1 1. ታ ናንስ እምካሞ ክርስቶስስ ጋሎንሳ ማኝ እደካናንቴ ዘንዛናለማ ክንካ ጐሽን ብራን ዛራ ናአናንቴን ደንሳ ባክሮ ደሀናንቴ ዘንዛንም ክላኒ እክለይ፡፡ 2 2. ጌጳምን የኖንሳ ችባራን ደሀንም ባሪያ እያናም ፃል ሻድማቴ ግሽማኖ የሳ ባሪያሳ የካለንካ ካለጳያግ ያ ወድሳ ጋራንቴ ቃቦ የንትካ የሪ ካላ ሀፍናንቴ ጋራንቴ ዋድማናንቴ ቃቦ ገዛ ኮድ፡፡ 3 3. ሀያንቴ ካሞ እያና የዛራን ኢልቅን ጳዶን ካሞ ጐይ ገዛካ ኮደ ኬም ጋልንሾ ደን ኮጋሬ፡፡ 4 4. ግንሽምን ኤናሳ ጋራ ክአን ዋደንካ ጐሽን ቱንስን ቆልምንም ቻኔ የቻይ፡፡ 5 5. ባርሳና የትህካሞ ዞንዛናናንቴ ኤሳርማቴ ክም ፓይላ ውልቴ ናሽማቴ ፃላምን ችማቴ አጋካሞ ባሪያ ጋሮን አናም ናሽማሞ ኮዶን ኤና ለምናናንቴ ፃለምን እማኔ ክእማይ፡፡ 6 6. አጋተካ ባርያሳ ጌይጳይ ዋስሳካ የም ክጐሻክናንቴ ክሳ ቾባራ ደማቴ፡፡ 7 7. ኖ የናንቴ ክቃባንታካ የም ጋልንሻይናም ፓይላ ክዘራ ጳማቴ፡፡ 8 8. የምካሞ ማንክማቴ ሽክማቴ ጋልታ የሳ ሜሽ ዞቦ የሪንሳጳያ ዘግቴ እርጋያግያ ሸርቴና ክዶ፡፡ 9 9. የንዶን ናና ፔ አብ አብ ወደር ዶና ጋሎ ካለ ኮየስካይንም ጳሳንቴ ዋቻጳንቴ የካለንካ ፔግንስማቴ፡፡ 10 10. ክርስቶስ ካሽን ቱንስን ቆልምን ዛራ ግስንጳዶና ጳንቶን ውልሳ ጌጳ ኖይ ቶካናንቴ ጋሎን ዬለካኖ ይጳር ማስንቴ የም ኬል ሻንቴ ጳሳቴ ወይሳኔ ክወያሳይ፡፡ 11 11. ካንታኖካሞ ለይ ቱንስ ቆልማ ክናንቴ ኮዴ አሜን፡፡ 12 12. አድ ጋዛልና ሃያንቴ እሼዶያ እና ናሳ ሌ ዋስካ አንካ አፋ የናንቴ እንታ ይስስድና የናንቴ እይሳሳዶኖካሞ የም ክላናንቴቤ ኮኖ ባርያሳ ጴስንታኖ ጐንጴንባ ኮደንሳ ማኝ ደናንቴና ጰስንታን ኮካ ወቻጴማቴ፡፡ 13 13. ባብሎን ግዶር ዶኖ የለማ ክንካ ካንጳዶ ኖ የሳ ዌፎና ስቻይ ሀያንቴ ካም እናሳ ማርቆስ የሳፎና ክቻይ፡፡ 14 14. ናሻማካ ክም ጌስማቴ ክው ቶስካደና ውልናንቴ ፃል ኮዴ፡፡