1 1. ባሪያ ሳቤ ጌጳ የሱስ ክርስቶስሳ ዋድማ ኤድ ማታዳ ያዕቆብ፣ ኤና ፃር ሀማንቴ ዳና ቢዛና ታጵና ላማና ናንቴ፣ ፃላሞ ዬናንቴ ኮዴ፡፡ 2 2. እና ናናቶ ጋሎ አብ አብ ዬዛራ ኮዬስክና ዋዛ ጌጵ ግያ ፓይድማቴ፣ 3 3. አጋሀሞ ባሪያሀ ሀማንቴ ጋሎ ዬዛራ ኮዬስካይኖ ዬናንቴ ዋዎምን ኮእማይን ዩቲ ጴስድና፡፡ 4 4. ዬር ሾልካሞ ዬሳ ጆጋን ኮጋሬሀ ጫንቀል ዬማቴሀ ናንቴ ዬር ዶንሼ ዮራንቴ ኮዴ፡፡ 5 5. ዬግዶር ኤያ ዬርን ጴስማ ዩዳና ጌዝን ጌይማ ውልናንቴ እማያ ባሪያም ክምሥኬ እናንተሀም እማና ክእማይ፡፡ 6 6. ኦጐንታ ኮደን ቃጋጵማ ጐንጴሀ ክምስኬ፣ አጋ ሀርቴ ኤያ ቃጋጳያ ግባርዮሀ ኤድ ሾውማያቤ ቱልማይግያና፡፡ 7 7. ኤያ አጋ ባሪያ ሀላ ዬር ካላ ሀፓና እያፓይ ሀማንቴ ቃባ ክጋሬ፣ 8 8. ኖ ቀቦ ላማሀ ዬድማዳቤ ጐይህ ላማ ግደር አድ ዳኛ፡፡ 9 11 9. ኤያ ዩርክ ሀማዳ ጴግ ዩማዶንካ ክዋዝንጴ፡፡ 10 10. ኤያ ዎድማሀሞ ኩጽ ዩማታዶንካ ክየዝንጳ ኦጐኖ ሀቃሳ ኡሽሚ ግየና ኮትሪካይ፡፡ 11. ሀዮኖ ኡታንቴ ኦዶጳንቴ ሾቆን ሶቃና ኮኮቃይ ኡሽምኖሀም ትርካና ኮትርካይ፣ ፃላሞኖሀሞ ካያና ኮካያይ፡፡ 12 12. ጋሎንሳ ኤያ ዋቻጳያ አጋ ጐሻጳና አጋ ሀርቴ ጋሎን ክባሽና ባሪያ ኤና ዩናሻይናናንቴ ቃቦ ዩእበዳም ሳዳን ጳቆንሳ ጐሺ ሀፓና ክያፓይ፡፡ 13 13. ኤድ ሀውካሞ ባሪየ ኢም ጋሎንሽድና ሀማን ክጋሬ አጋ ሀርቴ ባሪያ ዬር ዛሪቦሀ ኤድመ ጋልንሻማሞ ኖ ኤድ ሀንጳየ ዛራ ጋሎ ባአማሞ፣ 14 14. ኤና ፓይላ ዩዛራ ዬርን ዛርቦን ኬባአይኖ ቃቦን ዛርቦን ዩኖንካና፡፡ 15 15. ቃቦኖ ዛርቦኖ ዩጌጰጰና ናንሴ ሴሶንና ኮአጳይ ሴሶኖሀሞ ዩጌጳጵና ናንሲ ዴንጵንና ኮኣጳዶ፡፡ 16 16. እና ናና ናሽጳና ዬጳብ ምናኖ፡፡ 17 17. እምንቶ ባሽቤ ዎድማሞ ጫንቃለ ሀማ ፓይላ ጳባራ ፓላንባራ ባርየ ባራና ኮናአጆ ኖ ዬራ እግና ጋንታ ዳንቴ ካያያ ትማሞ ኖ ላይና ክጃይ፡፡ 18 18. ዬርን ፔሮ ዎዳ ጰንሳ ብራ ዎዴሀ ናንቴ ቅቦን ዩኖንሳ አፓን ገጴላቅን ጐንጴንካ ዎም አጵድና፡፡ 19 19. ናሻጳና እና ናናቶ ዬራ ካም ቃብማቴ ኤድ ፓይላ ዬርም ኤሳራናንቴ ኮደ፣ ጴላቃናንቴ ዩሪ ዋጭማ ክደ፡፡ 20 20. ኤድሳ ዋጭ ባሪየሳ ዬርን ፃልም ሼድሽማሞ፣ 21 21. አጋታሀ ዬርን ሲስንቤ ዛርቦን ዶንም ማራንቴ ሳዳን ዬሳም ጳአሻያም ዬሳ እሮዳምካሞ ጴላቃምዎዳ ጳም ፃሊካ ችማቴ፡፡ 22 22. ባሪያሳ አፖን ጴላቅን ዩጌያንግየ ዳማቴ አሳራይና ሶጐ ዬዳናሃ ዬም ዬታይስናኖ፡፡ 23 23. ባሪያሳ ጴላቅን ኤሳራንቴ ዩኤሳርይንካ ዳማ ኤያ ዩም ሻዳያሀ ሼዳያ ኤድግያና ክደ፡፡ 24 24. ዩምካሞ ሼዳንቴና ክያአይ አጋዛራየም ሀርግያ ዩይንም ዋላና ክዋላይ፣ 25 25. አጐንታ ኮዶን ጴላቅን ፓሽሻይንም አያ ዬዳንቴ ዳያ ኤያ አጎ ዩንካ ዳያቤ ዋልማቤ ኤያ ዋድማንካ ዩሳ ጐሻጳና ክዳይ፡፡ 26 26. አፖን ዩሳም ፓጋሞ ባራ ማርማርማ ዩሳ ፓግማይ እንታ ባሪዮ ኤድና ሀማያ ኤያ ቶምና ክታዶሳይ ባሪዮ ኤድ ዩማታይኖ ክሳ ሱኒና፡፡ 27 27. ባሪያሳ ናሻጳያ ጐያ ፃላ ካና ናና ቃጵናቤ ሜና ዳልሶናቤመ ክሳ ጋሎንሳ ኬልሻቤ ዋድማ ዛርቦ ባራ ሀዎን ማራና፡፡