¹ Kangkǝ gǝn kalang kǝn bwanbiyǝng kǝ mǝn bera jǝnniyǝng, ''Bǝn ngarǝ yǝm a nyiya nǝb bǝsu yǝgira bǝ bwanbiyu.'' ² Kǝn su yǝm a buk rǝ ba nǝngnga jǝni bwiraiyǝm na bo rǝ bagi a fulla tǝnǝn ka kini kǝn sʊwʊng, bo kǝmən yǝgtǝnǝ mǝn suwere: kabi kauwe bwi ki, me bǝn du hanjim. ³ Mǝn sugǝmǝn nyang nyǝngke bǝraki tǝ fau to tə nya nǝbǝntangnga yǝmbǝ nyam to Kristi gǝ suyǝm a nyiya miyu. ⁴ Bǝraki kǝn yuwa hangu a riyang a mura yarmǝntang, mǝnni karǝ yuum a gwa kumni ta Niyajiyuwi. Bǝraki nǝn rǝ kǝniyǝng nǝn yarmǝnyǝr a mura gi, mǝnni bǝnǝn nǝngnga yuum kin a mura kumni ta Niyajiyuwi tǝ ka mura jəniyu. ⁵ Tǝ bngo duttta jǝnu na tǝ chu ki tǝ ka mura nǝbǝntangnga yǝmbǝ nyam ki. Tǝ bǝnggo dutǝttan jǝnu. Tǝ jǝgga bǝ to Yesu Kristi ka mura jǝni ga? Tə yarmən ba bənggorang həng ki. ⁶ Mǝnni mǝn ka mǝnə yəmbə nyam mo bǝtǝ yəm to yarmən ba bəngoranghəng. ⁷ Mǝn ruwatǝn nyini a Niyajiyu mo me bǝtə nǝngnga dagi bwiran. Me mo mǝn nǝngnga chǝllan mo nǝn nungǝn mo kǝnǝn jau bənggoranghǝng. A jiya nyangngi, mǝn ruwa nyini mo tǝ nǝngnga jiya dautǝnwi, nǝn kwini kǝnǝn nǝngnga da kǝnǝn yarra bǝnggoranghǝng. ⁸ Bǝraki nǝn nǝngnga bǝ guji wa sumən a yəmbə nyami, mǝni nǝn nǝngnga bǝri yǝmbǝ nyam. ⁹ Nǝn ka nǝnnə furdǝ kwauwun nən ka kungngər-kungngər na tǝ ka tənǝ kumni ki. Nǝn ruwa nyini bo na ba tǝ ribwi. ¹⁰ Mulla jǝni yaiya a jii tǝnǝn me kini, na ba fulla bǝn be gǝmǝnni ki kari bǝn yullo wu rǝ bwelti. Me mǝn farǝ mo mǝn nǝngnga fini rǝ kumni tǝ Nigra ni go na mu gən gəri me, na bura gən. ¹¹ A mwatǝnte, chǝtte, tǝ nǝngnga furdǝ kwauwun! Tǝ nǝngnga swiyer bǝri fulgatang a bwi, tǝ si rǝ kumni, tǝ nga rǝ bwitan jǝnu, tǝ chi chimbǝ lǝmmangngǝm. Ki Niyajiyuwa yodai tǝn chimbǝ lǝmmangngǝmmi ba chi nǝn jǝn. ¹² Tǝ su bwitan jǝnu rǝ surang ka yotang ka dang kə yulgoiyəng. ¹³ Nǝbba nəbbən yəm bə nyamǝm warigu kǝ nǝngnga gǝmǝn surang. ¹⁴ Masi nətǝtta dautən bǝ wi ta Nigra Yesu Kristiyu, rǝ yodaiya Niyajiyuwi, rǝ murgatangka durrǝng ka we yulgoiyəng a chi nǝn jǝn warigu.