¹ ናንሲ ጌማርታ ፅዮን ዛራ ዎያዳ ኤና ናንቴ ማቻጳ የሱስም እንታ ሀፕድና ክማላ ኤና ናብን ክስቤ አንባ ናብንቤ ኬሳ ዎትሮ ፃፋጳና ማቶ ኦይዳታም ኦይድ ሺህ ና ዳይድና፡፡ ² ፓላባራ ኑንቆስ እርጎ ግያማ ሀማቤ ጳልቃት ግያሀማ እርጎ እንታ ኤሳርድና፣ እኤሳርዳ ዮ ኤና ቾንግን ጳይናሲ ኤልንቶ ግያ ሀማና፡፡ ³ ኬሀሞ ባርያሳ ብታሞን ቦኮቶንስ ዎትሮቤ ዳብና ኦይድናሳ ዎትሮቤ ኤና ጌጵናሳ ዎትሮ ዋርሳ ሀሊ ኬጳስድና፡፡ ኤና ባርያሳ ፔሮ ኤና ቻፓዳነ ኦይድታሞ ኦይድና ኤናሳ አባራ ዋርሳስም ኤድ አብ ጴሳን ቻለድማሞ፡፡ ⁴ ኤና ክ ሜና ማላ ዎጳድምናና ዩም ፃሊ ማንካ ዳናና፡፡ ኤና ናንቴ ማቻጳዳ የሱስ ዩያአይን ጎይን ውል ኬ ኪም ጫጋና ኬጫጋይ፣ ኬ ባርያሳቤ የሱስቤ ብራና ኬዴሀ ናንቴ ኤናሳ ባክሮ ካጳዳናና፡፡ ⁵ ኬ አፓሮ ፓጋሞ ጴላቅ ኡድማሞ፣ ዮር ዛርቦ ሀሞ ኬሳ ቆልማሞ፡፡ ⁶ ናንሲ ባርያሳ ኤርጎ ኤድ አብ ጳ ፓላሮ ኮልካ ክዩካ እንታ ሀፕድና፣ ኖ ኤና ፔሮ ዳና ኤድ ቢዛ ውልንቴ አፓን ኤድ ውል ጴላቃይን ናንቴ ፓይ ባርያስ አፓን ሜርሜርን ጳአሾን ጋይን ሀሊን በአንቴና ክዶ፡፡ ⁷ እለታንቴ ይጌይና ባርያም ኩትንጵማቴ ክናንቴ ጎሺ እቴ አጋሀሞ ሀርቴ ብቶ ክታሀይን ሮሮኖ ዮክድ ፓላንቤ ፔንቤም ሌኤንቤ ኑንቆን ራቅን ዎዳዳናንቴ ኮንፓርስማቴ " ሀምድና፡፡ ⁸ ባርያሳ ኤርጎን ኤያ ላንሳ ዋ ይጌይና ኤድን ፔሮ ዶንም ዩስ ዋጅማ ዛርቦን ሲዮናም ኤና ኬአሽኬሀ ሀያዶኖ ፔኖ ጌጶኖ ባቢሎን ድኒድና! ድኒድና!" ሀንቴ ዋም ጫግድና፡፡ ⁹ ማክንሳ ኤርጌ ኤያሀሞ ዩንታ ሀንቴ እላታዳቴ ኬም ጫግድና "ኤድ ሀውካሞ ዳብታ ወይ አንሮ ቻያ ሀይጳያ ኤያ፣ ¹⁰ ኤያ አጋ ባርያሳ ጳባሞዎት ኖን ካሎን ሮጳይሮና ክአታይ፡፡ ¹¹ ላይህ ኬአታይን ኖንስ ጩብኖ ዱል ዱል ሀንቴ ዞን ኡታና ኮኡታይ፡፡ ዳብታ ሜሽቤ አሽካጳናንቴ ኮንፓርሳዳና ናብን ክሳላ ዩንዛራ ዮዳና ሶትንቤ ሮሮንቤ ክሳ ኡሲቻ ቆልማሞ፡፡ ¹² ባርያሳ አፓንካ ኤኤ ሀማንቴ ዳናቤ የሱስ ናንቴሀሞ ጋዛ ማታንቴ ዋቻጳይና ባርዮን ኤናም ጴሳ ጳኖ ኮሳ ካሀና፡፡ ¹³ ናሲ እግያ "ታ ናንሲ ባርያሀ ኤና ዳንቴ ጃይ እግና ጎሻጳና ና" ሀማንቴ ፃፍማ "ሀማያ አፓ እንታ ኤሳርድና፡፡ ባርያሳ ኡስኖ ጋዛኖ ይጌይና "ዩኒ ዋድማ ኬአሽካዳና ኬምና ኬጫጋይ ዩ ቃጆንባራ ኡሲ ቻናኬቻይ" ዩንታና ክያማይ፡፡ ¹⁴ እሼድና እሳ ዎትሮ ሉፕ ጫውሊ ዳድና ባርያ ናሳ ሉፓ ዛራ ደርቃንቴና ክዶ ኖሀሞ ዩዛራ ዌርቄን ሀያንቴና ክዶ አናሮሀሞ ዩሳ ሀልፓ ጫሪ ዮዳንቴና ክዶ፡፡ ¹⁵ ባርያሳ ኤርጎ ኤድ ካላ ባርዩን ኦኖንባራ ኡታንቴ ሎፓሮ ዳርቅድና፣ ይጌይና ፓትኖ ኮዮስ ኮዶንታሀ ኞፓኛን ቻንቴ ፔሮ እስንንሳ ፓትን ፓትማ "ሀንቴ እለትድና፡፡ ¹⁶ አጋታሀ ናንሲ ሉፓሮ ዳርቃዳ ኤርጎን ኤያ ኛፓኟን ፔን ዛራ ንዕስድና ዮራ ፔሮ ዳ ፓትምድና፡፡ ¹⁷ ፕር ባርያሳ ኤርጎ ኤድ ካላ ጳ ባርያሳ ኦኖሮሀ ኡትድና ኖሀሞ አጋንታ ኛፓኟ ጫርካና ክዶ፣ ¹⁸ ኖንዛራ ጌጵስጳ ኤርጎን ኤያ ዋ ባርዩን ዩንዛራ ምስካጳይን ዮርን ባራሀ ኡታንቴ ኤያ ኛፓኟን ጨርንካዳ ግያ ይጌይና " ሀቃን ወይንን አፕኖ ኮኡሻዶንተሀ ኘፓኟን ሀሳም ቻንቴ ፔሮ ዶን ሀቃን ወይንን አፕን ታሀቴ ፑኡሽማ ሀንቴ እለትድና፡፡ ¹⁹ ባርያሳ ኤርጎን ኤያሀሞ ነፓኝን ፔን ዛራ ዩዕስድና፣ ፔሮ ዳና ወይንን አኝናም ፑኡሽንቴ አኘን ቱርጳጳይሮ ካይድና፡፡ ²⁰ ወይንን አኝሮ ሞሮንሳ ቡዶሮ ወይንን ቱር ጳጳይን ቆሬሮ ቱር ጳጵና ዞን ሶሳ ፓር ዳላባልኪና ኮዶ ኮሳ ጰፃሞንሳ ጉድጳሞኖ ዮክንሶኖ መቶ ማካ ዮድንሳ ማአሲ ፆፅድና፡፡