¹ Tuan-tuan perlakuan nam budak-budak kayen juan bonar wan adel kerne kolai tohu bahwe kolai bai ade tuan di seruge. ² Betokon nam dalam du'e, juan bejage-jage wan meucap sukir. ³ Bedu'e jam ngkai urang koai supaye Allah membukak an lawang bagi firman sehingge urang koai dapat memproklamasian rahasie Kristus, an kernenye doan dipenjare. ⁴ Bedu'e am ngkai doan dapat menyampoian juan jolas sebagaimene seharosnye doan betutor. ⁵ Besikaplah bijaksane tehadap urang-urang luar juan menggunean kesempotan seboyek-boyeknye. ⁶ Mbak an perkatean kolai selalu ponoh kaseh, dibumbui juan garam, ngkai kolai tohu macam ape seharosnye menjawab setiap urang. ⁷ Tikhikus bakal menceritean semue kabar tentang doan. Nyee adelah dulor seiman kite an tekaseh, pelayan an setie, wan tambah sekereje dalam Tuhan. ⁸ Doan meutosnye ke kolai juan tujuan ngkai kolai tohu keadean urang koai wan nyee dapat menguotan hati kolai. ⁹ Nye-e bakal menjuhak wan Onesimus, dulor seiman kite an setie wan tekaseh, seurang nggai antare kolai. Sidak bakal memberektohuan ke kolai segale sesuatu an tejadi di seen. ¹⁰ Tambah doan sepenjare, Aristarkhus, mengirem salam ke kolai, macam nonam bai Markus, keponakan Barnabas, an tentang nyee kolai dah menerime petunjok: sambut am nyee wayahnye menjuhak ke kolai. ¹¹ Salam jam nggai Yesus, an di talau Yustus. Diantare tambah sepelayonan doan ngkai kerejean Allah, ngkah sidak ninam beasal nggai kalangan urang besunat, wan sidak dah menjadi penghiburan bagi doan. ¹² Epafras, dulor seiman kolai, hambe Kristus Yesus, bai mengirem salam untok kolai. Nyee ngkal begumol dalam du'e demi kolai dapat bediri togoh wan bekeyakinan ponoh dalam segale kehondak Allah. ¹³ Doan dapat besaksi macam ape nyee dah banyak menderite bagi sidak an ade di Laodikia wan Hierapolis. ¹⁴ Lukas, dokter an tekaseh, wan Demas bekirem salam untok kolai. ¹⁵ Sampoian salam doan ke pededuloran seiman di Laodikia, wan ke Nimfa wan jemaat an ade di rumahnye. ¹⁶ Sekali surat inen dibacean ke kolai, bacean jam ke jemaat Laodikia. Sebaleknye, bacelah jam surat untok jemaat Laodikia. ¹⁷ Katean ke Arkhipus, "Perhatian nam ngkai kolai menjadian tugas pelayonan an dah kolai terime nggai Tuhan." ¹⁸ Doan, Paulus, menules inen juan kukot doan seurang, ingat am belonggu doan. Anugerah Allah menyeretei kolai.