¹ Nǝ durghǝ cik, mya Bulus ɗaŋ nǝ naɗkǝn tǝ maraŋgusa nǝ durghǝ gi ɗaŋ nǝ ɓorghǝnni nǝ durwan zarsǝ. ² Mya caa raa tu kaa wum nǝ laaghǝ luughǝn nǝ gyal ghǝ Cogn ɗaŋ a vǝrǝm nǝ durwan. ³ Mya dlaaɗ ki gin mǝn nǝ durghǝ giɗkǝn ɗaŋ tǝ fuum.Gin kǝnnda cigha waaɗkǝn ghǝ jom-jomni ɗaŋ mǝ dlyaaɗ njwaatn a giɓ tagartan. ⁴ Kili yo ɗaŋ kya kwaan gines, kaa ɗya ka yisǝŋ sagaɗkǝn a giɓkǝ waaɗkǝn ghǝ jom-jomni a dulgaam gi ɗaŋ nǝ ɓorghǝnni. ⁵ Gyo ɗaŋ a wusuli yo ɗaŋ ta giɗ zarsǝ hŋ. Beɗ tǝ gi ɗaŋngǝni ta ta giɗ ki a mǝn laaghǝ Cogn tǝ mǝn shinngǝn Cogn yo ɗaŋ tǝ warshi a giɓkǝ Zhiptǝ var. ⁶ Vik Cogn ɗaŋ nǝ waaɗkǝnnǝn, nǝ gyo ɗaŋ taa yisǝŋ Cogn hŋ, ɓuruk taa naai nǝ mǝn duul mi cimshi, nǝ dlyaŋri a giɓkǝ dlii namboŋ. Kamsawopm kǝ lǝǝɓ namboŋni beɗ a giɓkǝ mbighǝn ɗa raai kǝ Yesu ɗaŋ nǝ ɓorghǝnni a te viwos. ⁷ Nǝ durghǝ gi mǝ naa nǝ mon a te vǝrghǝn ate gyalgǝ Cogn ɗaŋ vǝrǝm ate tlyaaghǝn vartǝwos. Cogn kǝnnda a vǝrǝm vǝrghǝnni gin. ⁸ Beɗ ɗaŋ yi tu mya mi jwaani a giɓkǝ mǝn waarghǝn kǝ Cogn, mǝ ŋalar viwos a zarsǝ ɗeɓaɗ dulgam tughǝn ghǝ gi ɗaŋ nǝ ɓorghǝnni nǝ kǝ ɓanngǝn hŋ. ⁹ Mǝ ndǝr mǝ giɗ zarsǝ yisǝŋngǝn ghǝ mbǝrghǝn Cogn, ngǝtnngǝ waaɗkǝn kǝ jom-jomni ghǝ wusuli yo ɗaŋ tǝ latsǝ ɗaŋ Cogn waaɗshi, gyo ɗaŋ yan a ndǝǝr ngǝtn ɓuruk. ¹⁰ Nǝ durghǝ cik, a te ikilisiya, mǝn vartǝ tǝ mǝn guŋndǝ ghǝ tsogn gaami ta yisǝŋ saghaɗkǝn ghǝ Coghǝi a ngǝtn mari-mari. ¹¹ Gin kǝnnda wo na nǝngǝtnngǝ de yo ɗaŋ a kon a giɓkǝ Yesu gi ɗaŋ nǝ ɓorghǝnni Daadǝnwopm. ¹² Beɗ tǝ gi mi sǝriɗ a giɓkǝ gi ɗaŋ nǝ ɓorghǝnni, tǝ dǝǝl tǝ kaɓkǝn nǝ durghǝ jom-jomni wopm a giɓwos. ¹³ Nǝ durghǝ cik mya kara ki ɓak tsal a raa nǝ buŋngǝn yo ɗaŋ a tum nǝ durwaan gyo ɗaŋ a naa nǝghǝ luuggǝn waan hŋ. ¹⁴ Nǝ durghǝ gi mya zuɓni tǝ gamvoraŋatn a kens ghǝ Daa, ¹⁵ Gyo ɗaŋ te ɓaskǝ ca cim dǝnsi ɓuruk kǝ gaami tǝ kǝ yatl. ¹⁶ Mya kara tǝ kaɓki mǝni nǝghǝ bakdas ghǝ tughǝn ghǝ luughǝnwos, tlyaan moɗ ko dzaŋ gyo tǝ vartǝ a te Zhipti varwos, ɗaŋ yi ɓaski. ¹⁷ Mya kara gi ɗaŋ nǝ ɓorghǝnni tǝ tsǝnni a giɓkǝ raawon a te caaghǝn raa. Mya ndǝr mǝ kara a daaɗi a ndǝr a naali shoŋ-shoŋ cighǝi a giɓ kǝ suughǝn wos. ¹⁸ Naan a giɓkǝ suughǝ wos nǝ duryo tu a yisǝŋǝi, tǝ ɓuruk mǝn laaɓkǝn ni, ni kǝnnda nǝ shoŋni tǝ woŋngǝn tǝ fuumngǝn suughǝn ghǝ gi ɗaŋ nǝ ɓorghǝnni. ¹⁹ Mya kara duryo tu a yisǝŋ suughǝn ghǝ gi ɗaŋ nǝ ɓorghǝnni ɗaŋ a laatsǝ yisǝŋngǝni. Fin gin nǝ duryo tu tǝ yuugn kiwaani tǝ ɓuruk yuugngǝn Cogn. ²¹ Ɗaŋni gon ngǝn cin ɗaŋ citǝ vartǝ kǝ fighǝn ɓuruk ngǝtnngǝ moɓkǝn tǝ ngǝtn yo ɗaŋ mya kara ko ɓital, dulgam vartǝ wos ɗaŋ cigha laa a giɓiwopm, ²⁰ luughǝn tǝ naa ɓastǝ a giɓkǝ ikilisiya a te Yesu gi ɗaŋ nǝ ɓorghǝnni hal wusuli tǝ wusuli nǝghǝ ndok-ndoki. Tǝ naa cik.