¹ Bulus ka nga rǝ buyatangu. A suwe wa wai ko kunang kǝ kwewung ka jirtǝnǝwa nǝbbǝn fungrǝm bǝ ka Urushalimam; mǝni nǝbba nǝbbǝn yǝmbǝ nyamǝm warigu ka wusǝla bwi a tǝmba Yahudiyam tǝ Samariya, kǝn du nǝb tǝmrǝm dang nǝ ji. ² Nǝbbǝn nga gǝrǝm jiya dǝg Isitifanus ka nǝngnga chimba furdǝ yuluwǝnǝn bǝra nǝn ge. ³ Mǝni Shawulu ka nǝngngatǝn yarri a nǝbbǝ fungrǝm re kwani mǝni kabwi digire kaini wuwawurǝ nǝbǝb barǝm re nyim. Mǝni bo buwarǝ hanjim digǝra jarǝm a muri. ⁴ Mǝni bo nǝbba nǝbǝn yǝmbǝ nyam ba mwarǝn ka diya si finang ka bwamǝrǝng. ⁵ Filibus ka diya bɨrda Samariyan nǝngngatǝn finang ka Kristiyǝng a hanjimi. ⁷ Bǝraki weni bwirai ka jǝro wu mwam a mura bǝ na nu rǝ gǝm, a gug jira ji rǝ wite, bǝ bwita bura-burayǝm tǝ jwagbǝ ka kwara. ⁸ Mǝni kǝn nǝngnga graji ya furdǝ kwauwuni rǝ kwani a bǝr hǝn. ⁹ Mǝni karə guni bǝra bɨr hǝn mo Simani, wu nanu barǝ tǝmi; na nǝngngatǝn jǝniya tati a nǝbba Samariyam, a gun ki ti dudangngǝn go gǝn ni rǝ fini yu.q ¹⁰ Nǝb ba Sanariyam, bǝ gǝram rǝ bǝ kǝtǝlem, ka kauten su an gi; ka suwe go, "Gǝn ni wu rǝ kumni ta Niyajiyuwi bǝri mo grati. ¹¹ Ka kautǝn suni a hanguwi, bǝrki ka lang nǝgǝntǝn jiniya mǝnatǝng a buntǝ na rǝ bautang a tǝm. ¹³ Hangu Siman rǝ bwigo ka nǝbbǝn yǝm a buk kǝ nǝngngatǝn batismang ka jaukak rǝ chim tǝn Filibus. A kabiya chu gratǝ jini ya jǝna mǝnatang a buniyuwung, ka mǝna bunte. ¹⁴ A fula wu nǝb tǝmrǝm ba Urushalimam a nwi go nǝbba Samariyam ka yu yǝm ba Niyajiyuwumi, ka tǝm Bitrus tǝ Yohanang. ¹⁵ Hanjim a laweng, ka ruwatǝn nyiniyǝng, na ba yu We Yulgoi. ¹⁶ Bera wai fula bo, We Yulgoi a langbe sutǝna hanjimi fu: nǝngngatǝn batisma hanjimi bwigi a mura dunda Ta-jiyu Yesuwun. ¹⁷ Kǝn Bitrus na Yohanna tiya tǝn kaniya hanjimiyǝng, kǝ hanjim a yu We Yulgoiyǝng. ¹⁸ Fula Siman a chu kǝn ne We Yulgoi nyǝnkǝ nǝb tǝmrǝm a tiyatǝn kaniyǝng, ka ne chǝmmǝr hanjim. ¹⁹ Ka suwe go, "Tǝ nǝmǝn tai kumni rǝ kinǝng, na wunǝ wun titǝn kangngiki, a yu We Yulgoi." ²⁰ Mǝni Bitrus a sotǝn go, "Mutǝn kweyilgamu tǝ kiya, bǝr ki mǝ lung mo bǝn yu nǝtǝtta Niyajiyuwi nǝn chǝmmǝr. ²¹ Me mǝnə guji, mǝnǝ a dutǝn a mura wai jiwe, bǝraki furiyamu me nyagu a gwa Niyajiyuwi. ²² Nyangbo bukang a yobi bwira muwe, na ruwatǝn nyina Niya jiyu, banu ba yunonǝn jǝni bwirai yamu rǝ kǝmarang ka furiya muwung. ²³ Bǝraki kǝn jǝgga yǝm kamǝnǝ furdin yuluwun mǝni jǝni bwirai ka buwan." ²⁴ Siman ka nga go, "Ruwaimǝn nyina Ta jiyu na jǝni suwai kar ba nǝngnga bwi nǝn me." ²⁵ A jiwu hanjim a nǝbbǝn yǝm a jiya nǝngnga bwiyu na su yǝm a bwanda Ta jiyuwunǝng, Bitrus tǝ Yohanna ka kawe bwi a Urshalima; ka jiya yomǝn, kadi si finang ka yǝmba lǝmǝngǝm a murta Samariyai. ²⁶ A wai ji kǝ we temri ya Ta-jiyuwi a sotǝn na Filibusi go, "Gun na jab kak rǝ tuwang yǝgira juwi fira Urushalimai tǝn Gazai." (Wai juwi we, wa muri tǝm bǝ kusim.) ²⁷ Ka gu a diyǝng. Ka gu ni a diye wa Habashai, nihi tʊn karǝ gratǝ deni a dʊtǝtta Kandakatuwi, Nyi-dʊ a Habashai. gǝ tarǝ bǝnni yangu. A be ruwatang a nyina Urushalima. ²⁸ Hangu kawe bwiyǝng na ka chiya mura mǝndang ka mugotǝngngǝn, a nya bǝ ke wanka ni yuweyǝmi Ishayang. ²⁹ Kǝ We yulgoi hi a sotǝn na Filibusi, "Yǝgi rǝ do bǝmtǝn na gǝrmar da mungotǝn." ³⁰ Filibus ka mwa sǝg a nya hangu, mǝni ka nui ke wanka Ni yuwe yǝmi Ishayang, ka suwe go, "Kǝn jǝgga ji mǝn keri ga?" ³¹ Ni ya Habashai ka suwe go, "Bǝn nǝngnga mo nyǝne ki jǝgga, me ni ya nungngiki?" Ka chilla Filibus go dǝgiya gǝrmar hǝn na tǝ ci kwang. ³² Nyai niya Habashai keri bǝ suwe go, "Kǝn di rǝge nyǝra mah a gwa bǝn bwangwi, nyǝra be-bǝnglai a gun to wi a masi, a wumbǝ nyi. ³³ A mura sǝgtang ka during kan gǝng kǝn dang rǝ yǝmba nyami. Wunǝ ba jǝgga dǝldangǝn nyagʊ? Bǝrki kǝn dǝmmǝn yum ban gǝm a gusǝte." ³⁴ Kǝ tʊn hǝn a gul Filibusǝng go, "Kǝn chillan, suwimǝn, ni yuwe yǝmi bǝ suwe yǝma wuni, gǝ rǝ bwigo ga, wa gʊ ga?" ³⁵ Filibus ka su yǝma suwetang ajiya wanka ni yuweyǝmǝn Ishaya, ka kabi wautǝn yǝmba Yesuwʊm. ³⁶ Fula hanjiyim ka ji a yomi ka lauwe nyiya gu lai, kǝn tʊnhǝn a suwe go, "Jǝgga, hi gwe, wulai ba dang ki me bǝn nǝngngai mǝn batismang?" ³⁷ Filibus ka suwe go, "Kǝn nǝbbǝn yǝmbə nyam rǝ fura mu wargu ki, bǝn dǝmǝn nǝngnganǝn batisma." Kǝ ni ya Habashai go, "Kǝn nǝbǝn yǝmbǝ nyam mo Yesu Kristi Yela Niyajiyuwi." ³⁸ Mǝnni kǝ niya Habashai a suwe go si rǝ bwantulong ka gǝrmarǝng. Kǝ hanjim a dǝga mura hiyǝng, Filibus tǝn tʊn hǝn, kǝn Filibus a nǝngngatǝn batismang. ³⁹ A jiya jirewa hiyu, kǝn We Ta-jiyuwi a dǝb Filibusǝng, mǝni tʊn hǝn a kabi ba chu hangu, ka jaukak rǝ yomba gǝm nǝngnga bwilǝmri. ⁴⁰ Mǝni bo Filibus ka jire wa Azotus ka mul a tǝmhǝm, si finang ka yǝmbǝ lǝmǝngǝm a bǝrtǝ, bera fula lauwe wa Kaisariyai.