አፓ 22

1 ናንሲ ባርያሳ ኤርጎ ኤያ ኑንቆን ጫቃል ሀሞን ሼዳያን ግያ ዶን ባርያ ባራቤ እያታ የሱስሳ ጌጳሞን ራቀን ባራ ኮውንስምካ አናንቴ ጳውድና፣ 2 ሌኤኖ ባይኖ ፔን ሞሮን ኦጎሳ ኮሳ ጎን ጌጶን ጳልንዛራና ኮውንስማይ፡፡ ሌኤን ኑንቆን ውንስማይ ኦጎሳ ኮሳ ዋርካታ ባራቤ ምዛቅ ባራቤ አርፒና አርፒና ግዶር ታጵ ለማግያ አፒ ካያ ጳአሾ ሀቃ ዳይድና፣ ሀቃስሳ ቃልጶና ኤድንሳ ዩንካ ባሻጳይኖና፡፡ 3 ታ ናንሲ ካሀ ቻንቴ ዮርዛርቦ ኦታ ሾልካሞ ዳማሞ ባርያቤ እያታቤሳ ዴንታኖ ፔን ኦጎሳ ኢርና ኮይ፣ ኤና ክስ የደማን ኤና ክናንቴ ጎሺ እማናኬአማይ፣ 4 ክስ ዎትን ሀፓና ኬያፓይ ናብኖ ክሳ ኬሳ ዎትሮና ኮዳይ፡፡ 5 ታ ናንሲ ካሀ ቻንቴ ሶቲ ዳማሞ፣ ጌጳ ባርያ ኖ ማታናንቴ ኬናንቴ ክሮጳይን ታሀ ኖ ሮጳያ ወይ ሀዩ ዛግስማሞ፣ ኬ ላይህ ላይህ ቱንሲ ቶልማዛራ ላይህ ዳና ኬደይ፡፡ 6 ባርያሳ ኤርጎን ኤያሀሞ እግያ "አፓና ክና ጋዛናቤ ጎንጴናቤና፡፡ ኬናንቴ አፓን ጌያያ ጌጳ ባርያ ዮራ ዩሪካ ሀማናንቴ ዳም ዩሳ ዋድማን ኤናናንቴ ክጳዌሀ ናንቴ ዩሳ ኤርጎን ኤያም ዩእስድና" ሀምድና እግያ፡፡ የሱስ ናኣና ከናአይ 7 "ታ እንታ ዩሪካ ናአና እናአይ ዋርቃታ ኪሳ አፓን ጴላቅንካ ኤያ ዳያ አጋ ጎሺጳና፡፡" ዮራ ክናም ኤሳርዳቤ ሀፓዳቤ አንታ ዮሐንስና፡፡ ዮራ እግናም "እንታ ኤሳራንቴ ቤ ሀፓንቴቤ ዮራ እግናም እናንቴ ጳዋዳ ባርያስ ኤርጎን ኤያ ናንቴ ኮንፓርሳንቴ እንታ ክሳ ራሮ ጳርድፅድና፣ 8 9 ኖ ይጌይና እግያ "ጋርማ ይንታ ሀይናኖ እንታ ሀቤ ሀናናቤ ባሳቤ ባርያስ አፓን ጌያይና ማለቤ ዋርቃታ ካሳ አፓን ጴላቀንሳ ዳና ኤና ማላ ዋድማ ኤድ እንታ ባርያ ናንቴ ኮንፓርስማ" እግያ ሀምድና፡፡ 10 እግያ ፕር ይንታ ሀምድና "ሮሮኖ ኮዮካ ዶንተሀ ዋርቃታካሳ አፓን ጴላቅን ኤና ናንቴ ሀኣችናኖ፣ 11 ኤያ ጋሮን አሽካያ ኦጎሀ አጋንታ ክዋድሜ፣ ኤያ ሴሶን ኤያ ሴሶን ዩስም አሽክቴ ክዴ፣ ጋዛስካም ዩሳ ጋዛሞንካ ክዴ፣ ባርዮን ኤያሀሞ አጋንታ ላይህ ክዴ፡፡" 12 " ታእንታ ዩሪካ ናአና እናአይ ባዛኖ እካላና ኮዶ፣ ኤና ውል ናንቴ ኬስ ዋድማን ዛራ ክናንቴ በዛን ካሽና እስሻይ፡፡ 13 ካርስሮ ዳቤ ቱንስሮ ዳቤ ብራሮ ዳቤ ራስሮ ዳቤ ካርሳስቤ ቱንሳስቤ እንታና፡፡ 14 ጳቆን ሀቃስ ዛራ ዮስካናንቴቤ ሞሮን አጎስ ሙልጳፓንካ ሞሮን ዛራ አርዳ ናንቴ ኤና ዩሳ አፓላናም ጩባይና እግና ጎሻጳናና፡፡ 15 ኤና አንጌና አንጌና ማላ ዎጳይና፣ አሽኮን ኤና፣ ኤና ፓጋሞን ኤና ፓጋሞን ነሽይና ውል ጳሎ ዳይድና፡፡ 16 እንታ የሱስ አፓና ክናም ክጌዮሀናንቴ እሳ ኤርጎን ኤያም እንታ ባርዩና፡፡ ኦኖና ናንቴ "ዩእስድና፡፡ እንታ ዳዊት ጫጭን ጋንትቤ ክሳ ቢዛ ኤድና ኤዝን ሶፅማ አፓ ሮጳያና እንታ 17 ባርያሳ ኡስን ጋዛንቤ ክሳ ኡታንቤ "ንማ" ይንታና ኬያማይ ኤያ ኤሳራይ "ንማ" ክያሜ ኤያ ባሀርጵድ ሀሞ ክኔኤ ዛጋይና ኤና ውል ሳዳን ኑንቆን ሱን ክውጩ፡፡ 18 ዋር ካሳ አፓንካ ኤያ ዳሳ አንታ ክስ ማኚ ማታና እማታይ፣ ኤድ ሀውካ አፓና ክናዛራ ጴላቅ አብ ዩንቲ ክዎድ ዮራ ካይሶን ጋይ ዋርቃትሮ ኡካጳና ዳና እግናሀ ባርያ ክዛራ ካይስ ባአና ክባአይ፣ 19 ኤድ ሀውካሞ አፓና ዋርቃሮ ዳና ግዶካዮር ሾሊ ኬግዶ "ክጆግሽና፣ ኤያ አጋም ባርያ ጳቆን ሀቃስቤ ባራቤ ፔን ጋዛሮሀቤ ኪም ጆግሽነ ክጆግሻይ፡፡ 20 21 አፓና ክም ኤያ ግያያ "ዩኒ፣ እንታ ዩሪ ናኣናእናአይ" ሀማንቴና ክጌያይ ይንታና ክያማዶ፡፡ አሜን ጌጰ የሱስዮንማ፡፡ ጌጰ የሱስሳ ኬልሾኖ ባርያሳ ዛርስን ማላ ኮዴ፣ አሜን፡፡