1 እና ናናቶ ኤድ ካላ ሴሶ ክአሽክካ ሀፈጳደና የትህ ኡስን ይንዛራን ይደናካ ክሞ ገዛሞካ ማስንቶና ኮዛግሳይ፡፡ ኮደን ካሞ የምካሞ ታይሳን ጋሬጳካናንቴ ፓካልጲማቴ፡፡ 2 ኤድ ካላ ኤያ ዋሳ ባስኮን ክበስክሴ ጎያ አጋካካሞ የሱስ ክርስቶስ ደንብንና የጌጴሳይ፡፡ 3 ኤድ ካላየሪ ካለካሞ ሀይማ ይም ጌጵ ሀያንቴ ይሼደያደና ይም ይጳር ማሳቴና ክላይሳይ፡፡ 4 ኤና ፓይለ ውል ዋድማን ይሳሞ ማሳንቴ ኬሽዴ ሀያንቴካሞ ኤና ዋን ለማ ይሞ ክየክንሴ እን ጎያ ይንካ ይሞ ጴግ ይያያ ደሞካሞ ሀፋኔ ክያፈይ፡፡ 5 ኤና ፓይለ ውል ባስኮን ይኖን ኬባስክሌ 6 ኤያ አፎን ታማራያ አስተማራ ለማ ክንካ የራ ፃልናሞ ውልሞ ሀፋኔ ክሀፋይ፡፡ 7 የታይጴናኖ ባሪያ ካፈስማሞ፡፡ ኤና ይጲያደና እግናሞ ኬፓታይ፡፡ 8 ዋንቤ ይሳ አግርማንቤ ዋዝንሳናንቴ ኤና ጲያደና ይሣ ዋንካ ላንካ ሴሶንና ካፓታይ ኮደን ኡስንም ዋዝንሳናንቴ ጲያደ ኡስንካለንካ ሣደን ለይን ደሀይንሞና ክፓታይ፡፡ 9 የራ ፃል አሽካናንቴ ካንታ ቃጀን ወጋሬ ካንታ ወቃጂድሚና ዋደኖ ኮየስክና ሀሚን ፓታኔ ወፓታይ፡፡ 10 አጋታካ ዋደ ከደና ኤና ውልናንቴ ጌጲካ የሱስ ለማን ክንካን ደና ናንቴ የሪ ፃል ወአሽኬ፡፡ 11 ፋደልና ጌጲ ጌጲና ክና ግያሞናካ እሣ እንካ የናንቴ ኡካ ናንቴን እሽዶ፡፡ 12 ኤና ፓልባራ ሶጎ ሽደጳናንቴ ዛጋይና ቃማን የታካጴ ካናንቴና ከጉቺንሾ ኦጎሞ ካሞ ይናንቴ ኮያያይኖ የሱስ ክርስቶስካ ሀማንቴ ኬም ይናንቴ ኮያያይኖ የሱስ ክርስቶስካ ሀማንቴ ኬሞ ኦይታንቴ ያያን ጋረጰየካናቴና፡፡ 13 ኬ ይሣ ዋንካ ካውል ጫንጋልና ኮደ ሀንጴካናቴና ቃማን የታካጴ ካናንቴ ከዘጋይ ኬ ቃማን ታካጳደናካ ደንብንም ፃል ሽድማሞ፡፡ 14 ኮደን ካ ፔንም እናንቴ ዝተጳሮካ ካሪሰንቴ እም ካሞ ፔን ናንቴ ዝታጳ ደሮካ ካርሳንቴ ጌጳ ዋሳ የሱስ ክርስቶስ ሀቃን ጋደንሳ አባራ ቃቦሮ ዋን እካለንካ ኮፔግንጴ፡፡ 15 ቃማን የታጳደና ካሞ ቃማን የታካጵድሞና ካሞ ዋጋ ቆልማ ዋጋንካ ደጰይኖ ኤድ ሀል ማታጳይኖና፡፡ 16 ኤፓ ካሞ ጫጋይ ውልናንቴ ባርያጋይና እስራኤል ናናንቴ ፃልንቤ ክሳ ገዛሞን ኮዴ፡፡ 17 እንታ የሱስም እሳ ዋንካ ካውል እባስክሳ ደንታካ ናንስ ካካ ካርሳንቴ ኤድ ካለካ እም ጋልንሽመሞ፡፡ 18 እና ናናቶ ጌጳ ዋሳ የሱ ክርስቶስሳ ናሽማኖ የሳ ኡስለማ ኮዴ፡፡