13

¹ ኤና ፓይላ ኤና ብትንሳዻዳናናንቴ ኬኤሳሬ፤ ባርያ ባራንካ እንዻድምና ጌጳሞ ቆልማሞ፤ ኤና ጌጲና ዳናምካሞ ባርያና ኬም ጌጲሳዳ። ² ኣጋታኻ ኤያ ኤና ብትናዛራ ዋጭማያ ባርያሳ ዳምብንዛራና ክዋጭማዶ፤ኤና ኦጎንታ ሃያይና ይዛራ ብቶን ታክሳና ኬታክሳይ። ⁴ ኖ ሃናንቴ ዬርን ፃሊን ሃያናንቴ ባርያሳ ዋዲማ ኤዲና። ኮዶንካሞ ዬር ዛርቦ ሃያዳና ኩርትጲማ፤ኦጎኖኻሞ ኖ ብላባቻን ሱን ትማሞ ክዻክዻዶ፤ኤና ዬርን ዛርቦን ሃያይናዛራ ብቶን ታኻናንቴ ክሳ ዋጭን ሙራኖ፣ ባርያሳ ዋድማ ኤድና። ⁵ ኣጋታኻ ዻይንቶን ኩርትንዻንቴ ሶጎ ትማሞ፣ ቃቦኻ ሃማንቴ ኤና ጌጲናናንቴ ኤኤ ሃምንቶ ፃሊና።

³ ኤና ብትና ኤና ዬርን ዛርቦን ኣሺካይና ናንቴና ኤና ዬርን ፃሊን ኣሺካይናም ሃንጭሻያ ትማሞ። ኤና ጌጲናም ኩርትንዻናንቴና ሃዛጋይ? ታ ናንሲ ዬር ፃሊ ሃይማ፤ኖኾሞ ጎሻና ክጎሻይ፤ ⁶ ግብርንካሞ ይንናንቴ ዬካሻይኖ ኣጋናንቴና፤ኤና ቦርኮቶን ጋይና ዋድማን ኦጎሮ ዳና ባርያሳ ዋድማን ኤና ናና፤ቦሪኮቶን ብትናካሞ ዋድማን ኣጎዘራ ለልማይሐና ባርያሳ ዋድማን ኤናና፤ ⁷ ኤና ውልናንቴ ዬራ ዛግሳይናም እምማቴ፤ግብር ኮዳና ግብርን ካሽማቴ፣ቀረጥ ኮዳና ቀረጥን ካሽማቴ ኩርትንዻዻይንግያንዳም ኩርትንዽማቴ፣ ኤና ጎባዻንግያንዳናምካሞ ጎብማቴ። ⁸ ኪም ናሻሳ ኣባራ ኤዲ ሃውሳኻሞ ዬዛራ ባዛ ዳን ኮጋሬ፤ ኤያ ኤዲን ናሻያ ኖ ባርያሳ ዳምብን ኣሽክዲና። ⁹ “ኩጳሞ ሃይናኖ”፣ “ሃዴስናኖ”፣ “ሃድብምናኖ”፤ “ሃኣጝርዽናኖ”፣ ሃማይናቤ፣ ዳምብና ዋኒቤ ኬዶንካሞ፣ ኮዶንካሞ እግና ፓይላ “ሃሳ ጉልን ኤያም ሃግያ ሃያንቴ ናሽማ” ሃማያ ዳምባ ካሳ ኢሮና ከዶ። ¹⁰ ናሽማኖ ይሳ ጉልን ኤያዛራ ዛርቦ ኣሽክማሞ፤ኣጋታኻ ናሽማኖ ዳምቢን ይንካ ኣሽካቴ ቱንሳዻይኖና። ¹¹ ዋዳን ኮም ዼሳንቴ ይንታ ሃይማቴ፤ ዎሳ ዻቆኖ ኣና ዎኣምንዶሮኻ ታ ዎዛራ ኮፄዳዶንታኻ ራትን ባራኻ ይንካ ዬዻጳይን ዋዳኖ ታና። ¹² ፔኖ ሶፃናንቴ፣ ሮሮኖኻሞ ካርሳናንቴና ኮዶ። ኣጋታኻ ፅፓን ዋድማን ጋራንቴ፣ ሮሮን ባንቆን ሙራን ዎዬዴ። ¹³ ሮሮንካ ዎያያግያ ጎይ ጋዛኻ ዎያዬ። ዋርሳኻቤ ባርያሞኻቤ ዳን ኮጋሬ፤ ኩጳሞኻቤ፣ ኩጳሞናንቴ ክንካ ታጋጃዻንካ ዳን ኮጋሬ፤ ዜርማኻቤ ፆላሶኻቤ ዳን ኮጋሬ። ¹⁴ ኦጎናንቴ ጌጳ ኢየሱስ ክርስቶስም ኣርስማቴ ዋኖ ይሳ ቃቦን ኣሽካን ኮጋሬኻናንቴ ዬሳ ¹ ቃቦንካ ዬም ክናንቴ ዬእምናኖ።