Pasal 1

1 Tanggai Paulus agan Timotius, hamba Yesus Kristus, kopado somuo urak'ng kudus dalap'm Kristus Yesus nyo ado di Filipi agan bako penilik jomaat ongko majelis jomaat. 2 Anugerah agan damai sojahtera tanggai Allah, bopai kito, onggo Tuhan Yesus Kristus monyertai kulo! 3 Aku bosukur kopado Allahku sotiap kali aku moingat kulo. 4 Dalap'm Doaku pakai kait'n somuo, aku hala bodoa agan sukacita 5 obai korojo samo inyo kolo onju, dalap,m pombritoan injil tanggai hari portamo sampai sokarak'ng. 6 Aku bondaran porcayo obai Sio nyo tolah momulai pokorojaan boi di antaro kulo, Io jam nyo honda monyompurnaannyo sampai hari Yesus Kristus. 7 Udah supantasnyo aku mo oso ubo nin tohadap kulo obai kulo somuo ado di hatiku. Boi pas aku di panjara damo pas aku mo onji' pombelaan ongko ponoguhan akan Injil, kulo tolah monjadi kawal bosamoanku dalap'p anugerah Allah. 8 Allah adolah saksiku, botapa aku morinduan kait'n somuo dalap'm kasih Yesus Kristus. 9 ninam doaku: kironyo kasih io makint'n botambah-tambah agan pongotohuan ongko sogolo hikmat; 10 sohinggo kulo dapat momilih aponyo tobai; suoayo diri kulo tulus agan cado bocacat pado hari kristus; 11 ongko di ponuhi agan buah-buah kobondaran nyo datak'ng molalui Kristus Yesus pakai komuliaan agan pujian bagi Allah. 12 Somadikan-somadikanku, aku honda kulo tohu obai apo nyo tolah tojadi aganku justru tolah mombabaa pomajuan pakai injil, 13 sohinggo soluruh pongawal istana agan somuo urak'ng bukai tohu obai aku di ponjara bagi Kristus. 14 Somadikan soiman nyo somakit'n yakit'n pado Tuhan obai pomanjaraan ku nin, monjadi lobih borani momboritoan Firman Allah kinyo ado oso gola. 15 memang, ado urak'ng-urak'ng nyo momboritoan Kristus obai hiri agan posaikan, totapi ado jam obai tujuan boi'. 16 sia nyo bomaksud boi' molakuannyo obai kasih sobab sia tohu obai aku di totapan di siit bagi pombela Injil. 17 Sodakan nyo cado bomaksud cado boik, siak molakuanyo obai ambisi egois, cado tulus gan bapikir siak dapat monambah kosulitan pakaiku somanahon aku di ponjara. 18 Lalu apo hasilnyo? pontik'ng adalo agan caro apo pan, boik agan maksud tumbukan damo maksud bondar, Kristus di boritoan, agan pakai nian aku bosukacita, 19 sobab aku tohu obai molalui doa-doanyo agan potulukan Roh Kristus Yesus, apo nyo tolah tojadi pado ku justru honda monjadi pombebasanku. 20 Harapan nyo kuyakiti adolah aku samo sokali cado mondapat malu sobali' nyo aku mondapat koboranian ponuh pakai Kristus, sobaagai mono sokarak'ng agan halu di mulian dalap'm badat'n ku, boik dalap'm ko adaan hidup damo mati. 21 obai bagiku, hidup adolah Kristus agan mati adolah kountukan. 22 cuma ado, jika aku gola hidup dalap'm badat'n nin, borati aku gola bokorojo mohasilan buah. lalu mono nyo gola aku pilih, aku cayo tohu. 23 Aku tojapit di antaro duo pilihan nian, kohondaku copat moninggalan hidup nin lalu bosamo Kristus, obai nian jouh lobih boik. 24 akat'n totapi, pakai kulo, oca lobih boguno aman aku totap hidup dalap'm badat'n nin. 25 agan koyakitan nin, aku tohu aku gola' tinggal bosamo siak somuo pakai komajuan lalu sukacita kulo dalap'm iman. 26 Aman aku bobali lagi, kopadonyo, makaa kobanggaannyo akat'n batambah dalap'm Yesus Kristus obai aku. 27 Cuma ubo nin, hidup jam agan caro nyo layak pakai Injil Kristus supayo kaluaaku datak'ng lalu botomu gan kulo, damo aman cado datak'ng, aku ulih mondinga' obai kulo totap bodirit'n toguh dalap'm sobuti roh, agan sobuti pomikiran, pakai bojuak'ng bosamo-samo pakai iman tanggai Injil. 28 Jangan biaran kulo di sogalai bako lawat'n-lawat'n kulo, obai nian adolah tando jolas ko hancuran bagi siak totapi kosolamatan bagi kulo, agan tando nantai pan tanggai Tuhan. 29 Sobab pakai Kristus kulo jadi' di karuniaan bukat'n cumo porcoyo kopado-Nyo, totapi gola perlu mondorita' bagi Sio. 30 Nian am sobab nyo kulo mohadapi pogumulan-pogumulan nyo samo ubo nyo kulo ti'at aku hadapi agan nyo sakarak'ng kulo dinga' aku ija' tongahan mongalapi.