¹ Kʊ a jiya kuratang a kani bəra Ekklisiya, nyǝngkǝ sotǝn gəra kʊltəttə ka Galatiyaiyǝm, n'jɨn rə kəggənin bǝtǝ nǝngnga nyang. ² A ko rǝ jiguwi a kotǝ nyibiyu, wuna jinnu ki a ti guji rə kəng nyəngkə ba dəmən rə gəng. Tǝ nǝngnga rǝ nyang bera jiwun bən be ki a dʊ tə kʊrare. ³ A jiwun lauwei, wunan jǝnu tə ngagəri ki bən ne wang na nǝbən tʊgarang ka jənəng a Urshalima. ⁴ N'chu ka dautən we ndi rə kinəng ki, bǝnǝn diya kin. ⁵ Mǝnni bən be a gwan jəniyu bǝn su yigira Makidoniyai. ⁶ Kai ki bǝn siya jǝnni n’chi kaan nǝn jǝn, na ba tǝn nǝngngaimǝn tʊgarang a yomba miyəm warigʊ a gubǝn diwi. ⁷ Bǝraki me mǝn farə mo mə chugən kʊ nyangyəng ke a fulla təngəm. Bǝraki mən fau mo bǝn nya fulla nǝn jǝn, Nigra na ba ngaimǝn ki. ⁸ Mǝnni bo bǝn siya Afisa yigira bwiləmra Fentikosi, ⁹ bǝraki kǝn wumimǝn fugaang tangsang, mǝnni bo ka nǝbba kakgǝm wu mwam. ¹⁰ Kʊ jii wun Timoti a bei ki, tə yǝm to ka nya yutang a bwi nyagu, bǝraki bǝ nǝngnga swiyer da Nigran nyǝra kǝ mǝn nǝngnga grǝng. ¹¹ Kari gʊ ba mamǝn dǝlli a hangʊwi. Tǝ nəngnga tən tʊgarang tə yo rə bwilǝmri, na nya kauwe bwi a gwa miyu. Mǝn yo kǝmtə mo hangu ba be tən chite. ¹² Kʊ a jiya chiya nǝnnʊ Afollos, kǝn sotǝn yǝm rǝ kumni mo nǝngnga ka ya gwan jənniyu tǝn chitte. Mənni hangʊ na kəmma bə ba bani go na gǝbǝ ya kʊ nyangnyǝngke. Warigʊ rə nyang, hangʊ ba ya a mura fulla wa dautǝnwi. ¹³ Tǝ kwi kǝmte, tǝ si rǝ kumni a mura nǝbbǝntang a yǝmbǝ nyam, tǝ nəngnga swiyer nyəra nǝbbǝ barǝm, tǝ chi rǝ kumni ta furiyu. ¹⁴ Warigʊ ji bǝttə nǝngngai tǝ nǝngnga mura yodai. ¹⁵ Kǝttǝ yǝm kaitang Sitəfanasi, to ji ya bukang rǝ jigu a Akaya, nan ji bo a nǝbbǝn dʊtəttan jiyu a nəngngatəntang a swiyer ra Ekklisiya. Kʊ mǝn chila gǝnne chitte, ¹⁶ tǝ ne grate ban nǝb na rə wʊnə ni nǝngnga tugarang a mura swer dandi tǝ bənən no kunnang kinəm. ¹⁷ Kǝn nǝngnga bwilǝmri rǝ betang ka Sitəfanasing, tǝn Fartunatas, na Akaikas. Ka dǝb bǝmǝn kǝmmarang ka jinǝng. ¹⁸ Bəraki hanjim ka yigimǝn kumni a we tən wugəni. Bǝrarǝ nyang tǝ yǝm nǝb nyəra waiwe. ¹⁹ Ekklisiya Asiyai kǝ nəngnga surang. Akila na Bilkisu kə nǝngnga gəmən surang a mura Nigrai, rə Ekklisiya də ka kaita jiyuwʊn. ²⁰ Warigʊwa chətti kǝn sugune. Wunǝ ki a su gʊ rə kumgatang ka bwitəng kə yulgoiyəng. ²¹ Me, Bulus, mula rǝ kangka miyǝng. ²² Kari niwa yotǝnbə da Nigrai ki, a chi nəngngatən nyi. Nigra nənnʊ, be! ²³ Nəttəttǝ dautən buwi ta Nigra Yesʊwi a chi nən jɨn. ²⁴ Yodai ya miyu a chi nǝn jɨn warigʊ a mura Kristi Yesʊwi Amin.