¹ Dah ituk tontakng pengumpulun duit makai bale iyakng kudus, lakukan jak sesuai jongan petunyuk~petunyuk ye ku unyuk ka jamaat dak Galatia. ² Pas ari pertame setiap ari mingu, masikng~masikng ikau menyisihkan sesuatu ngan menyimpatne sesuai jongan ye ikau dapat maka inang pas aku datakng baruk diadekan pengumpulun. ³ Pas aku datakng, aku akan menyuruh bale insie, sopai pan ye ikau setujuik, dak serta ik jongan surat~surat makai maik unyuk an kau ka Yerusalem. ⁴ Man, sepatut e aku pan pogi, bale insie akan pogi besameku. Rencane Pejalatnan Paulus ⁵ Tapi, aku akan datakng ka ikau okak aku melaluik Makedonia karne aku bermaksud makai melaluik Makedonia. ⁶ Ngan mungkitn aku akan tingal besamekau atau mengabiskan waktu selame musipm colap makai ikau dapat mantuk ku dalapm pejalatnanku, ke monai pan aku pogi. ⁷ Sak, aku cak onak nongan kau dah ituk hanya sepintas lalu. Aku arap tingal beberopai saat jongan kau, man Tuhatn mengizinkane. ⁸ Tapi, aku akan tingal dak efesus sampai ari pentakosta, ⁹ karne la'akng ye lobar makai mengerojekan pekerojaan ye pontikng udah tebukak bagiku sekalipan ade banyak ye berlawanan. ¹⁰ Dah ituk, man Timotius datakng, tonganlah makai iye cak merase golak pas jongan aku karne iye melakukan pakarojaan Tuhatn, same macapm aku jam. ¹¹ Jadi, inang ade iyakng ye menongane bobah. Bantuklah iye dalapm pejalatnane ngan damai makai iye dapat pulakng ka aku. Aku nunguk e besame jongan bale menak an dak dituk. ¹² Dah ituk, tontakng menak an kite Apolos, aku sangat menorokng e makai natak ik ikau besame bale menak an ye laitn, tapi iye same sekali cak onak datakng ituk. Iye akan datakng kalau ade kesompatan. Salapm Penutup ¹³ Beati~ atilah, bedirilah toguh dalapm iman. Betindaklah macapm bale delaki ngan jadi kuat. ¹⁴ Biaram semue ye ikau kerojekan, dak lakukan dalapm kasih. ¹⁵ Aku mendesak kau, bale menak an, (ikau panai bahwa semue isik umah Stefanus adelah buah-buah pertame dak Akhaya, ngan bale insie dah mengabdikan dirik bale insie makai pelayatnan bale iyakng kudus), ¹⁶ Makai ikau pan tunuk terhadap bale iyakng macapm inyak ngan teradap setiap iyakng ye bakaroje besame ngan bajorih lolah. ¹⁷ Aku bersukacita ade kedatakngan Stefanus, Fortunatus, ngan Akhaikus karne bale insie udah melongkap ik opai ye kurakng dari ikau. ¹⁸ Sak, bale insie menyogarkan rohku ngan rohkau. Oleh karne inyak, hargailah bale iyakng macapm inyak. ¹⁹ jemaat- jemaat dak Asia menyampaikan salapm makai ikau. Akwilia ngan Priskila menyampaikan salapm angatn dalapm Tuhatn ka ikau, besame jongan jemaat dak umah yukng iye. ²⁰ Semue menak an dak dituk mengiripm salapm makai ikau. Omongkan salapm sutik jongan ye laitn jongan ciupm kudus. ²¹ Aku, Paulus, menulis salapm inyak jongan tanganku soyakng. ²² Man ade iyakng ye cak mengasihik Tuhatn, tekutuklah iye. Oh Tuhatn, dataknglah! ²³ Anugerah Tuhatn Yesus menyertaik kau. Kasihkau menyertaik ikau ²⁴ semue dalapm Yesus Kristus. Amin.