1 Jadi, ongko dalapm Kristus ado dorongan somangat, ponghiburan kasih, porkumpulan Roh, kasih sayang, agan bolas kasihan. 2 Sompurnakanlah sukacitaku agan sohati sopikiran, mohaki kasih nyo samo, diporsatuan dalamp Roh, agan mohaki suti tujuan. 3 Jangan molakuan apo pan doi ambisi nyo egois agan kosombongan nyo sia-sia, totapi agan korondahan hati, anggaplah urakng bukai lobih ponting daripado diri kulo siku. 4 Janganlah masing-masing kulo bayo momandang kopado kopontingan kulo siku, totapi udi kopado kopontingan urankng bukai. 5 Biaram pikiran ni'in ado diantaro kulo, sobagaimono udi dihaki ulih Yesus Kristus. 6 nyo walaupan mohaki rupo Allah, sio kinyo moanggap kosamoan-Nyo agan Allah nantai sobagai sosuatu nyo harus dipotahantan. 7 Sobaliknyo, Sio momulah diri-Nyo kinyo mohaki apo-apo agan monghambaan diri sobagai pacal akai monjadi samo agan rupo manusio. 8 Dalamp koadaan-Nyo sobagai manusio, Sio morendahan diri-Nyo agan taat sampai mati, bahkan mati di pucu'u kayu salib. 9 Akai alasan ni'inlah, Allah maha moningian inyo agan moanugrahan kopado-Nyo namo di pucu'u sogalo namo. 10 Supayo dalamp namo Yesus, sotiap lutut bertelut boi nyo ado di langit, nyo ado di bumi, maupun nyo ado di babah bumi. 11 Agan sotiap lidah mongaku bahwo Kristus Yesus adolah Tuhan, bagi komuliaan Allah, sang Bapa! 12 Korono nian, somadikanku nyo tokasih, sobagaimono kulo solalu taat bukan bayo kotiko aku ado bosamomu, lobih-lobih sokarang kotiko, aku kinyo bosamomu korojoan kosolamatan kulo agan gola agan gentar. 13 Sobab, Allahlah nyo bokorojo di dalapm kulo, boi'i akai mohondai hondapan akai mongorojoan lapo nyo monyonagan-Nyo. 14 Labuhan cam somuonyo nian kinyo mongoluh atau mombantah. 15 Supayo kulo kinyo cacat agan kinyo bosalah, sobagai anak-anak Allah nyo kinyo tohina di tongah-tongah ponorus nyo pingku sosat ni'in, sohinggo kulo bosinar di antaro sia' sobagai torang di dunia. 16 Bokolayut rorapat pado Firman kohidupan supayo pado hari Kristus, aku mohaki alasan akai bomegah bahwo aku kinyo mongidian agan sia-sia bokorojo koras agan sia-sia. 17 Sokalipan aku harus diburahan ubo cawan posombahan di atas kurban agan polayatan iman kulo, aku sonang agan bosukacita agan kulo somuo. 18 Ubonian jam kulo, agan alasan nyo samo, sonang agan bosukacita sosamo aganku. 19 Dalamp Tuhan Yesus, aku boharap socopatnyo moutus Timotius kopado kulo supayo aku dihibur kotiko mondinga kabar tontang kulo. 20 Sobab, aku kinyo mohaki urakng bukai ubo inyo, nyo agan tulus mompordulian kosejahteraan kulo. 21 Sobab, nyo bukai bayo, sibuk mompodulian kopontinganyo siku, bukai kopontingan Kristus Yesus. 22 Ubonyo kulo tohu, Timotius udah mombuktian dirinyo borogo, iyo molayati bosamoku demi komajuan pomboritoan Injil ubo sourakng bobia kopado bopainyo. 23 Korono nian, aku boharap dapat moutus inyo sogora sohabis aku mongotohui laponyo akan tojadi aganku, 24 agan aku porcayo kopado Tuhan bahwo aku siku udi akan copat datakng kopado kulo. 25 Akan totapi, aku bopikir porlu udi moutus Epafroditus kopado kulo, Iyo adolah somadinganku, kawal sopolayananku, kawal soporjuanganku, agan udi urakng nyo mombaba posan kopado kulo agan nyo molayati kobutuhanku. 26 Sobab, iyo sangat morinduan kulo somuo agan maha uyuh hatinyo korono kulo mondingga bahwo iyo ponyakit. 27 Memang, tontainyo iyo bagiku sakit sampai honda mati, totapi Allah monunjuan, bolas Kasihan kopadonyo agan bukan bayo kopado inyo, molaintan udi kopado aku supayo dukacitaku kinyo botumpu-tumpu. 28 Korono nian, aku monjadi somakin honda moutusnyo kombali kopado kulo supayo kulo ulih bosukacita kotika moniatnyo udi, agan bokuranglah kogolaku. 29 Monyambutlah Epafroditus dalapm Tuhan agan ponuh sukacita agan hormatilah urakng-urakng ubo inyo ni'in. 30 Korono iyo hampir mati demi pokorojaan Kristus, iyo momportaruhan nyawanyo akai mongontian potulungan nyo kinyo ulih kulo onju kopadoku.