¹ Kə we təmriya nʊgngi la hiyʊ wa yuumumiyəng, hi yʊlgoi. Jɨrrera mʊra gʊ chiriya Niyajiyʊwi tən gwa Be Bənglai, ² a jʊgər da jʊwiya bɨrhənnən. A kənə kəng ka lahiyəng ka riyang ka yuumuməng we, bə tʊ bete fangngi kwʊ a jɨr təsʊ, a kənə swang. Wana riyang həngngi bo bəri kwaratang ka nəbbang. ³ Me nəngngatang a nyiwe. Gu chiriya Niyajiyʊwi tən Be Bəngla ba be a mʊra bɨrhən, bwiranəm ba gəm bo ba nəngngatən kewete. ⁴ Ba chu kak ka gəng, dʊn da gən bo ba chiya katəttan jiyʊ. ⁵ Me kumma dʊtən; me ba fau kwetərei ya gʊngor da kərangugənni na kwetərei ya koi, bəraki Nigra Niyajiyʊ ba yən hanjim. Ba nəngnga dʊʊtəttə me mwatəntəwi. ⁶ We təmri ka swimən go, ''Tai bwantətə tən nga rəgi na rə yəmbə nyami. Nigra, Niyajiyʊ wa we nəb yʊwerəmmi, ka təm we təmrangʊ a nʊng bwiranəm ba gəm jiya chin bwi a nəngnga bwi merə langtangngi.'' ⁷ ''Chu! kəmən bere me langtang we! Wʊn dəgtən kangngi gwa fung soriya bwantətta wang kang ki.'' ⁸ Me, Yohanna, məmən nwi bo kən chu jɨni yaiye. N'nwi na chuwʊng, kən yarra kagga nana we təmriyʊ wa nʊngngi jɨni yaiyi, na ba ne grate hangʊ, We təmrə ga nʊngngi jɨnihi. ⁹ Ka swimən go, ''Kari nəngnga nyang! mən chʊgo kewetiya mʊ, tən chətətta mʊ nəb yʊwerəm, rə bə ne gratə bwantətta wang kag kəm. Ne grate Niyajiyʊ!'' ¹⁰ Ka swimən go, ''Kari bən mərra bwantətta churang ka wang kang ki, bərakə kə lauwere. ¹¹ Wʊ me bə nəngnga ji nyai, a jaukak rə bʊnaiya ji nyai. Wʊ nəngnga sirəmiyʊ, a jaukak rə nəngngatangnga sirəmmiya dʊr da gən. Wʊ nəngnga ji nyai, masi a jaukak rə nəngngatang nga ji nya. Wʊ yʊlgoi, masi a jaukak rə yʊlgoi. ¹² Chu kəmən bere me langtang we. Jangngəmmiya miyʊ nən ka kin, wʊnə ki bən mər warigʊ a sitənna swiyer da nəngngan. ¹³ Məmən Alfa tən Omega, rə jigʊ na mwatənte, sʊtang tən mwatənte. ¹⁴ Bən dəgtən kangngən, nən ji giba bamən dʊtəttan jiyʊwʊm, na ba tə nya sər də bətə jau a mʊra riyang ka yuumuməng, na bo tə dɨgiya bɨrhən a fʊggai hi. ¹⁵ A tari ka jwatə we, bə barə təmməm, bə ne gratə yətənatəm, talbe, bə juwo nəbbəm, na warigʊ bə yotən da nəngngatang nga bʊnai ya yəmbə nyami. ¹⁶ Me, Yesʊ kən təmme we təmriya miyʊ na sʊgəmən yai jɨni yaiye bərarə Ekklisiya. Mə mən dɨl tən nyabiyan Daudai, beswangngi rə moriyʊ rə kwetəreiyʊ. ¹⁷ We tən bwiwi ka sʊwe go, ''Be!'' Masi wa nwiyʊ a sʊwe go, ''Be!'' Wʊ nwi hi kʊgriyʊ, rə wʊ ka fari, masi ya nya hiya yuumumi ya nətte. ¹⁸ Mən sotəna wʊ ka nwi tai bwantətta yəm churəm ba wang kang kəm: Ki gʊ ba yəgtən ki, a dʊr da gən, Niyajiyʊ ba yagtəna hangʊwi kʊnang kən mʊlla mʊllai a mʊra wang kang kəng. ¹⁹ Ki gʊ ba mamən bwantətta kang wang ka yəm churəmməng ki, Niyajiyʊ ba mamən nətəttangʊ a mʊra riyang ka yuumuməng, a mʊra bɨr də yʊlgoin, taitən mʊla mʊra wangngi. ²⁰ Hangʊwa bu bʊkka yai jɨni yaiyi a sʊwe go, ''O! kəmən berə me langtang we.'' Amin! Be, Nigra Yesʊ! ²¹ Ji nya nən dabbi ya Nigra Yesʊwi a chi rə warigʊwa jɨnʊ.