¹ Man veru yhin a war ki fibi koni kawuri Kayeonih, pitumazani in Iklisiya ku Kankiriya. ² Asa in Ser Kin lnung a pikarma. Un rinah urip o yah ma rume nang rivin, in yeoze neh na kin ana ko arike nany. Sa kin wan kukusu ku kana a yhoar a gbwaki, nang mini unam. ³ Sumazeni Bilkisu nang Akila ijam utuma inung u Yesoh Kristo. ⁴ ama ma rume u roh uvoh Kyboan a war ka nang. In seri yhoan u sanjinih, aya a zakurah aYahudawa ana yhoar a Son a serinu sanjinih ku ghhaska u voh Kunang. ⁵ An Sumaze Iklisiya imi iru rarah ku yhoan, Sumazeni Abainatas piya na nsuni. Yhi reh Piyhoar uzoni a mayinzi mai Asiya u rume sereh Kristo. ⁶ I Maryamu, kimi ki ma tumzana Kristi asa kin kaninih. ⁷ Sumazeni Andaranikas nang Yuniyas akoni nang abi chu rereh. Are ayah na a yhao anapkweg ami ama Zongorom u wana adorkoni a Kristo. ⁸ Sumazeni Amfiliyas bida u pkwaktari inung a pikarma. ⁹ Sumazeni Urbanas pi Jam utuma uwuri inung u Kristo, nang Istakis bicha upkwaktari. ¹⁰ Sumazeni Abalis umi rhi na wass un Kristo, Sumazeni a yah ru rarah ku Aristobulus. ¹¹ Sumazeni Hirudiya, koni kanang, nang ayah ri urarah ku Narkissa, ami ari nung u Kristo. ¹² Sumazeni Tarafina nang Tarafusa, atumzani a pikarma. ¹³ Sumazeni Barsisa piyah na nsuni, kimi ke ke yella tuma upkarma na gbwing. Sumazeni Rufus na a nerve inung a siri nang muna uwuri. ¹⁴ Sumazeni Asin kirikas nang Filiguna nang Hamis nang Baturobas nan Hamisu, nang a konil ami ari nang yhaon. ¹⁵ Sumazeni Filolugus nang Yuliya nang Niriyas nang a Kommini, nang Ulumfus nang ayah rume nang kasiri nasang ami ari nan yhaon. ¹⁶ Sumazeni atih ayhin nang Ukauranu uvur. Ikilisiya I Kristo nasang i sun sumazeni. ¹⁷ Na kini nsin tanzani nih, Konii, in Kayhao ayah aku yendeh maghhattazana nang marupkuzuwo. Ki kusu ki vakteh nang anang na a yhi ni en miseh na a dorkoni, ranguruwoni nang yhaon. ¹⁸ Imuze yhaor arah a zakure Pikarma Yesho na aku tutu yhi, Kure aviri a yhoan. Te warka avere arentu a noeh kayhaon aku ritizeh a yah za yhoan ivang. ¹⁹ Matini mayhin mama ningyhe anatoeh a Kowan, Marentu na mini npok, nrusu in wam ipamba ana nang arip, in wan a yah za yhaon ivang ana nang a yiehnih. ²⁰ Kasiri ka mavok kan yitiri pisifu ana toektin ka navinah akan. Mapess ma pikarma Yesoh Kristo manke rih nan a yhini. ²¹ Timoti, bicha utuma, i seru sumazi, nang Lukiyas a Yason, nang Susibataras, nang a koni. ²² Mini, Tartiyas piye nyakara arah arah, nsin sumazini inung a pikarma. ²³ Gayus, pi yu rarah kunang na ikilisiya nasang, i sin sumazini. Arastas Piyah taraka ku roh I sin sumazini, nang kwartus kommina ka wuri. ²⁴ Mapess ma pikarma Yesoh Kristo unka rhi nan a yini nasang. Ken. ²⁵ Nakin i nang pi yar iri usuru ku sisane na sugwhu awori a masara marentu nang ku wa'ggha Yesoh Kristo na nsin miseh, umi na a vetere an kusu mu nisazani chettimi. ²⁶ nakini ama verke, nang u nyakaranu O annabawa uma renu yoeh kun zuwa mayinzi nasang, ken ne Kasiri Kuvoh mazarara kama roh a mateh, awarka yah matini ami a rene Sugwhu an dorkoro. ²⁷ Makan nang kasiri ku yoeh, awori nang Yesoh Kristo, tiwomo tire tikan karen nang Karen. Ken