¹ Mǝn sʊgǝmǝn yǝmbǝ nyam a mura Kristiyu. Me mǝn ti nyar, jir da furiyǝn da miyǝng ka bʊ buk ka miyǝng a mura We Yulgoi, ² go ka furdǝ yulluwun we rǝ kwani tǝn kwewi me jitangwi a furiya miyu. ⁴ Bəraki Kristi gə ritang ka soriyəng bəra rə nəngngatang ka ji nyang ka nəbba nəbbən yəmbə nyaməm wariguwum. ⁵ Bəraki Musa mula a jiya nəngngatang ji nyai wu nyara gwa soriyu: "Niwu nəngnga ji nya soriyu ba nəngnga yuum a wai ji nya." ⁶ Mənni nəngngatang a ji nya wu jəre ra gwa nəbbəntang a yəmbə nyami a suwe go, "Karən suwera furiyamu mo, 'Wunə ba gwi ya mura korən? (go, na gə səgge Kristi). ⁷ bo kari bən suwe mo, 'Wunə gə ba su a gu wulluloi?'" (go, na gə gwiye nən Kristi a mura nəbba bətərom.) ⁸ Mənni wʊlai ji ya sʊwei? "Bwanhən karə do nən mwe, a mura nyi ya mu na furiya mu." Gən bwanda nəbbəntang a yəmbə nyaməm, nən si finang ka gənəng. ⁹ Bəraki nəbbən ngarang rə nyiyamu mo Yesʊ gən Nigra ki, na nəbbən yəmbə nyam a furiya mu mo Niyajiyu ka gugge wa bwiyatə ki, bən nya jəgtang. ¹⁰ Bəraki ni bən nəbbən yəmbə nyam nə furi yəgira nəngngtang a ji nya, bo bə nəbbən ngarang nən nyi yəgira yiyarang. ¹¹ Wang a suwe go, "Wunə ni a nəbbən yəmbə nyami ki me ba no bujəri." ¹² Bəraki me ji wutugo niya Yahudai tən niya Hellinai. Bəraki Nigran jiyu wu kwani, jənan hanguwi warigu ya nəb bə bərə dunda gəni. ¹³ Bəraki wunnə wa bu dunda Nigranəm ba nya yiyarang ¹⁴ Mənni ba nəngnga go nyənə ki hanjim ka bu wa nəbbən bə yəmbə nyam an giyu? Ba nəngnga go nyənə ki a nəbbən yəmbə nyam a wa nwi bə yəmba gəməmi? Ba nəngnga go nyəni ki a nwi me rə wʊ warə yəmi ki? ¹⁵ Ba nəngənga go nyəni bo ki nəbbə warə yəməm a wau yəm, me rə wa təmi ki? Nyəngkə mula rə gəng, "Tə chubə nyaguwi ya nani ya nəbbə berə yəmba bə nyam ba jɨni nyaiyəmi!" ¹⁶ Mənni me warigəm ban jiyəm a kautən su a yəmbə ləmangngəm. Bəraki Ishaya suwe go, "Nigra, wunə ga nəbbən yəmbə nyam a jiwu nə suweri?" ¹⁷ Bərarə nyang nəbəntang a yəmbə nyam bə be bukkə nwiyəng, nwitanghəng ka bwan da Kristiyəm. ¹⁸ Mənni mə suwe mo, "Hanjim a nwibə ga?" O, nə nyang. "Jər dan jiyən ka tuwe təm warigu, bwantəta jiyu ka lau gʊ təm a təgewi." ¹⁹ Kʊ, mən suwe mo, "Nəb ba Isra'ilam a nwibə ga?" Rə Jigu Musa suwe go, "Bən dəggəmən nuggən bəra rə nəbba kuməm. A kang ka nəbba nubə rə yəmtangngəm, bən nəgən jwagər." ²⁰ Ishaya ka suwe yəm durra sissi go, "Nəb bə na faibəm ka nyai. Kən jərtəne wa ba nəngnga bə gulən da miyənəm." ²¹ A sotənna Isra'ilai go, "A ko warigu kən yagtən kang ka miyəng a nəbbə me bə nwimən yəməm tən bə kwilairəm."