¹ Bəra nən nyang, chətətta miyʊ tən yotən dai wʊn dəb fʊlla, fur də kwauwʊn tə gʊrmon ka miyəng, a wai jʊwi we tə si rə kumni a mʊra Nigra, kaggəm ba yodaim. ² Kə mən nəngnga tən chəllan a Alfudiyai, mən chəlla rə Sintiki, tə chi rə fʊri kwani a mʊra Nigrai. ³ Jum bə yəm kəmən ka bi mən chəlla gənni bo, kaggəm ba miyəm ba kʊnnangəm rə yəmbə nyam: tə tuga wʊtəm be. Bəraki nən no kʊnnang kin a mʊra wautangnga yəmbə ləmmangəm kilimas na rə bagi kaggəm ba swiyerəm ba miyəm, bə dʊntətta jiyʊ ka mʊra wang ka yuumumməng. ⁴ Tə chi rə fʊr də kwauwʊn a mʊra Nigrai jutəkwang. Mə yəgtən mə sʊgəmən bo, mo tə tə nəngnga fʊrdə kwauwʊn. ⁵ Masi nəb warigʊ a yəm rə mitang ka daang kan jɨnəng. Nigra ka diye rə do. ⁶ A jiya gʊji kari tə da fʊrna jɨnnʊ. Mənni, a mʊra jɨni warigʊ tə rʊwa nyini na tə nəngnga chəllan, rə wʊnnan, tə dʊ Niyajiyʊ a yəm chəllan da jɨnnən, ⁷ na chimbə ləmangngəm ba Niyajiyʊwʊm, wa sʊmənna jəggatang warigʊwi, ba to fʊrna jɨnnʊ rə kəmmarang ka jɨnnən a mʊra Kristi Yesʊwi. ⁸ A mwatənte, chətte, wʊnə ji wa yəmbə nyami, wʊnə ji wa grati, wʊnə ji wʊ nəngnga nyagʊwi, wʊnə ji wʊ yʊlgoi, wʊnə ji wa yodai, wʊnə ji nyai sʊwe rə, ka gʊji a li nyagʊwi ki, ka gʊji bən weri ki, tə nəngnga kəmmarang a yai jɨni yaiye. ⁹ Jɨni tə məssai na yə tə yʊwi, na tə nwiyʊ na rə yə tə chu wa miyʊ, tə nəngnga jɨni yaiye, na Niyajiyʊ wa chimbə ləmangngəmi ba chi nən jɨn. ¹⁰ Kən nəngnga bwiləmri deni a mura Nigra bəra ki ku a mwatənte kən yəngnga kəmmarang ka mung bera mi. Kən məns nurə kəmarang a mi rə jigu mənni nyabə sər tugai. ¹¹ me mən suwerə nyang mo muwa bunai. Bəra ki kən məssa chim rə ji mən kamən gəri a wʊnə ji. ¹² Kən yəm nyəngkən chirə rə bunən gərəng na bo nyəngkən nyarə mwam gərəng. A mura wunə juwi tən yənnəvjɨni kən məssa nyəngkən bən dəmən ci gərəng tən nyəngkə bən nya gərə mwaməng ki bo a mura bunai. ¹³ . Bən dəmən nəngna wunə ji warigʊ a mura hangʊwa nimən kumiyʊ. ¹⁴ Warigʊ rə nyang, kə tə nəngnga ji nya ki tə dəbi mən gʊ kʊlo a mʊra kʊnnang ka miyəngngəng. ¹⁵ Jɨn nəb ba Filibiyəm kə tə yəm rə jigʊ yəm bə ləmangngəm, a fʊlla wʊn dʊwe Makidoniya rə gi, me rə gʊ Ekklisiya nəngngai mən tʊgarangngi ka nəbbəntang tən yʊtang a diməna jɨni ki. ¹⁶ Ki fʊlla wʊ mə ka Tasalonikai ki, kə tə təmmimən tʊgarang ka bʊnnai ya miyʊ a li kalli kin. ¹⁷ Me mo chəlla chəlla nəttəhi. A jiya nyangngi mən fau ji wʊ ba yɨgtən mwama swa jɨnnʊwi. ¹⁸ Kə yʊ tʊgarang ka jɨnnəng warigʊ, mənnə mən ka mən rə mwam. Kən rii. Kə yʊ wa gwa Abafaraditasi jɨni tə təmmənei. Jɨni mətə-mətə ləmmangngə, jɨni tungri yərri Niyajiyʊ nwi ləmmangngi. ¹⁹ Niyajiyʊ wa miyʊ ba rigəmən wʊnə ji wʊ tə fari nyəngka dautən gəra jɨna kaniyʊ a gratəttangʊ a mʊra Kristi Yesʊwi. ²⁰ Kʊ Niyajiyʊwi na Te grate kʊrəkwang kə kʊrrəkwangngəng. Amin. ²¹ Tə nəngngatən sʊrang a Ekklisiya. Chətətta nənnʊ tə nən ka kin a gwi kə nəngnga sʊrang. ²² Ekklisiya warigʊ ka gwi kə nəngnga sʊrang, nyəra rə bə ka kaita Kaisarəm. ²³ Masi na nəttəta Nigra Yesʊ Kristiyuum a chi rə we jɨnnu. Amin.