¹ Kasu bena hisa mulidiani,Yesu i mue kapelenaomi,dodoga ti yoyono ne iya i mue mai duni. ² Ti masuli hanua ti hakoi gogonidi,dosi numa naona tago susuana esa i kotahai,yo numa hoeona mulimulina mone mahaidi,yo ena liba ani i lauguguya idi. ³ Dadahi eesa ti yaoma iya lebena,tau oto pekipeki esa ti bahelia mai,taudi hati ti baheliya mai. ⁴ Pele i masuli haunua sidowana maka ti yaoma lisina,dosi hato ti sokeya,Yesu potana ani,ti lopaya igegehe dosi tau oto pekipeki wa ma ebana ti hadave dobi yai nia. ⁵ Yesu edi sunuma i itadi,i liba yao tau oto pekipeki lebena,igo,'natugu e,heeaea ti liba aloniya.' ⁶ Tau kulikuli dadahi eesa toeakani ti bavabava,nuadi ani ti hakuhakuna boisa,tigo. ⁷ I yamoli teka doga ne i liliba mahai? Iya Yaubada i liba haheyaya-ya,hai heeaea liba aloniya isisiba,Yaubada iya bom.?' ⁸ Tago walolona Yesu abina i sisiba,yalua ani, amoli ti nuanuatuiya nuadi ani, dosi i liba yao lebedi igo,i yamoli na teka ginauli ne gunuanuatuidi? ⁹ Katau libaliba i masalaha,tau oto pekipeki lebena ani ago,heeaeam ti liba aloniya ',e maka ago,u kobiyo,na em kaba keno uabiya na uyao? ¹⁰ Omi maka gu sisiba tau natuna tanoubu ani ne iya gigibolina ani heyaya liba alonina;i libayao tau oto pekipeki lisina. ¹¹ Aliba yao lebem,u kobio,em kaba keno u abidi,na u yao em numa; ¹² Maesega iya i kobio hai ena kaba keno i abidi,na iti maudoidi matadi ani i yayao,maudoidi ti nonoko,yo Yaubada ti hadebasaeya tigo,teka yaoao ne hola tago esa ta itaya mahaidi .'' ¹³ Iya i mue salagomgom ani dodoga maudoidi ti hakoi gogonidi iya lebena ani,iya i hasibadi. ¹⁴ Iya i kasi bayawa,levi Alipaiya natuna,i itaya takisi edi ofesi kaba paisoa ani ibavabava ,i liba yao iya lisina igo,u hamulivatanigu;dosi iya ikobio hai na i hamuliwataniya . ¹⁶ Yesu i kawasai Levi ena numa ani na i aniani, takesi tau tanotano punidi yo heyaya dodogadi Yesu maena taulau hasiba maedi ti aniani halau ,ti masuli haunuwa ti hamuli wataniya . ¹⁵ Tau kulikuli yo paliseya huyana Yesu ti itaya maena heyaya dodogadi yo takesi tau tanotano ,dosi ti liba yao ena tau hasiba lisidi,Pakana amoli na takesi tau tanotano yo heyaya dodogadi maedi ti aniani?'' ¹⁷ Yesu i yono lobaidi,iya i libayao lebedi ani,igo,kaninuku iti ti lolo doketa kati tida nuataidi,na iti tau sakama kuwa,yau tago ayaomai tau yaoyao dudulai dadahidi akotulidi,na tau heyaheya bena kua nuadi ti buidi. ¹⁸ Iyowane ena taulau hasiba,yo Palesia wa iti ti ani kudi,boto dodoga eesa ti yaomai na ti liba yao lebena ,"iyamoli"Iyone ena taulauhasiba yo palisea edi taulau hasiba ti ani kudi,na em taulausiba tida ani kudi? ¹⁹ Dosi Yesu i liba yao lebedi,"gonoana tau nai halihaliu maena ana kakapu ti ani kudi ena saikena matakasina boadi ani?na kati saikena matakasina kati tida ani kudi. ²⁰ Na kasubenana i yaoyao mai ,nai halihaliu maka ti abi haiya lebedi ani ,boto toka kasubenadi ani ne maka ti hudini . ²¹ Tago doga esa koma halihaliuna i popoiya koma nogeana maena,itoma koma halihaliuna ti popoiya nogeana maena maka tapulitina i habadaya. ²² Yo tago dahi esa waina halihaliuna i sakoya waina kikina nogeana ani,maka waina halihaliuna ne i keli pulitiya ,na waina maka i katinili,na waina yo kikina maka ti mamida,, na bena waina halihaliuna kuwa ta sakoya waina kikina halihaliuna kai naona, '' ²³ Sabati ani i koiluhu yao tumatuma nukuna naona ani,na ti yayao dosi ena taulau hasiba wa tumatuma ti oladi. ²⁴ Palisea dadahidi ti liba yao lebena,tigo,"u itaya"iyamoli edi abi mahai,ti yamoli na kasubena Sabati laugagayona tida hakatiti yaini? ²⁵ Na i liba yao lebedi,igo"Davida ena yaoyao tago gu hatilidi ,huyana iya i guliam _ iya yo maana kakapu?. ²⁶ Iya i kava sae Yaubada ena numa naona ani,Abitala kohena wasawasa ena huya ani na, falawa sisina ti aniya _ na toka ne laugagayo tabu hai esa i aniya kohena itibodi kuwa_ na iyakua ana sasagu adi i haleledi ti yania.?'' ²⁷ Yesu igo,"sabati ti hatubuya ne dadahi enadi,dadahi Sabati enana i gee. ²⁸ Lisina ani ,tau natuna ne iya Guyau ,yo Sabati tanuagana.''