¹ " ባርዩን ኦኖኖ ፔን ኤፌሶን ግዶር ዶን ናንቴ ኤርጎን ኤያ ይንታ ሀማንቴ ጻፍማናክያማይ፤ ኤዝና ሶጳናም አና ዩሳ ዋርካታስካ ዮዳዳ መቅረዝና ሶጰና ኖንጋይናሳ ግዶሮረ ያያያ ዩንታና ክያማይ፤ ² እንታ ሀሳ ዋድም ሀሳ ቃጆምንቤ ጋሎን ሀዶንሸዶን እንታ ጴስድና፡፡ ኤና ዛርቦናም ላይህ ሀሼድሞንም፣ ባሪያ ኬም ክዩእስማ፣ ፓጋሞንካ ዎም ንዕሳዳ ባርያና ሀማይም ፓጋሞ ኤድ ኬዶን ኬም ዛጋቴ ሀቡዶልን እንታ ጴስድና፡፡ ³ ጥር ካሞ ጋሎን ዶንሻንቴ ላይህ ሀዶንም ናብን እሳ ናንቴ ጋሎን ሀሀፓዶን እንታ ጴስድና፤ ኦጎ ውልካ ያ ቃጀድማሞ፡፡ ⁴ ኦጎንታ ኮደን ዮር ሀካላ ጳቃዳ ዳይድና አጋሀሞ ናሽማ ሀሳ ብራስም ያ ጋርድና፡፡ ⁵ ታ ናንሲ ሀም ባራሀ ሀድንዶንም ያ ቃብማ ኦጎባራ ማታቴ አና ሀዋድ ማይን ዋድማንም ዋድማ፤ ሀማታድምና ናዴ ዮራ ዩንካ ሀአሽካያም ሀኪላ ቻናእቻይ፡፡ ⁶ ኦጎንታ ኮን ዮር ፃልሀሳ ዳይድና እንታ አቶዛጳና ኤና ኒቆላናስ ዋድማን እግያ ያሀሞ ቶዛጵና፡፡ ⁷ ባርያሳ አፓኖ ባርዮን ኦኖና ናንቴ እጌያይንም ቃሞሀ ዳ ክኤሳሬ ዋቻጳንቴ ቱንስንዛራ ዳያናንቴ ባርያሳ ሞሮሮ ሀቃስ ሳዳን ጋንታ አፓም ክእሳሀ ሀያን እያያይ፡፡ ⁸ ፔን ሰርምኔስ ግዶር ዶን ካርዮን አኖና ናንቴ ባርያስ ኤርጎን ኤያ ይንታ ሀማንቴ ፃፍማና ክያማዶ፣ ብራሮ ዳቤ ቱንስሮ ዳቤ ጃዳቤ ዴንጵንባራ ጳጳደ ይንታና ክያማይ፣ ⁹ የስ ጋሎንቤ ሀሳ ኩፋ ሞንሜ እንታ ጴስድና ኦጎንታ ኮን ያ ዎድሞና፣ አይሁድ ኤድ ባርዮኤድትማ ውቲ አይሁድ ኤና ባርዩ ኤናና ሀንቴ አና ሀም ቶዛጳይናም አንታ ጴስድና፣ ኬ ሜሺ ኤድና፡፡ ¹⁰ ሀዛራ ናአናንቴ ዶን ጋን ሀኩርትጵና፡፡ ታ ሜሽ ዮግዶር ዮሳ ዋኒሳ ዋቻሞም ሀፓናንቴ ጳክን ኦኖሮና ክአርሳይ፣ ሮሮ ታጵ ጋላናዮጋላይ፡፡ ላይህ ዴንፕዛራ ዋቻጳንቴ ዳማ እንታሀሞ ሀናንቴ ዴንታን ላይህን ዳጳይን ሀናንቴ እማና እማይ፡፡ ¹¹ ባርያሳ አፓኖ ባርዮን አኖና ናንቴ እጌያይን ቃሞሀዳ ኬኤሳሬ ዋቻጳንቴ ቱንስንዛራ ዳያ ቤሬ ዴንጳላንሳ ኪም ላአስማሞ፡፡ ¹² "ፔን ጴርጋን ግዶር ዶን ባርዮን ኦኖን ናንቴ ባርያሳ ኤርጎን ኤያ ይንታ ሀማንቴ ፃፍና ክያመዶ፣" ሀልፓን ውልንባር ቸርንካዳ ይንታና ክያማይ፣ ¹³ ሜሽሳ ራቅን ዳጶሮ ሀዶን እንታ ጴስድ፣ ኮደን ናባ እስም ያ ፃሊ ዮድድና፡፡ ፔያስ ዮንታ ሜሻሳ ዩንግዶር ዳጳ ግዶር ዴሳጳ ኤያ እሳ ጎንጳ ማኛ አንቲጳስ አና ክዶንካሀሞ እንካ ሀዋቻጰ ዋቻማሞ ያ ጋርድማሞ፡፡ ^{14 15} ኦጎንታ ኮደን ዮር ሀካላ ጳቃዳ ዳይድና አናእስራኤል ኤናም ዳአኖን ሜሽን ናንቴ ሀይጰዶን ኬእሴሀቤ ኤድ አብ ማላ ኪም ኬኬሜሀ ኤያ ባላቅም ካላዳ ኤያ በለዓለም ጎይን ጫጋዳና ኤና ዮግዶር ዳይድና፣ ቀ5 ኤና ኒቆላዎስ ጎይን አፓን ጫጋዳና ሀግዶር ዳይድና፡፡ ¹⁶ አጋታሀ ጎይን አጎባራ ማትማ ሀማትም ሀዛራ ዩሪካ ናአና እናአይ፤ እስ ሀልፓንካ ሀሞ ኬም ኤና እግናም እኩ ዴሳና እዴሳይ፡፡ ¹⁷ አፓኖ ባሪያሳ ባርዮን ኦኖና ናንቴ እሪያይንም ቃሞሀዳ ክኤሳሬ ኤያ ዋቻጳንቴ ቱንስራዛራ ዳያ ናንቴ ፓለን ዳአኖን አችምን ክናንቴ አማናእማይ፤ ጥርካሞ ኤአ ዩናንቴ እያሳ ኦባራ ኤድ አብ ዩጴስማ ናቢ ሀሊ ዩንዛራ ፃፋጳ ፓላን ሱንን ጫውልን ክናንቴ እማና እማይ፡፡ ¹⁸ "ፔን ትያጥሮን ግዶ ደን ናንቴ ባርያስ ኤርጎን ኤያ ዩንታ ፃፍማና ክያማዶ" አፕንሳ ኖን ግያ ሮጳያቤ ራንሳ ዛዊ ኖ ግደር ዎዳጳ ግያ ዛዋዳ ባርያሳ ናሳ ይንታና ክያማይ፤ ¹⁹ ሀሰ ዋድማን፣ ሀሳ ናሽመን፣ ሀሳ ናሽማን፣ ሀሳ እዛራ ዋቻሞን፣ እናንቴ ሀዋድይንቤ ጋሎን እናንቴ ሀማንቴ ሀዶንሻዶንቤም እንታ ጴስድና፤ አናን ጋን ናንቴ ታን ጋይን ዋድማኖ ሀሳ ሳጊ ኮደን እንታ ጴስድና፡፡ ^{20 21} ኦጎንታ ኮደን ዮር ሀካላ ጳቃዳ ዳይድና፣ ኤስን ኤልዛቤልሃም እንታ ባርያሳ አፓ ጌያና ሀንቴ ፓግይንም ያ ጎራድማሞ ኮም፤ ና ኤና እሳ ዋድማን ኤና ኬስዮሀ ሜሽን ናንቴ አንጳዶን ዳአኖን ኬእሴሀና ኬናንቴ ጌይቴ ኮሴካይ፡፡ ዋድማን ዩሳም ጋራንቴ እዛራ ኮማቴሀ ናንቴ ኮናንቴ ሮሮ እማኋ ና ማታንቴ ዛጋድማሞ፡፡ ²² አጋታሀ ኮዛራ ሀጅሞ ጌጵ ባአና እባአይ፣ ኤና ጎን ኮኖን ጫጋዳና ሴሶን ኮኖን አሽካን ዩጋርድምና ጋሎ ጌጵ ኬዛራ ዮስካና ኮዮስካይ ²³ ጎይን ኮኖን ጫጋንቴ ናሶ ኮሳ ማታዳም ዴሳና እዴሳይ፤ ናንሲ ባርዮን ኤና ፓይላ እንታ ኤድሳ ቃቦ ዎይላም ጋንትም እሳዶን እዶንም ጴስና ኬጴሳይ፣ ዮ ፓይ ናንቴ ዋድማና ዮአሽካደና ግያና ዮናንቴ እአሽካይ፡፡ ²⁴ ኮሳ ጎይን ጫጋድምና ሜሽንሳ ቃቦን ዛርቦን ቻድም፣ ፔን ትያጥሮን ግዶ ሽጰዳና ዩቲ እንታ ዮናንቴ ዮር አብ እጌያያ ቆልማሞ፣ ²⁵ ታ ዩቲ እሰ ናአዛራ ዮሬ ዮሀላ ዳናም ፃሊ ዮድማቴ፡፡ ²⁶ ዋቻጳንቴ ዳያ ናንቴቤ ዋድማን እሳም ቱንስንዛራ ዮስክሳያ ናንቴ ኤድን ፔሮ ዶን ዛራ ጌጵ ክዴሀ ሀያና እያያይ፣ ²⁷ ኖ ሀም ጌጳሞንካ ኬዛራ ክአሽካይ፣ አጋሀሞ ጌጰማ አባስ እናንቴ አጵዳ ግያ ሀማና፡፡ ²⁸ እንታሀሞ ብታሞን እማና እማይ ክናንቴ፡፡ ²⁹ ባርያስ አፓ ባርዮን ኦኖና ናንቴ እጌያይንም ቃሞሀዳ ክኤሳሬ፡፡