¹ Tə be kʊ nyengke, bərə jɨna kani, tə tiro wite tə mʊwa wʊrte bərarə kʊnnang ba nyagənəng. ² Gəna jɨnʊ ka fii, dʊteta jɨnʊ jwangngi ka jau. ³ Wetətə kəlchə-kəlchi na kweyəlga ta jɨnʊ ka kiya deni. Kiyatang ka gəng ba sʊyəm a dʊr a jɨni. Ba jau namta jɨnʊ nyərra rə kərang. Kə tə kʊra gənna jɨnnʊ bəra kʊta mwatənti. ⁴ Jəga rigi a nəbba nəngnga swiyerəm, kə tiro wite rə kwani-rigi a nəbba kʊragəm jɨnna kʊni na tə marbəng, wita jiyʊ ka gwi yɨgira suna Nigra rə kʊlənni. ⁵ Kə tə chi a mʊra chim ba nwitangnga ləmmangəm a gʊsəte, kətə dəg dʊtəta jɨnʊ, kətə to furna jɨnʊ tə jʊra tə yammere ko bwangtangngi. ⁶ Kətə mwe duute tə jʊ ni nya. A nəngnga gəmmən bə buri. ⁷ Bərarə nyang tə mida chətte, yammere betang ka Nigrang. Chuwe, ni jurə swiyeri bə yamme sənnang kə nyang. Hangʊ bə mida yammerə yɨgira fʊlla nya gəmi rə jigʊwi bera wa mwatənti. ⁸ Jɨn nə kɨngniyəng tə mida, dəg fərna jɨnʊ a si rə kʊmni, bəraki betang ka Nigrang ka lauwe rə do. ⁹ Kari bətə sʊ yəmni kətəlkəteli, chətətta miyʊ a jiya gʊ, na ba kar bən nəngnga gəmən duute, jiga nii mwiya duuti ka siya fʊgang. ¹⁰ Tə dəb məssarang, chəttə, a jiya kʊnnang na mitang ka daang ka nəbbə yʊwe yəmməm, ba sʊ yəm a dʊn da Nigranəm. ¹¹ Chuwe, nən dəb ba tau fʊriyəm nyəra bən dəgtən kangngəm. Kətə nwi tautang ka fʊriyəgn ka Ayuumbang, kə tə yəm jiya dəg Nigrai, nyəngkə rə nwitangnga kʊnnang, rə bʊmtəng. ¹² A li wʊnə ji warigʊ, chətətta miyʊ, kari tə barə bʊnni, kən jii ki, kən təm ki, kə nən tənnə bʊnni ki. A jiya nyangngi masi “O” jɨnʊ a chi “O” na “O” “o” jɨnʊ a chi “O” “o”. Na kari bətə yarra mʊra duute. ¹³ Ka gʊwa jɨnʊ no kʊnnang deni ga? Masi a rʊwa nyini. Ka gʊ rə bwiləmri ga? Masi a ma fiyang ka bwiləmriyəng. ¹⁴ Ka gʊ wa jɨnʊ a bʊbwai ga? Masi a buwe nəbbə gram ba Ekklisiyam na rʊwatən nyini. Masi a swaratən tʊratən nʊng a mʊra dʊn da Nigran. ¹⁵ Nyini rʊwani ya nəbbəntang a yəmbə nyammi ba kwara rə ni bwi me ləmangngi, Nigra ba gug hangʊ. Ki kəna təm ji bwira ki, Niyajiyʊ ba yənotən. ¹⁶ Bərarə nyang tə sotən jɨni bwira ya jɨnʊ a bwite, natə rʊwatən nyini a bwite, na ba tə nya kwaratang. Rʊwani nyini a ni nyai karə kʊmni a swiyer da gən. ¹⁷ Iliya ni nyəra nən nən. Ka rʊwa nyini deni go kari bən swi hi a təm jəte tə bwanbi rə swangngər tə nʊkkʊn. ¹⁸ Go nyəng Iliya ka kau bwi rʊwa nyini bo. Ji ka nəbbən hi, go nyəng təm ka nəbbən jɨni jauri. ¹⁹ Chətətta miyʊ, ki ka gʊ wa nyəggəl məna yəmbə nyammi, na gʊ a kauwe bwi gəre ki, ²⁰ wai ni a yəm go ni wa kauwe bwi rə ni rə jɨni bwirai a gwa gʊ wʊna di prei, ba yiya hangʊ a bwiyate, mənni ba məra jɨni bwirai mwam.