¹ 1. ክርስቶስ የሱስሳ ዋድማን ኤና ጳውሎስቤ፣ ጢሞቴዎስቤ፣ ባሪዬን ኦኖን ባራንካ ኤጴስቆጰሳትናቤ፣ ባሪዬን ኦኖሳ ዋድማን ኤና ላማ ክንካ ማታንት ፊልጵስዩስ ግዶር ደናተ ክርስቴስ የሱስሳ ገዛና ኤናናተ ፓይላ፣ ² 2. አላ ወንታ ባራንካቤ ገጵ የሱስ ክርስቶስሳ ናሽማቤ ዋዘንቤ የናተ ኮዴ፡፡ ³ 3. የምካም እቃባን ዋደን ገጵሚና እምስካይ (አጐሻይ) የፋይል ውልናተ ሀማንተ ሮሮ ውሊ እምስክና ዋዘካና እምስካዊ፣ ⁴ 4. ⁵ 5. አናካ ካርሳንተ ካውሊ ካዛራ ወንጌልን ዋድማስ ኤድ ማትድና ይት፡፡ ⁶ 6. ግደሮጐ የስካሞ ዋድማን ካሪስዶ አጋ ላይ ክርስቶስ የሱስሳ ኖራዛራ ገዛንካ ክየስክሳይንካሞ ልክና እንታ፡፡ ⁷ 7. ይት ወይላምካ የሳቃብድና፣ የውሊናተ ፓይላ አቃባይንም ልክና፣ ጵክን አኖሮካሞ ይሀንተ ወነገልካ ሀማንተ እስንትጵኮ ይት ፓይላ እለማ ክንካ ባሪያስ ናሽማንካ ኤድ ማትድና (ባሪያሳ ናሽማንም ሀፓድና) ⁸ 8. ናሽማካ ክርስቶስ የሱስሳ የፓይላ ውሊካሞ ሀምንተ እናሽይንም ባሪያ እሳካሞ ማኝና፡፡ ⁹ 9. ናሽማንም የሳ ወይላምባሪካ ቡላተቤ ቃበካ ፓይላ ጠግንተ የካለንካ ኮሰኔካናተና እምሳካይ፡፡ ¹⁰ 10. ኦጐኖካሞ ፓይላ የሪው ሊሳ ባሺሚ እይንተ የጵስካናተና፣ ሮራ ክርስቶስ ጋንታሳ የስከዘራ ጫሪግብ ሴሶ ቆልማ የዴካናተና፡፡ ¹¹ 11. ባሪያሳ ገጵንታቤ፣ ጐሼህቤ ናሳ ክሳ የሱስ ክርስቶስ ባራንካ ሀፓጵይ ገዘሞን ጐይንካ የጠፅካናተና፡፡ ¹² 12. ታኮ እናናናቶ እም የስካይ የሪባራንካ ወንገልኖካ ኮጌጵይን የጵስካናተ እንታ ናሽና እናሸይ፡፡ ¹³ 13. ዋይን ኦጐካ ካሪሳንተ ጵከኖካሞ የሱስ ክርስቶስ ጋንተ ኮይንካሞ ባሪዬን ኦኖሳ ውርድያናቤ ፓይላ ኤና ውሊ ባራንካ ጵስጵድና፡፡ ¹⁴ 14. እጵካጵዶን ጐይንካ ሀማንተ ገጵካ ይሀና እናናና ካሳ ዋን ባሪያሳ አፎንም ኩርታም፣ ቆልማቤ፣ ወይላም ታክም ጵላቃናተ ካንታ ሀፍድና፡፡ ¹⁵ 15. ዋን ኬሳካም አግርማካቤ፣ ዋድማን ዘርቦንካ ሀማንቴ፣ ኮይን ዋንካሞ ዋድማን ዛንካ ሀማንቴ ገጵ ጐይንም ና ኤና ናት ክተማርሳይ፡፡ ¹⁶ 16. ከካሞ እንተ ኮታር ወገልንካ ማይሻሚተ እዶንም አጵሳዶን ታካ ናሽማካና ካዋድማይ፣ ¹⁷ 17. ኮደን እግናካሞ ጵክን ኦኖሮጐ እደካ ግሎንም እዛራ ጌጵሳናተና ከቃባዶ ጋዛሞን ጋራንተ ቃቦ ይሳናተ ሀማተና ክርስቶስሳ ጐይንም ከታማሪሳይ፡፡ ¹⁸ 18. ታሀ ገሎኖካሞ ሀርዛራተ? ጐያ ልካ ገዛሞካሀ ኮደሀ ናካሞ ቃባ ቃባ የሪ ውሊሳ ባሽ ክርስቶስሳ ጵላቅም ታማርሳና ኦጐንታ ኮደሀና ፃሊና፡፡ ልክና ፃሊና እናተ፡፡ ¹⁹ 19. እዛራን የስካዶሀ የራ ሚስኮን የሳ ሀማንተቤ የሱስ ክርስቶሳ ካንታንሳ እንጵይን ካልሻካ ፋሻናተ (ጵቃናተ) እዶኖንካሞ እንተ ጵካድና፡፡ ²⁰ 20. ጐይ ሀሞንታ ይሀካካሞ ኩርትጵን እጋሬካናተ ቃቦ ዊችቤ፣ እሳ ይድና፣ ኮዶንካሞ አና ብራሳግያ ፓይላ ታካሞ ሳይሀንካ ደሀንተ ጀይሀ ክርስቶስ ግያዋን እስካ እጌጵጵ ካንታ ዊች እሳ ዶሀና ኮዶሀይ፡፡ ²¹ 21. እናንተ እዶይኖ ይንታኖ ክርስቶስ ናተና ጰጵኖ እስካሞ ጵቆኖ እካካሞ ጵቆኖ እስካሞ ክናተና፡፡ ²² 22. ክካፓደሀና ዊ እስካ ቱንስሮጐ የሪ ፃሊ ደሀና ኮይሀይ ኮዶንካሞ እማርግያ የራካሞ እንታ ጵስማሞ፤ ²³ 23. የሪ ለማና እግናምና እቃባይ የአናተ ክርስቶስላማ ክንካካሞ ኮደንካሞ ናሻና እናሻይ ኦጐኖካሞ እንተ ገጵ ጵሊና፡፡ ²⁴ 24. ዋንካ እይሀይኖ ኮደካሞ የናተካሞ ዝስካና ኮዘስካይ፡፡ ²⁵ 25. አጐካም ቃቦካ፣ እምነትካ የዋድሜካናተቤ የዋዝጵካናተ ፓይላ የውሊካላ፣ እስፓንቤ እደንቤም ጵሳና የጰሳይ፡፡ ²⁶ 26. ኜርካሞ ናዴ የላማ ክንካ እደን ዋደንካ እንካ ሀማንተ የሱስ ክርስቶስ ለማ ይኖ የሳ ዋዛኖ ጦጣና ኮጠጣይ፡፡ ²⁷ 27. የሱስ ክርሰቶስሳ አፎንሳ ገይጵደሀ ጐያካ ዶሀማተ፣ ኦጐንታ ኮይሀና ናዴ እሻደደሀና ወይካሞ ፋጌ ደሀንተ ይስካሞ የሪም እኤሳሪና፣ ባሪያሳ አፎንካ ኤድ ካላ ማትድና ይት ዎቻጵንተ ካንታ ካላካ የወያይንካሞ እንታ ጵስድና፡፡ ²⁸ 28. ሀምንተ ኮደሀናካሞ ኤና የም ናሽሚናናተ ሀማንተ የሻዉክምንናኖ፣ ኦጐኖካሞ ኬኤ ይካያን ታካ፣ ኮደን ይትካሞ የጵቃይን ታካ ባሪያባራንካ እንጵደሀ ምልክትና፡፡ ²⁹ 29. የሱስ ክርስቶስም የጐሼሻካ ስጐትማሞ ክንካ ሀማንተካሞ ጋሎንም እቸካናተና ናሽማን ኦጐካሞ ክዕማዶ እናተ፡፡ ³⁰ 30. ብራንተ ብራንተ ያፓዶግያ ታካሞ እንካ ክይንም የኤሳሪያ ጐያ አጋካ ዋቻጵንተ ይትካሞ ሳግተና የዶ፡፡