubenana ne mala itotom boto sabati, ⁴³ Iyosepa Alamatiya dahinai yaomai toyakani ,iya sunadeli dahina lolona ,iya Yaubada ena kaba tanuwaga nukuna tau bagibagiyanina esa,iya ma nuwa adidilina iyao pilato lisina na Yesu silanina i ani ketaiya, ⁴⁴ Pilato wa i nonoko pakana Yesu wa tebe i pepeki ;Kentilion i kotuliya na i hatikoiya ne Yesu tebe i pepeki . ⁴⁵ Iya kentilion wa i hasibaya ne tebe i pepeki ,dosi silanina Iyosepa i haleleya . ⁴⁶ Iyosepa iya kaleko potipotii kunedi,boto sataulo kewana ani i taluhaiya ,kaleko potipoti ani i gahuliya ,na i watiya kokowaga ,poka itina ani i tomo ya .boto guduna ne weku i haboloya na i guduya ⁴⁷ .Maliya magadala yo Maliya Iyose tinana Yesu kokowagana wa ti itaya .