2

¹ ሮራ ዶጝታማ ባኣላ ክዬስካዶን ዋዳንካ ኬ ፓይላ ውል ክንካ ማታንቴ ራቅ ካላር ፑጫንቴና ኬዶ፤ ² ኬንሻዽማ ሳይሌ ጌጲግያ ናቅሲ ፖላንባራኻ ናዴ ይንግዶር ዳርቃንቴ ኬዶን ኦኖንም ኮዳዛራ ኢን ሉም ሃይዲና። ³ ዬር ኖሳ ብራግያ ዳኻሞ ኬናንቴ ሃፕንዽዲና፤ ፃር ሃማንቴኻሞ ኬውልዛራ ዳርቅዲና። ⁴ ኬ ፓይላ ውል ኡስን ጋዛንካ ማትዲና፤ ኡስኖ ጋዛኖ ኬዼላቄኻ ኬናንቴ ክእማዳግያ ኣፖ ¹ ኣብ ኣብካ ኬ ዼላቃን ካርስዲና።

⁵ ዋዳስ ኣጋኻ ቶርስና ፔን ጋላፕሮ ዳና ፓይላ ውል ግዶርካ ናኣዳና ባርያም ጫጋይና ኣይሁድ ኤና ኢየሩሳሌም ግዶርና ኬዶ። ⁶ ናቅሳ ኣጋም ኬ ይኤሳራና ዛርሲ ጱፅ ክዛራ ፑጫንቴ፣ ኬ ፓይላ ውል፣ ኤና ኣፖን ኬኖንካ ኬዼላቃይንም ይኤሳርዳኻ ኬናንቴ ዬር ዋና ማቲዲና፤ ⁷ ኬ ጌጲ ዬርሻንቴ ይንታና ኬያማዶ፦ “ክና ዼላቃይና ፓይላ ገሊላ ፔን ኤናሞ? ⁸ ታ ዎቲህ ፓይላ ውል ኣፖና ዎና ዎና ይንካ ዼላቃቴ ዎጌጳዳና ኣፖና ዎናኻ ኬዼላቅካ ዎኤሳራይኖ ሃሞንታ ኮዳዃቴ? ⁹ ዎቲህ ጳርቴ ኤና፣ ሜድ ኤና፣ ኢላሜጤም ኤና፤ ሃያንቴኻሞ ዎቲህ ኤና መስጴጦምያቤ፣ ይሁዳቤ፣ ቀጶዶቅያቤ፣ ጳንጦስቤ፣ እስያቤ፣ ¹⁰ ፍርግያቤ፣ ጵንፍልያቤ፣ ግብፅቤ፣ ሊብያ ፔሮ ቀሬናሳ ዴሞሮን ዳና ራቅና ግዶር ዳይናቤ፤ ዎቲህ ሮምባራ ናኣዳና፣ ¹¹ ኣይሁድ ኤናቤ፣ ኣይሁድ ማታዳና ኤናቤ፣ ቀርጤስቤ ኣራብ ፔን ኤናቤ ዳንቴ፤ ኤዲኖ ባርያሳ ዋድማን ጌጶንም ኣፖና ዎና ዎናኻ ኬዼላቃይንና ዎኤሳራይ።” ¹² ኬ ፓይላ ውል ዬርሽቴቤ ኬናንቴ ዬር ዋና ኮማታዃቤ፦ “ዬራ ካ ዬር ሃር ክዴ?” ክግያ ሃምዲና።

¹³ ኤና ዋኒካሞ ይጌይና፣ “ኬ ዎይን ዚኣ ሃሊ ጱፅ ² ውጭዲና” ሃማንቴ ኬዛራ ሃንጭዲና። ¹⁴ ዋዳ ኣጋኻ ጴጥሮስ ኤና ታጲ ካላና ላማ ክንካ ዻጳንቴ ዎይዲና፤ ናቅሲ ይሳምካሞ ዼግ ሃያንቴ ዛርስንናንቴ ይንታ ሃማንቴና ክጌያዶ፦ “ዬቲህ ይሁዳ ፔን ኤናቤ ኢየሩሳሌም ግዶር ዳና ፓይላ፣ ዬር ካላም ዼስማቴ፣ ፃሊ ሃያንቴኻሞ እናንቴ ኤሳርማቴ። ¹⁵ ዋዳኖ ኣኻራ ሳኣት ማካም ኮዶንታኻ፤ ዬቲህ ቃብቴ ዬዳግያ ኤና ክና ባርያዻድማሞ። ¹⁶ ኮዶን ኮኖ ኤያ ባርያሳ ኣፖን ጌያያ ኢዮኤልካ ይንታ ሃማንቴ ጌይዻዶኖና፦ ¹⁸ ዋዳ ኣጋኻ እሳ ዋድማን ኤና ኣንጌናቤ ሜናቤዛራ፤

ኡስን እሳም ካና እካይ፤

ኬኻሞ ባርያሳ ኣፖን ጌያና ኬጌያይ።

²⁰ ሮራ ጌጳ ጎሻዻዳ ጌጳ ጋንታ ኣኻራ ክኒማ ክሳ ብራሮ፣

ሃዮኖ ፅፓንዛራ ማታና ኮማታይ፣

ኣርፕኖኻሞ ማኣስግያ ማታና ኮማታይ።

²² “እስራኤል ኤናቶ፣ ኣፓ ካም ኤሳርማቴ፤ ዬቲህካሞ ዬባራኻ ዬዼሳዳግያ፣ ባርያ ዬሳ ባክሮ ዬራ ሃምማን ግያንዳናቤ፣ ዬራ ሃምማንቴ ዼስምናቤ፣ ዬራ ሃፓንቴ ዼሳዽምናቤም ክንካ ኣሽካንቴ ናዝሬት ጋንታ ኢየሱስናንቴ ማኚ ማቲዲና። ²³ ባርያ ኣና ይታኻዳግያቤ ዼስቶን ይሳ ኣናንጋይንቤኻ ኤያ ካም ሳስካንቴ ዬሳ ኣንሮ ዬናንቴ እምዲና፤ ዬቲህካሞ ኤና ዛርቦናሳ ኣንካ ዝቲሳንቴ ³ ኪም ዴስዲና። ²⁴ ኮዶን ባርያ ዴምጲንሳ ጋሎንባራ ቡላንቴ ኪም ዻስዲና፤ ዴምጲኖ ኪም ዬዳቴ ሺእሻናንቴ ቻላድማሞ። ²⁵ ዳዊትካሞ ዬር ክሳ ይንታ ሃማንቴ ጌይዲና፦

“ጌጳ እሳም ሮሮ ውል እሳ ዎትሮና እያፓይ፤ ኖ እሳ ምዛቅባራ ክዶንታኻ፣

እንታ ካላኻሞ ኩርትንዽማሞ።

²⁷ ሳዳን እሳም ያ ስኦልሮ ጋርማሞ፤

ኤያ ሃሳ ጫራጛም ክጫፔኻናንቴ ያ ሃይማሞ።

²⁹ “እና ናናቶ፣ ዎምባና ኣና ብራና ግዶር ዳዊት ክጃዃ ኪም ዱካዻዶንቤ ክሳ ዱክኖኻሞ ዎሳ ባክሮ ታ ካዛራ ኮዶንም ማይ ጌያናንቴ ቻላና እቻላይ። ³⁰ ኖ ኤዲ ባርያሳ ኣፖን ጌያያ ክዶንታኻ ባርያ ክሳ ብዛሮኻ ኤዲ ካላም ክሳ ብታሞን ቦርኮቶንዛራ ክዎዳይንም ኣሽንሻንቴ ኣፖ ክጌያዶንም ኖ ዼስዲና። ³¹ ኖ ዬራ ኣጋም ብርሳንቴ ይያፓዶንታኻ ስኦልሮኻ ክሽዽሞንም ክሳ ዋኖኻሞ ኮጫፕሞንም ክርስቶስሳ ⁴ ዴምጲንባራኻ ክዻጳይንም ጌይዲና። ³² ኢየሱስ ኣጋም ባርያ ዴምጲንባራኻ ዻስዲና፤ ዎቲህ ፓይላ ዬራ ኣጋሳ ማኚናና። ³³ ኣጋታኻ ኖ ባርያሳ ምዛቅባራ ጌጳዻንቴ፣ እማና እንዻይ ሃማንቴ ጌይዻዶን ኡስን ጋዛን ባርያ ዎምባ ካላንካ ቻንቴ ታ ዬራ ዬሼዳይናቤ ዬኤሳራይናቤም እምዲና። ³⁴ ዳዊት ፖላንዛራ ውታማድሞ፤

ኮዶን ኖ ይንታ ሃምዲና፦

“ ‘ጌጳ፣ ጌጳ እሳም፣

³⁶ ታ ናንሲ፣ ባርያ ዬቲ ካ ዬዚታዳ ኢየሱስም ጌጳኻሞ ክርስቶስካሞ ክሃያዶንም እስራኤል ኤዲኖ ፓይላ ኮዼሴ!”

³⁷ ዛርስኖኻሞ ዬራ እግናም ይኤሳርዶን ዋዳንካ ዎይላም ኬሳም ጌጲ ላኣስዲና፤ ጴጥሮስቤ ኤና ይእስዲና ዋኒቤግያ “ዎንዳና ናናቶ፣ ታ ሃር ዋዬ?” ና ኬያማዶ።

³⁸ ጴጥሮስካሞ ይንታና ኬግያ ክያማዶ፡- “ዬሳ ጎይን ዛርቦባራኻ ማትማቴ፤ ሴሶን ዬሳም ዬናንቴ ጋርዼኻናንቴ ዬቲህ ፓይላ ውል ዬዳዛራ ኢየሱስ ክርስቶስ ናብንካ ሻይዽማቴ፤ ኡስን ጋዛንሳ እምንቶንም ቻና ዬቻይ። ³⁹ ኣፓ ጌይዻዳ ዬናንቴቤ ዬሳ ናናናንቴቤ ሃያንቴኻሞ ጌጳ ዎሳ ባርያ ኤና ይዛራን ክግስማይና ፔጌን ዳናናንቴ ካውልና።”

⁴⁰ ዼላቅ ኣብ ጱፅካሞ ኬናንቴ ጌያንቴ “ሃርያን ቆሮን ኮሮኻ ዬም ዻኣሽማቴ” ሃማንቴ ኬም ክሊዲና። ⁴¹ ኤና ዼላቅን ጌይዻዶንም ቻዳናም ሻይዽዲና፤ ዋዳ ኣጋኻ ኤዲ ሺ ማካምግያማኻሞ ኬዛራ ሻብምዲና። ⁴² ኬኻሞ ኤና ይእስድናሳ ትምርትንካቤ ክንካ ፑጫንቴቤ ክንካ እꬅምቴቤ ባርያም ምስክቴ ዋቻዻንቴና ኬዶ። ⁴³ ኤና ይእስድናሳ ኣኒንካ ዬር ጱፅ ሃምማንቴ ዼስምማቤ ዬራ ሃምማን ግያንዳና ኬያማንታኻ፣ ኤዲኖ ፓይላ ውል ኩርታሞር ኣርድዲና። ⁴⁴ ኤና ኣምናዳኻሞ ፓይላ ክንካና ኬዶ፤ ዬራ ይሳ ዳናምካሞ ኬ ፓይላ ክዛራ ሃይዲና። ⁴⁵ ኬ ይሳ ዎድማሞንቤ ኮይና ይሳቤም ሻንሻንቴ ኤና ፓይላ ውልናንቴ ኬናንቴ ዛግሳይናግያ እምቴና ኬዶ። ⁴⁶ ሮሮ ውል ባርዮን ኦኖሮጎ ክንካ ኬርቴቤ፣ ይሳ ኦኖና ግዶር ክንካ ማታንቴ ባላሻን ቁንፃንቴ፣ ዳኣንና ይሳም ዋዛኻቤ ዎይላም ካላቤኻ እꬅምቴና ኬዶ። ⁴⁷ ባርያናንቴኻሞ ኬ ጎሺ እምቴ ዛርስን ፓይላ ውልሳ ዎትሮ ጎሻዽቴና ኬዶ፤ ጌጳኻሞ ኤና ዻቃይናም ሮሮ ውል ኬዛራ ሻብቴና ክዶ።