¹ Kini awuri aya ti sisazi muru woh ti zika mazir maya asuskani yhaon mu gura zakari uwo ti sa usuni uritih. ² Sani maraondao mawuri ti vokone abici azamtoko nasugwhu awar ka arana ariv uku ti suk yi izoh. ³ Awar vah yhi Kristoh ma irhoto vokone ritih riyhi asugwhu, kinne ken nan ama yhaza. "ti suraru timi nan arong asurabu ten righi innang. ⁴ Awar ki kusu nan awah yhaza atini ku ma yhaa uku an yhakazara owuri ukotu nokuruwonu asugwhu nan ku nizaza koyha ama vah tizuk unrganu. ⁵ Kini sa Kasirih ku nokuruwonu nan ku nizaza kan mini in wan nh dinnenu uraoh nan kazom ana suksana ma Kristoh Yesoh. ⁶ Asa irise kini te sugwhu kuroah innang chagha anaoh karaoh Kasirih nan putu upikarma uwuri Yesoh Kristoh. ⁷ Awar ken senni piyaodao nan atih ayin, kinne ken nan Yesoh imah serini awar ku zaovao Kasirih. ⁸ Awar makuwoh Kristoh ama rene yhi iwana pirere uceske ko gang tuteng marivin re Kasirih, uko an korone matazzana rimi nan ama yelli aputi mawiri. ⁹ Nan awar kamajir ma Yahudawa man zov Asirih awar kari rilillipovo rikan muri ken nan ama yhaza awar kuwoh man chagha bu atek kama majir ma Yahudawa atimi asivsa masiva a ri zayhi ripu. ¹⁰ Atini awoh, "Yelleni rigaraoh, ina majir ma Yahudawa awa nan ayhaor ayi," ¹¹ In gura, "chagha pikarma, nasang ku yhin ina majir ma Yahudawa sani ayhaor nasang an changha yhi." ¹² Ishaya ima gura woh, "an zuwa nang ku yese, apiya en choa ayelli tiwomoh amajir ma Yahudawa munka rene asugwhu nan yhi." ¹³ Kini sa Kasirih ku sisanenu kann koronininnannrigaraoh nasang nan mavok awar ku rumenu uyhin, asa in zuk ukorenenu usisanenu, tu nirganu u mazir mavur. ¹⁴ Mini aritih rinang nan ima rume nan yhi, ina konii nan ma rume uku ayhinin anatih ayhin in korih ana nang arib, akori nan kuyaoh, nan ma rume nan kuwo innang suska yhakazana amatih ayhin. ¹⁵ Are kini nan ma yhakara nan ku zaovaoh kuritih agwakane aritih ren rong an kusu ukon an gura dinnarini, awar kaparu kami nan arom te sirih. ¹⁶ Kaparu ka kare ku kuwoh an wan pirereh uKristoh Yesoh utumu nan majir ma Yahudawa ku yelli ukuwoh masara marentu ma Sirih man rise kini awar kaparu kami nan arom awori nan Kasirih. ¹⁷ Awar ken nsin rukse tiwomoh inung un Kristoh Yesoh inung untuma O Siri. ¹⁸ Awar en zam ikusu nan man vere, atu re kikusu nan Kristoh ima rise nan mini awar kuroh kutichirvu ku majir ma Yahudawa kini are ankusu mo wana tu vernu nan usanu. ¹⁹ Tu nirganu uma kizih nan anang ammina nan uniganu umazhir mavur kini mu riken awoh awari un Urushalima, nan itenghu aka raka Ilirikum, amaja'ah masarah marentu mu Kristoh ²⁰ Tu rinah uru usun unang an mise masara marentu, anre atek nan azaku yhoah Yesoh ti ri za yi riyi, tuken an kasu suwa izoh amasuwa ma pirong. ²¹ Muri kinne ken nan ama yhaza: "Aya na ama arotoh migha yhaon uruvu uyhi an reghe yhi, na aya arotoh ma pokoro yhi an yaogaotaokeh. ²² Awar ama wukunem adhaor agwakane tu ruvu nan ayhini. ²³ Are kini, an zaku wotu rih arong kateghe an Lardin, nan ku zika ku tiwa agwakane a rhoto ma ruva nan ayhini. ²⁴ Awar kadaor kami nan man jaran aka rene, an sin rise asugwhu ku regheni insin vaozzaonao, an zuk uyangarao kuyhin makana inaori, atini ku pokoro ku rentu nan ayhini adhaor na cini. ²⁵ Are kini an rama jaram un Urushalima anka yelli ayu rumenu atuma. ²⁶ Awar are anang arib nan ayu Makidoniya nan ayu Akaya an pekse aparu awar kaya marusu ami ama rume un Urushalima. ²⁷ Murikan, are murib mu yhaon nan zah kasasa are kuvasi, unyhaon. Awar innan majir ma Yahudawa masin wangzana innung ankusu mu mazhir mayhaon awana uhaki nan yhaon an kana yhaon nan arong ankusu. ²⁸ Nan ken, kadhaor nan an ma ruruh ro ikurghoa, anreh an yaogaotoah nan kuwo ama sere ikusu. K sernuwo, man zika adhaor anan reghni a teghemi makana an Asbaniya. ²⁹ An yhaoh nan kuwo kadhaor nan ma ruva na yhini man ka ruva nan ukoru uzikinenu Ukristoh. ³⁰ Kini matanzanini,ina konni,ti pikarma uwuni Yesoh Kristoh, amane nan usunu umazhir, asa in ra wumana nasang nan mini ana tanzu na yin makana nan Kasirih awar kanang. ³¹ In tanzana uko an sabtao nan aya za onchin an Yahudiya, nan utuma un Urushalima an sernuwo nan aya ama rume. ³² In tanzana asa an rub nan ayhini innung ari garao tusunu o Sirih, nan kuwoman nasang nan ayhini ti zuk mavonsonoh. ³³ Sa Kasirih kama vok kan zomo an ayhini nasang. Ken