ኡኩንሳ 4

1 ጌጵናቶ ይትካም ፎላሮጎ ጌጵ የደግያ ጴሳጰ ደንታካ ዎድማን ኤና የሣካም ፃሊንካቤ ሊኪካ ሼድማቴ፡፡ 2 ጎሽናንቴካም ይካላ ደንቴ ዎቻጰንቴ ፃሊይማቴ፡፡ 3 እንታካም ጲኪ ኤድ ይናንቴ እማታደኖካም ኢየሱስ ክርስቶስሣ ምስጥርቴ ደን ሜርሜርንካም ጌያናንቴ እደንደየካናንቴ ባርያካም ቃሊን ይሣናንቴ ሙሊጰፎን ዎናንቴ ኩቡሌካናንቴ ዎናንቴካ ፃሊይማቴ፡፡ 4 ሐያንቴካም ጴለቃናንቴካም ዎደንዴየካናንቴ ቃሊንካ ሊኪካ ዎጌየካናንቴ ዎናንቴ ፃሊይማቴ፡፡ 5 ኤና አብንለማካም ኪንካ የኬራ ያድካም ማሊታምካ ኪካለ ያይማቴ የሐፋደና ሐምቴን ጌይጰደና ዕድናም ፋለውሊም ጠቅማቴ፡፡ 6 ኤድ ካለካላናንቴ ሐምንታ ኬናንቴ መሊስን የእማይናም የጴሴካናቴ ሐማንቴ ሐሣዎኖ ኬሣካም ሦቆግያ ኮደጨካናንቴ ሮሮውሊ ፀጋንካ ያሣጰኳ ኮዴ፡፡ 7 ተኪቆስ ግደር ይደንዴንታንካም ፋይለውሊ የናንቴ ጌያና ኬጌያይ ኖካም ሐርያ ነሽጲካሌቤ ዎድማ ኤድ ጋዘካለቤ ባርያሣ ሐሣዎንካካም ሐማንቴ እለማ ኪንካና ኪደ፡፡ 8 ይንግደር ዎደን ዴንታንካም የጴሴካናንቴ ሐማንቴ ወይለም ኬሣካም የሌንሴካናንቴ ሐሣዎስ አጋናንቴ የዛራይሣና እይሣይ ኬም፡፡ 9 ኖካ የሣ ኤደስግያ ገዛስቤ ናሽጰ ዎርያ ካአናሲምስ ለማ ኪንካ ናአና እናአዶ ኖካም ከታኪደንታካ ዴታና ፋይለ ጌያናኪጌያደ፡፡ 10 እለማ ኪንካ ጰካጰደ አርስጥሮከስና ባርናባስሣ ዎቻንናሣ ማርቆስ የሣ ሆፎቻይድና መርቆስሣ አፎኖ የካለ የስኪው አጋታካ የዛራ ኪንና ኪምቾቻማቴ፡፡ 11 ኢዮጦስ ሐንጰያ ኤያቤ ኢያስካም የሣሆፎ ቻናኬቻደ ታካጰደናሣካም ባኪ ባርያ አኖንናቴ እለማ ኪንካ አሽካያ እምካም ሌንሣይ ኬሦጎና ኬካም ዎም ሌንስድና፡፡ 12 የሣ ኤደስ ኢየሱስ ክርስቶስሣ ዎድማን ኤያ ኤጳፍራ የሣ ሆፎ ቻናኪጫይ ኖካም ፃሊዎቻጰንቴ ፋይለ የርውሊካም ሌማንቴ ባርያሣ ቃቦካ ዎቻጰንቴ ውሊግደር የዎፃካናንቴ ሮሮውሊካም የናንቴ ሐማንቴ ፀሊዶቴና ኪደ፡፡ 13 ሐያንቴ ካም ያናንቴ ሐማንቴ በሎደቅያቤ በአያራ ሐንጵና ምሮናግደርካም ኬደንታካ ዎቻጰንቴ አሽኪቴ ኬደንናም እንታካም ማኝና፡፡ 14 ናሽጰ ሐኪማ ሉቃስ ሐያንቴካም ዴማስካም የሣ ሆፎ ቻናኪቻደ፡፡ 15 15 በሎደቅያ ደናናንቴ ዎርያናትን ለንምፋን ናንቴካም አኖን ደሣግደር ደናቴካም ባርዩን አኖንሣካም ሆፎ ቻማቴ፡፡ 16 ሜራሜራ ኪናም ካም ኬናቴ ጌይጰኳ ቤሬ በሎደቅያ ግደረር ደን ባርዩን አኖን ናቴካም ጌጵ ጴካናንቴ ሐይማቴ ይትካም ፉር በሎደቅያ ግደር ደናንቴካም ጌይማቴ፡፡ 17 አክሪጳም ግያካም ዴጰካ ሐማንቴ ሐቻደንካም ዎድማን ካም ከሣ ቱንስንዘራ የስኪሣናቴካም ፃሊ ዎማ ሐንጲድና እግያ፡፡ 18 ጌሦን ኮምካም እንእሣካ ፃፋደ እንታ ጰውለስና እሣ ጰኪንምካም ሼድማቴ ፃሊኖካም የለማ ኪንካ ኮዴ፡፡