ክልማስ ቱንሳ ¹ ክሞካሞ ክሳ አንደናስግያ ናሽማቴ ² ቾችናም ቾቻን የዋልናኖ ኤና ዋንካሞ ኦጎንታ ይያያደንካ ባርያሳ ኤርጎን ኤና ጴስማ ቾችድና፡፡ ³ ጳክን ኦኖን ደናሞ ከለማ ክንካ ጳካጳደግያ ማታንቴ ቃብማቴ ኤናሳ አንሮጎ ደሀንቴ ጋልቴን ዳናናንቴካሞ የትህ ካ ጋልቴ የደግያ ሀያንቴ ቃብማቴ፡፡ ⁴ ክሞንቶዋ ሁልካለ ጎብንታ ኮዴ ወጴንታኖካ ጫንቃል ኮደ አጋካሞ ባሪያ ኤና ቡሎናቤ ኤና ራቅ ውል ግደር ሀፋጳ ናንቴቤ ዛጋይና ዛራ ብቶን ጋካኔ ክታካይ፡፡ ⁵ ብሬን ናሻማሮካ የምማን ከማቴ ኮይና የሳ ደናካ ካሞ ዋዝጲማቴ አጋካ ባሪያ ሀሞ ካካሞ ጋርማሞ ካለካሞ ጳብማሞ ክያማደንታካ፡፡ ⁶ አጋታካ ወይላሞ ካለካ ጌጳ እሳ ኬልሾ ኤድና እንታ ኩትንጴማሞ ኤድ እሞ ሀሳ ኳዮና ወያማይ፡፡ ⁷ ባሪያሳ ጴላቅንሳ ጌጵጳደኖ ኤና የሳ ጌጲናሞ ቃብማቴ ከሳ ደንታንሳ ጎን ሽድማቴ ከግያካሞ ዋች ደሀማቴ፡፡ ⁸ የሱ ክርስቶስ ናሞ ሀልታለካ ለይ እካንታና፡፡ ⁹ ተማሪርና ዋና ዋናና ሀልናሞ ካሞ የችኖ ወለሞኖ የሳ ኮዋቻጳይኖ ክሳ ኬልሾካና ደአኖንሳ ደንብንሞ ጴግ ሀያንንቴ ሼደካትህማሞ ደንብን ኦጎሞ ኤና ዋች ሽንቴ ሼደደናካሞ ራቅ ኬየስካደ ቆልማሞ፡፡ ¹⁰ ዱንካንሳ ካሞ እሮጎ ኤና ዋድማይና ይንግደርካሞ እሳን ከጋሬ ካናቴ እማጳድ መሳወያ ደይድና፡፡ ¹¹ ኤና ካይና ትህናሳካሞ ጋር ሴሶንሞ ሽእሻናንቴ ደብናሳ ማአስን የደንቴ ራቅን ገዛንሳካሞ ጋዛንራ አሪደኔ ከአሪደይ ኮደን ደብናሳ ዋንም ራቅን ኦጎሳ ጳል ባራኔ ኮቃጳይ፡፡ ¹² ሀያንቴ ካሞ የሱስ ማአስን ይኖንካ ሀማንቴ ዘርስንም ጫራግሻናንቴ ከታማንሳ ሙልጳፎን ጳሎጎ ጋሎንም ጋልድና፡፡ ¹³ አጋታካ ወትህካሞ ኖ ክባስክሳደን ጋሔንም ባስክሳንቴ ከተማንሳ ጻልባራ ክዛራ አኔኤ፡፡ ¹⁴ አጋ ካሞ ኦጎታሪ ከተማ ላይ ወያንቴ ደሀያ ቆልማሞ ዶደንካሞ ብራዛራ ከተማን ናአናንቴን ደንሞ ካሀለኔ ወካላይ፡፡ ¹⁵ አጋታካ ሮሮ ውል ገሽን ክናንቴ ወእሜ አጎኖ ካሞ ክሳ ናብንቴ ማኛሞን ወያደን አሳ አፎንሳ ኡሽሞን የሱስ ካ ሀማንቴ ባሪያናንቴ ወእሜ፡፡ ¹⁶ ሀያንቴካሞ ክናንቴ ፃል ሀያንቤ የሳደና ክናንቴ የካሽንቤም የውልና ባርያሞ ዋዝንሳይኖ ደንታኖ አጎግያሞኖና፡፡ ¹⁷ የሳኤና ጋሪ ናናንቴ ካ ኤሳሪማቴ ጎያ ኬጌያያሞ ካሞ ጫግማቴ አጋካሞ ኬም የሪ ኦይስሳያ ኮደንታካ ሳደን የኖን ናንቴ ሀማንቴና ከዋድማይ አጋታካ ዋድማን የሳም ኤፈካ ጋራንቴ ዋዘካ አሽካናንቴ ከናቴ ኤሳሪማቴ አጎንታ የያያድሞና የናንቴ ፃል ደሀማሞ፡፡ ^{18 19} 18 ሀያንቴ ካሞ ወናንቴ ሞስክማቴ፡፡ ጎይ ውልካ ደንታ ፃል ደሀናንቴ ወዘጋይንሞ ቃቦ ጫንቃለማካ ወደኖ ማይና፡፡ ጌጴካ የራ ማታቴ እኔ ኤካናቴ እናንቴ የምስኬ ካናቴ እንታ የም ኤልቅምድና፡፡ ²⁰ ማአስን ይሳ ለየን ደንካ እያናሳ ግሽሞን ኤያ ጌጳ ወሳ የሱስም ዴንጲን ባራካ ጳሳደ ፃለሞን ጌጳ ²¹ ይዘጋደናሞ ወናንቴ ክያቶካናቴ የሪ ፃልን ውልካየም ሼሽካና ክሴሽካይ፡፡ ክሞ ዋዝንዛይንሞ ካሞ የሱስ ክርስቶስካ ወናንቴ ክያይ ክናንቴካ ጎሽኖ ለይ ኮዴ ኤኤ ኮ፡፡ ²² እና ናናቶ አፓ የናንቴ እይእሳዶ ፂድ ክደንታካ እሳ ክልማን ጴላቅንሞ የቼካናንቴ እንታ የም ኤልቅምድና፡፡ ²³ ወንደን ናሳ ጤሞቴዎስ ጳክንባራካ ቡልጳደንሞ የጴስካናንቴ ዘጋኔ እዘጋይ ይርካ ክናአዳና ክለማ ክንካ የም ሼደታ ናኣኔ እና አይ፡፡ ²⁴ የሳ ጋሪና ውልሳ ባሪዮን ኤና ካሞ ውልሳ ዎፎ ችማቴ፡፡ ጣልያንባራ ና አደናሳካሞ ዎፎ ችማቴ፡፡ ²⁵ ናሽማኖ ክሻ ዋውል ለማ ክንካ ኮዴ፡፡