¹ Pade ari sabat, Yesus bejalan melalui sebuah lakau gandum. Pada waktu nontai, mured-mured-Nye memipel bebeyepe bigek gandum meunsonye juan kukot lalu sidak memakannye. ² Bebeyepe urang Farisi betakon, "Mepe kolai melakuan hal an cade dapt dilakuan pade ari Sabat?" ³ Yesus mejawab sidak juan beromong, "Cadeam kolai perobah membace ape an dilakuan Daud ketike nye'e wan urang-urang an besamenye merase keleporan, ⁴ tontang macam ape nye'e mansok ke dalam Rumah Allah, meutek roti persembahan, memakan roti nontai, wan meonjoknye ke urang an besamenye, an cade uleh memakanye, kecuali pedangan domong saje?" ⁵ Lalu, Yesus beromong ke urang Farisi nontai, "Anak Mendesie adelah Duate atas aris Sabat." ⁶ Pade ari Sabat an berikutnye, Yesus pogi ke sinagoge wan mengajar. Di tompat nontai ade seurang an kukot kananye lumpoh. ⁷ Ahli-ahli Taurat wan urang Farisi meamati Yesus engkai meliat apekah Nye'e bakal menyehotan pade ari Sabat, supaye sidak ade elosan engkai menudoh Nye,e. ⁸ Keliagak Yesus tohu ape an sidak pikiran. Nye,e beromong ke urang an kukotnye lumpoh nontai, "bangket wan bediriam di tongah. "Lalu, urang nontai bangket wan bediri di so'an. ⁹ Yesus beromong ke sidak, "Doan betakon ke kayen, mene an dapat dilakuan pade ari Sabat: beualah boyek atau beulah johat? Menyelemotan nyawe atau mehilangan nyaweNye?" ¹⁰ Selopas meliat sekelileng, ke sidak semue Yesus beromong ke urang an kukotnye lumpoh nontai," Juloran kukot kolai." Lopas onan, urang nontai menjuloran kukotnye wan kukotnye mejadi sehat. ¹¹ Keliagak, urang Farisi wan ahli-ahli Taurat mejadi seje godi wan berompok tontang ape an bakal sidak lakuan tehadap Yesus. ¹² Pade ari-ari Yesus noyek ke buket engkai bedu'e, wan dis so'an Nye'e bedi'e ke Allah sepanjang malam. ¹³ Gage kolamnye Nye'e menalau mured-muredNye wan memileh due bolas urang tanggai sidak, an disobot-Nye rasul; ¹⁴ Simon an didameinye "Petrus", Andreas dulor Petrus, Yakobus, Yohanes, Filipus, Bartolomeus, ¹⁵ Matius, Tomas, Yakobus anak Alfeus, Simon an disobot urang Zelot, ¹⁶ Yudas anak Yakobus, wan Yudas Iskariot an mejadi penghiyanat. ¹⁷ Selopas Yesus wan pedangan rasul turon, Nye'e bediri di sebutek tompat an datar. Lalu, datangam ke Nye'e serombongan bosar pedangan mured-Nye wan urang banyak an datang tanggai seluroh wilayah Yudea, Yerusalem, wan tanggai daerah pantai kute Tirus wan Sidon. ¹⁸ Sidak semue datang engaki mendongai Yesus wan engkai mendapat kesembuhan tanggai segale penyaket sidak. Wan, urang-urang an dirasuki roh johat disembuhan. ¹⁹ Semue urang beusahe engkai menculet Yesus sobab ade kuase an keluar tanggai Nye'e wan menyembuhan sidak semue. ²⁰ Yesus meliat ke mured-mured-Nye nontai wan beromong, "Diberkotiam kolai an misken sobab anukolaiam kerajaan Allah. ²¹ Diberkotiam kolai an tongah keleporan sobab kolai bakal dikenyangan. Diberkotiam kolai an tongah menanges sobab kolai bakal tetawe. ²² Diberkotiam kolai an urang memboncek kolai, mengucilankolai, mehinekolai, wan mencemoran name boyek kolai kerene mendesie. ²³ Besukeciteam pade ari kolai mealaminye, wan merojok am juan kesukean kerene upah koali bosar di surga; sobab macam onanlah ninek bayan sidak melakuan pedangan nabi. ²⁴ Keleiagak, celakeam hai kolai an kaye sobab kolai dah mendapatan kenyamanan hidop. ²⁵ Celakeam kolai an inen konyang sobab kolai nantek kelaparan. Celakeam kolai an inen tetawe sobab kolai nantek meratap wan menanges. ²⁶ Celakeam kolai an semue urang mengetean hal an boyek tontang kolai sobab an macam onanam ninek bayan sidak ketike beromong tontang nabi nabi palsu.'' ²⁷ ''Keleliagak, Doan beromong ke kolai an mendongaian doan. Kasehilah musuh kolai wan beulah boyeklah ke urang an memboncek kolai. ²⁸ Berkotiam urang an menyumpah kolai wan bedu'eam bagi sidak an menyikse kolai. ²⁹ Bagi urang an menampar pipi kolai, tawaran nam pipi kolai an laen. Wan ke sape pon an merampas jubah kolai, gowok mehambat nye engkai merampas baju kolai jam. ³⁰ Onjokam ke urang an mengungap ke kolai, wan jike urang mengutek anu kolai goyokam mengungap nye lagek. ³¹ Perlakuanam urang laen macam mane kolai hondak diperlakuan leh sidak. ³² Jike kolai hanye mengasehi urang an mengasehi kolai, apekah pujian an dionjok ke kolai? sobab, urang an beduse pon mengasehi urang urang an mengasehi sidak. ³³ Jike kolai hanye beulah boyek ke urang an beulah boyek ka kolai, pantas cadeai kolai mendapat pujian?Sobab, urang beduse pon melukuan hal an same. ³⁴ Jike kolai meinjam baban ke urang laen wan meharap upah, apeam pujian an dionjokan ke kolai? Sobab, urang beduse pon meinjaman ke urang beduse laennye ngkai sidak dapat menerime nye semule wan jumlah an same. ³⁵ Keleiagak, kasehiam musuh kolai wan beulah an boyek, injiam injoman ke urang laen cade meheropan upah. Wan benonan, kolai bakal mendapat upah an bosar wan kolai bakal menjadi anak an Mahatinggi, sobab Allah nan boyek wan urang an cade tohu beterime kaseh wan an johat. ³⁶ Kerene onan, hondakam kolai berbelas kaseh, same macam Bapamu an ponoh wan belas kaseh.'' ³⁷ ''Gowok menghakimi gelak kolai cade di hakimi. gowok menghukom gelak kolai cade di hukom. Ampuniam wan kolai dapat diampuni. ³⁸ Enjiam an dapat di inji ke kolai; tentanah ukuran an boyek, an dipedotan, an digeguyap wan an meluap,wan an dapat ditumpahan ke pangkuan kolai. Kerne wan ukuran an same nan kolai gunean untok mengukor, hal onan dapat diukor agek ke kolai.'' ³⁹ Yesus menceritean ke sidak ibarat inen, ''Dapat cadeai urang bute menuntun urang bute? cade kabe sidak bedue nan garak ke lubang? ⁴⁰ Seurang murid cade lobeh tanggai guru nye. Keleiagak, urang an dah belateh dapat menjadi macam guru sidak. ⁴¹ Mengape kolai meliat bubok kayu di mate dulor kolai, tapi kolai cade tohu wan balok kayu di mate kolai seurang? ⁴² Macamape kolai dapat mengetean ke dulor kolai, 'dulor, ngkai de keluaran bubok kayu nonan ngai mate kolai, sedengan kolai seurang cade meliat balok kayu di mate kolai? Hai urang munafik keluaran lah lok balok kayu tanggai mate seurang nan. Udah nonan, kolai dapat meliat wan jolas untok mengeluaran bubok kayu tanggai mate dulor kolai.'' ⁴³ "Kayu an boyek cade bakal mehasilan buah an burok, wan kayu an burok cade bakal mehasilan buah an boyek. ⁴⁴ Setiap kayu dikonal tanggai jones buah an dihasilan. Urang cade mengumpulan buah kerewaye tanggai somak beduri, memungot anggur tanggai somak belukar. ⁴⁶ "Meape kolai menalau Doan, 'Duate, Duate, 'keliagak cade melakuan ape an Doan ajaran? ⁴⁷ Doan bakal menunjukan ke kolai, macam apekah urang an tibe kepade Doan, dongai ajaran-Doan wan lelakuannye. ⁴⁸ Nye'e macam urang an meulah rumah, an mengali dalam-dalam, lalu melotaan fondasi dipucok batu. Ketike ayek pasang tibe, lalu mehantam rumah nontai, keliagakcade dapat merebahan rumah sobab rumah nontai diulah juan seje togap. ⁴⁹ Namon, urang an mendongai ajaran Doan keliagak cade meneotinye, nye,e macam urang an meulah rumah di pucok tanah cade befondasi. Ketike ayek pasang tibe, rumah nontai robah wan mealami kerusakan an parah."