¹ .Yesu Keliso,Yaubada natuna ena wasa lolona i hatubuea. ² Peloveta Isaia i kuli nonohaiya i go,maka egu tau wasa i bagunawai,iya maka ena keda i abi nonohaia. ³ Aina esa balabala ani i paipaina i go,keda gu nonohaiya,guyau ena kaba yao gu hadudulaiya. ⁴ Iyoane ia iyaomai balabala ani i haehaepu,yo i laugugu ya, nua hilesi haehaepuna yo heeaea liba alonina. ⁵ Iudea maudoina yo Yelusalema tau doso ti yaoma lisina,maudoidi i haepudi yolidana hoowana ani,yo edi heyaya ti liba hamasalahadi. ⁶ Iyoane wa iya kamele kopina i likonia,yo ana katipu kaukau i kauea katipuna ani,ana aniani ne madimadi yo amoamo i yanidi. ⁷ Na i lau guguya igo,esau muligu ani i yaomai ne i ginaha haunua,na yau tago egu lolo esa maka adulu dobi ana kae kum mainadi a taeasidi. ⁸ Yau hoowa ani a haepumiu na ia maka Yalua ani i haepumiu. ⁹ Mahaidi itutubu toka kasubenadi ani ne,Yesu Nasaleta Galilaia am i yaomai,dosi Iyoane i haepu ea Yolidana hoowa naona ani. ¹⁰ Yesu hoowa naona ani i poe sae mai dosi galewa i itaeya i tamosoke,hana yalua tabuna mahaidi bunebune i dobi potana an. ¹¹ Dosi aina esa galewa ani i yao mai igo,teka ne yau natu yogoyogoigu,ia yau nuagu i haloloya. ¹² Dosi ge walolona Yalua i hoea haia i yao teha esa balabalana ani. ¹³ I yao balabala ani,kasubena dadahi labui ti pepeki,dahi heya yana i nohoia,yo sunisuni heaheaeadi maena,na anela ti itawata nia. ¹⁴ Iyoane numa tutugudu naona ani ti sakoea,mulina ani Yesu i yao Galilaia Yaubada ena kaba tanuaga nukuna wasana lolona i lauguguyai nia. ¹⁵ Igo ,mahanana i hootu kateka,Yaubada ena kaba tanuaga nukuna wa teka,nuamiu gu helesidi na wasa lolona gu hamoisaya. ¹⁶ Na yesu i yaoyao Galilaia kalitana hadidina ani,Simona maena tau Andelea iitadi edi hinaya ti wewe yainia,iti tau laulau moiya. ¹⁷ Na Yesu i liba yao lebedi ani igo,'gu hamuliwatanigu,maka dodoga lau moieaidi a hasibamiu.; ¹⁸ Dosi tago bayauna edi hinaya ti dago alonidi na Yesu ti hamuliwata nia. ¹⁹ Begana ti sigi yao dosi i Yamesi Sebedaio natuna,maena tau Iyoane iti edi genumu naona ani ri hinaea pola. ²⁰ Dosi tago baeauna i kotu haidi,hana tamadi Sebedaio maena tau paisoa ti dago alonidi na iya ti hamuli wataniya. ²¹ Ti yao Kapelenaomi,toeakani hana Sabati kasubenana,dosi i kawasae dubu numana naona ani na i hatubu i lau hasiba. ²² Dodoga ena lauhasiba ti noko wainia,pakana i hasibadi ne iyabom ena ginaha,tago mahaidi laugagaeo tau laulauhasiba. ²³ Edi dubu naona ani ne dahi ese yalua biibiina i kotu hai. ²⁴ Amoli u hanuwaya lisimai ani,Yesu Nasaleta bena u yao mai ne maka u kasi lekoleko nimai a sisiba oniwa Yaubada ena tabuna. ²⁵ Na Yesu i liba sukuiya igo,;u monou na taka naoani ne u kantulu;. ²⁶ Dosi yalua biibiina dahi wa i kam hatahata bubuya,yo i halabo dosi i katulu. ²⁷ Dodoga wa ti noko wai nia dosi ti hatiko mueidi,;teka ne amoli, lau hasiba halihali una yo ma boubouyatana,ia gonoana yalu biibiidi i hasomdi na ti awa abi yai nia. ²⁸ Tago bayauna Yesu wasana i tadada i yao Galilaia i hatakikiliya. ²⁹ Na tago yawalana toka dubu ne ti dago aloniya, Yamesi yo Iyoane maedi ti yao Simona yo Andelea edi luma. ³⁰ Simona botiyana waini ne i sakama,kaba keno hatahatana ani i yaoyao kota,dosi Yesu ti hali baya. ³¹ Hana i yao waini lebena ani nimana ani i abi yaona i abi hakobieoya,sakama wa i lau ulu aloniya na i hatubu i paulaidi. ³² I waya wayabiga,lenalena i epu dobi kaboto tau sakasakama yo yalua heyayadi ti luhidi wa ti watidimai Yesu lebena. ³³ Yo dodoga maudoidi ti yaomai duni badabada ani ti hakoi gogo esegaidi. ³⁴ Tau sakasakama maudoidi i halolodi yo adi kiwala i ya bihaidi yo edi yalua biibii i kaidui yainidi yo yalua heyaheyadi gegonoana ti libaliba pakana geda yaliyainidi, abina ti sisiba iya ne hai. ³⁵ Nuku ma mogomogona ,Yesu i keno kobio maka hanahanau mala i iuyalimai dosi numa i dago alonia na i yao malatupa ani i lau kukula. ³⁶ Simona ma ana kakapu ti yao ti yokoiya. ³⁷ Iya ti lobaiya na ti liba yao tigo ,"dodoga maudoidi oni ti yokoyokoim". ³⁸ Na Yesu ainadi i buiea igo, ta yao duni esa hadidi ani kaitoka maka a lauguguya, aluluna kae ayaomai ne . ³⁹ Galelaiya i hatakikiliya , edi dubu ani i lauguguya yalua heyayadi i kaidui yainidi. ⁴⁰ Lepela dahina esa i yaomai lisina , i tulibono na i yani ketaiya igo",kati u hanuagu maka gonowana u haaagu." ⁴¹ Yesu ia nuana eluelu ainiya dosi nimana i sakosainia , iyabi itaea yo iliba yao lisina igo , "agado oni uaa". ⁴² Iya ililiba mahaidi dosi maesega ana lepela ti uluhai na iya i lauwoisa. ⁴³ Yesu i hasanasapuya kohina i hatamalia i yayao. ⁴⁴ I liba yao lisina igo, tabu dahi esa u haliba,u yao onibom u hamasalaham kohena dadahidi lisidi ani oni ti haaam yo em aitalasam u haleledi amoli Mose i liba hatala dui, abi abina maka ti italobaiya. ⁴⁵ Na iyakua i kantulu dosi iliba masalaha , wasana i hatadada ea ,dosi Yesu tago gonowana i masalaha duni bada na iyao balabala ani , na iyakua teha udoiudio ani ti eaomai Yesu lisina.