1 1. ታናሲ ሴሶንምቤ ታይሶንምቤ ዘለምንቤ ቦውንታንቤ፣ ውፓቤም ፓይላ ጋርማቴ፤ 2 2. ጴቆንካ የኔጵካ ናተ ሀሊ ናሶ አጵጵይ ጫንቃል ሀማ ካንታ ራዕም ፉኪማቴ፡፡ 3 3. ገጵ ገዛ ክዶንካሞ ይትካሞ ሀፉድና፡፡ 4 4. ቦውጵድሀዘራ ኤድን ባራንካ ኮድን ባሪያባራንካ ካንጵደሀዘራ ጐሺህን ራቅን ላይን ዶያ ሳዶሐን ሱናዘራ ክድማተ፡፡ 5 5. ይትካሞ ፎሪ የሱስ ክርስቶስ ጐይንካ ባሪያም ዋዝሰይን ስይሀን ጳቆን ኮጐንም የመካናተ ጋዛና ካህናትና ማታናተ አጋንታ ሱና ለይን ይያግያ መንፈሳዊይን ኦኖን ማታናተ ዋድማተ፡፡ 6 6. ደንካሞ መጽሐፍን ጋዘሮጐ ይንታ ሀማንተና ጵፍጰድና፣ ያ ካንጰይቤ ጐሺህን ይሞን ሱናሚ ጽዮን ግደር ወይና እወያይ ክካካሞ አምናይና ኤና ካባካሞ ኩትጵማሞ፡፡ 7 7. ይናሴ የናተ ምስሳናተ ሱና አጋ ጐሺህና፣ ኮደካሞ ምስክምናናተ ኦኖንም ጵካይና ኤናሳ ቦውጵዶ ሱና አጋ ኦኖስ ደሞንሳ ቱፓ (ሜታ) ማትድና፡፡ 8 8. ፉሪካሞ ኤድንም ጵብሳያቤ ጵባያ ኜ ማትድና ጵብን ካማታይኖካሞ ጵላቅና ታ ካታዘዝማ ታካና፤ እንጵዶኖካሞ ኦጋናተና፡፡ 9 9. ኮሀማን ይት ሶትን ባሪንካ ሮሮንዘራ ግሰጵይሀና ባሪያሳ ዋድማን የካሪኜካናተ ካንጵዶሀና ኤና (ሮሮን ኮናና) ገጵና ካህናትና ጋዘና ኤናና ባሪያሳ ይጵሪን ይናተን ክካማደሀና ኤና ይት፡፡ 10 10. ብራንተ ይትካሞ ክስ ኬድትማሞ ኮደን ታይት ባሪያሳ ኤድ ማትድና፣ ብሪንተ ይት ይቅርታን ሀፍድማሞ ታ ይትካም ይቅርታን ሀይድና፡፡ 11 11. እያሪያና ሆይ ኜን ኮስ ቹችይ የደን ታካ ሳይሀንም ሳሳይኖ ዋን ቃበን ባሪንካ የኘግጵካና እንታ የም ምስክድና፡፡ 12 12. የሪካለካሞ ዘርቦ ያአሽካያ ግያ ሀያንተ ኮቡሪቃጵይንካሞ ፍርድናት ዋደስ ና አያአካሞ ዋድማን ገዛንም ሀፓናተ ባሪያም ጐሽጵካናተ ባሪያም ኤና ጵስምና ግዶሪ ስይሐንካ ሊንካ ዶሀማተ፡፡ 13 13. ገጵ ናተ ሀማንተ ኜሮጐን በታናቤ ገጵናናተ ፓይላ ኤኤ ሀማተ ኜ ብት ክደናካሞ፡፡ 14 14. ወይካሞ ሴሶንም አድካይና ኤናሚ ጵቢሽናተ ጵሊን ዋድማይናም ጐሽናተ ኖ ክካማይና ገጵናናተ ኤኤ ሀማተ (ታዘዝማተ)፡፡ 15 15. ኮይንካሞ ገዛን ዋድማዶተ ገጵናሳ ሱንን ጵላቅን ጫክ ያየካናተ ኦጐኖ ባሪያሳ ቃበናና፡፡ 16 16. ዋድማ ኤድ ባሪያስ ማታናተ ገዛሞንካ ያይማተ ኮዶንካሞ ገዘምንም የስካሞ ሴሶን ክልጌያ ዎይናኖ፡፡ 17 17. ፓይላ ኤድ ውሊ ናተ ገዛምንም እምማ (ጵውማ) ሀና ናናካሞ ናሺማ ባሪያካሞ ኩርትጵማ ገጵና ናተካሞ ጐብማ፡፡ 18 18. ይት ዋድማ ኤና ሆይ ገዛናግተቤ ገጵናቤ ናት ሰጐትማሞ ኤና ዘርቦናናተካሞ የሳ ወይካም ባሪካ ጐብማታ (ታዝዝማተ)፣ 19 19. ባሪያናተ ሀማንተ ጋሎንም ቻይና ኤና ባሪያ ባሪንካ ጐሺህ ሀፓና ከያፓይ፡፡ 20 20. ወድማ ዘርበካሞ የአሸካደሀና የም ጰብሽናተ ላይ የሚናኖ የሪ ፀሉ ሀፓማሞ ይት ካደካሞ ዋድማ ጋዛ ዋድማናተ ጋሎንም የችና ዝትኮ የምና ኦጐኖ ባሪያ ባራንካ ጐሽህ ሀፍሳና ኮፍሳይ፡፡ 21 21. የትካሞ ግሰጵደሃ ኦጐናተና ኮይንካሞ ክርስቶስ የናተ ሀማንተና ጋሎንም ክቻዶ ክም የጫጌካና ተቤ ይሳ ሹፍንም የናተ ጋራናተቤና፡፡ 22 22. የሪዘፌካሞ አሻካድማሞ አፎን ክስባሪካሞ ጵላቅ ዘርቦ ሀፓጵድማሞ፡፡ 23 23. ማስተ እሪሞከሞ እርማድማሞ የሎኖ ክዘራ ከየስካደካሞ ዋጭማድ ማሞ ኮይካሞ ጋዘንካ ሽይያናተ ይካሞ ስስካይ እምድና፡፡ 24 24. ሴስናተካሞ ይጵን ጋዛሞን ናተን ይይድን ኖ ይጵኔ ዋን ሴኮናተ መስቀል ሀቃ ጋንት ባአንተ ሀጀምን ክኖካ ውትካመ ፓሺድና፡፡ 25 25. ብራንተን ካያዶና እያናግያ ጀካንተና ወደ ኮደን ታሀ የሳ ሳይሐዘራ ናዬክቤ ግሺሞ ማቅድና ይት፡፡