¹ Bulus kagbweng ka Yesoh Kristoh tu rina tu Kumaru-ku-muranu Ko siri nang kristoh Yesoh unit's GH'anu uwuri. ² ama kana nang Timitawus, pivezene u rivin innung u rumenu-ko-suwhu; unir'agh'eni-asuwhu ririllipovo, nan ku za-wuma awori nan Kasirih putu nan kristoh Yesoh ku zonzo ku wuri. ³ Ken na ma rene vu adhaor kami nang ima sin jara a makana un Makidoniya, zomo un Afisus awar kuwoh pi ka rene a kumuru-kumuranu izo ana rong ayaor an ka suka mise urong unaokh ku misenu. ⁴ Ankasu gura ja'ah asuwhu ka yaon nang manangh'atini nan manaokh mazaman marara.Ara ara aku rene iwar, ama zankuwo mun hana unapsanu Ko siri, kumi kuri tu rina tu rumenu ko suwhu. ⁵ Nakini maraorun ma kumuru-ku-muranu kumi kure kuroh-a-suwhu-ku-muranu awori asuwhu kavur, awori ujitaranu u matini, agura woti urumenu-ko-suwhu ku rivin. ⁶ ayaor ama vizu-rinah uma kana a gura vandare na tini awori an kusu mu,a gura roh nasuwhu na yaon nan avere ati pamba. ⁷ Asin righyi woh an wana a miseni mu kumuru-mu muranu, amazakuguranu a rotoh yaotaokeh ikusu nang asin roh unsuru nang kin awoh kire rivim. ⁸ Amazakuguranu, ti yaoh awoh ka-kumuru-ku-muranu kumi kuriv innang piyaor iseri utuma nan kun unrina uriv. ⁹ Ti yaoh ki kusih ki, awoh awoto rene a kuuru-ku-muranuawar ka piyaor umi i yaohzi na kwas, ama zakuguranu,are awar kayaor ami azaku dorkoni a kumuru ku muranu kumi nang ayaor ami arok-atih awar ka yaor ami azaku dorkoni urina-o-siri nang ayi-vang,agura reh awar kayami azaku ri asiri nang ayami a rih marikh. ama rene akumuru-ku-muranu kumi awar kayami asin wunza nan aputinan amune yaon, nan awar ka yami aku wunza yaor, ¹⁰ nang ayaor ami aseri unonzu nan arong an zang innung u rungah, awar ka yaor arumi ami aseri anonzu nan aron ayaor arumi, awar ka yami akutuwu ayaor asa anka zizi yaon asa an wana aya-tirereh,awar kayi cotti,awar ku mawa'ahnu-yaoh mi chotti, awar ku an kusu nasang mumi mu sih wumana nang kumiseh ku rivin. ¹¹ Ku miseh kuna kuri tu rina tu masara mu rentu tu zawaoh te Siri pu zikinenu,tima ama ron in yaoptaoh a mariva. ¹² In seri morikpkwanu nang kristoh Yesoh ku zonzo kuwuri .Ima sisanem, awar kuwoh ima zikam awoh inre piya rivin, agura renem in ningh'einnung utuma. ¹³ In ma sin vere mayiman ama kana nang kristoh agura reh piyami ima sin ghaosaoh a yami a rume nang kristoh,agura reh piya ima ku rene mayiman ama kana nang amazu ayaor. Amazakuguranu, ma sere rilillipovo awar in ma rise utuma innung un zah-yaoh nan ku zah rume nan ku zah nome a suwhu. ¹⁴ Amazakuguranu,uningh'enu o-suwhu ku zonzo ku wuri kuma koro a waruwo nang urumenu kosuwhu nan ku roh-suwhu kumi kuri innung u kristoh Yesoh. ¹⁵ Avere ra are rivin agura reh avere aripkwa nan a wuri tiseri innung usisazu o-suwhu,awoh kristo Yesoh imah ruva innung urikuyah awar kuwoh i waska ayi-vangh. in re piya -gwaki u-yaon. ¹⁶ Amazakuguranu, awar ken nang ama rom ririllipovo,awar ti nung tinang,piya-gwaki ayi-vang, kristo Yesoh in ka sa u za-chone suwhu kayin.inna rene ken awar kuwoh i migya urinu umi an dorkoro awar ka yami an rene nasuwhu na yaon innung uyin awar kuvoh ku zaku ri marasa. ¹⁷ kun wana a makana nang piwomo iri tiwomo za marasa,umi en ka zaku yiku reyeh yi,umi ire yi nazik ire Kasirih.ken. ¹⁸ In sin a kumuru ku muranu kuna unnyen kuputu,Timoti,konoh kanang, tu rina tu antatun nang ama vere a tini a makana, nang pu, awar kuwo pi riseh riwuma uwumanu u rip, ¹⁹ Asin yaop u rumenu-ko-suwhu nan kujitaranu ku matini ku rip. Tu rina tu vonoyaon anang ara, arong ama naze u rumenu ko-suwhu ku yaon. ²⁰ kinneh Himiniyasnang Askandiri,ayami ma roh yaon ana chara na pisifu awar kuwoh an miseh yaon ken nangan zaku sin seri avere a riwuma nang Kasirih.