1 1. ኢየሱስ ክርስቶስ ዎድማንአያ ጴጥሮስም በጰንጦስቤ በገለትያ በቀጰደቅያ እስያ ግደርቤ በባታንያ ግዶር ላልማቴ ኤድን ፌሮጐ ዳይና ባሪያናንቴ ፃሊና፡፡ 2 2. ባሪያ ሄጰ ብራንቴ ጴሣንቴ ኢየሱስ ክርስቶስ ናንቴ የኤሣራናንቴ ዶማቴ ዶንዛራይ ፃጰደና ባሪያሣ ካንታንካ ሀማንቴ ጫራኝጵ ኬሊሸጰና ፃሊሃ ኬናንቴ ኮደ፡፡ 3 3. ጌጰዎሣ ኢየሱስ ክርስቶስ ጌጰቤ እንባቤ ዎም ኪጐሼ ኖሆ ጌጰምንይሣ ፃሉንካ ሀማንቴ በኢየሱስ ክርስቶስሣ ዴንጵንባራካ ኪሣጳጰድካ ሀማንቴ ጌጰዛራ ብራንጋይናም እማንቴ አጲማ ሀሊ፡፡ 4 4. ሐያንቴካም ፎላንካራካ ካዶምንካም ሲሶምንካም እስኪማካም ኢየሱስለማኪንካ ዴነታ ሐሊዎካርሣዶ፡፡ 5 5. ይትካሞ ፎንሣ ቱንሰንዛራ ሐፍጰናንቴ ሼካቴንቴ ደንአሸኖ ኮሣናካሣ የስካዘራ ባሪያም ጫገንካ ሀማንቴ ባሪያሣ ካንታንካ የም ጰቃንጰዱው፡፡ 6 6. ታሀ ጋሎ ጵፂሣ እሮጐ ደንቴ ሮሮ ቄታግዶር ጋሎን የቻና ሐያንቴ ኬካ ካሎን ፅሊና ኮደደ፡፡ 7 7. የራ ኪና የዛራ የስካደና ኖንካ ጋሉንሸንቴ ግስንጰና ካያያ ኮዳና ወርቅ ናሣ አብ ካሎን ጐሸጰደ ጫግንቶ ጐንጴ ኮደም ወጴሴካናንቴ ኢየሱስ ክርስቶስ ኪጵዎይን ሮሮነካ ጐሽንቤ ጌጰምንቤመ የናንቴ ኪያፉሴካናንቴና፡፡ 8 8. ይትካም ኬም ሀፉማ ናሽየናሽይ ታየሀፉደና ካም ኪንካ ቻጰየቻጰዶ ጌያናንቴ ደንደይጲምንታካ ጐድ ይደሮቤ ዎዛኖ የናንቴ ፃሊማትድው፡፡ 9 9. ባሪያሚ ጫግንታኖ የሣ ቱንስኖ ኖሆ የናንቴ ኪጌያደናም ጰአሸን ችቴካም የደው፡፡ 10 10. የናንቴ እገያይም ናሽማንኬ ባሪያሣ አፎን ጰለቃየ ኤያቤ ጰቆንቤ ዎቻጰንቴ ፃሊ ሐያንቴ ሸደጴ ካናንቴና፡፡ 11 11. ኬሣ እሮጐ ደኖ ክርስቶስሣ ካንታኖ ክርስቶስሣ ጋሎንካ ማማንቴ ሀያንቴካም ጋሎንሣ ቱንስሮጐ ኮደንታካ ጐሽናም ብርሣንቴ ሀሣዎናንቴ ዛግሣና ኮዘግሣይ ሀሮሮኖሐምንታ ከማቃይን ሼድትና ኬደው፡፡ 12 12. ታሀ ፎለራጐ ፃሊንካ ማቃደኖ ባሪያሣ ካንታንካ ማንቴ ወንጌልን እጵፀስና ኤናሣ ጌይጰደና የራም የናንቴ እያሣዎደ ባካካ የምና ኮደይይምካም ዎድንስም ኬናንቴ ሐፉንጴድና ኤርጐን ኤናካም የራኪናም አግሮጰዶ፡፡ ጋዘምንካ ዳይንቶ፡፡ 13 13. አገታካ ወይላም የሣም ፃሊ ሀይማቴ የምካም ሸንማቴ የሣቢራንገዶናም ጴሣዳ ኢየሱስ ክርስቶስ ኪጰዎይንታካ የናንቴ እማጳይን ፀጋን ይይላ ውሊመ አሽኪማቴ፡፡ 14 14. ኤርጐን ቻዶና ናና ኬዶንታካ ሀማንቴ ብራንቴ ደንናም ይጳሣድምንታካ ዴነታናሚ ደሀቴ ኬደ ቃቦ ዛሪቦ የጫግናኖ፡፡ 15 15. የርካለ ሀያንቴ ኪም የግስማደኖ ጫዎ ኪደንታካው ይትካም ፋይላ ዴንታን የሣካ ፃሊ ደማቴ፡፡ 16 16. ኮደካም እንታ ጫዎና ይትካማ ጫዎደማቴ ሀማንቴ ፃይጰና፡፡ 17 17. ኤድናሦናንቴ ሊኪካ ብቶን ኪታካንታካ ኤና ውሊዛራ ኬሣ ሥራናግያ ብቶን ታካ ጰዶንታካ አባ ሀማንቴ ግሰጰዶና ኬደና ፌንከሮ ቾቻግየ የደን ኩሪታምካ ደማቴ፡፡ 18 18. ዎንባና ብራናካላ ዎቻደኖ ን ኮደና ሣደኖ ኬራደጵደኖ ካያያ ኮዶሦ ብሬ ወይ ምሆ ወርቄ ኮደድምን ዶተ ጴስድው፡፡ 19 19. የርካለ ሐያንቴ ዶት የኬራፉዶኖ ቃይስቤ ፋይዳ ቆሊማ እያትሣ ማአስቤ ክርስቶሣ ማአስን ጫዎንካና ኮደይ፡፡ 20 20. ኖሆ ብራንቴ ጴሣጰደን ፌንናም አሸካጰማ ቢራሮ ኮደን ታፋሮ ፌንሣ ቱንስን የናንቴ ማንቴ ጌይጰደ፡፡ 21 21. ኪንካ ሀማነቴ ዴንጵን ባራካ ኪጰሣዳና ጐሸይን ኪኢማደና ባሪያካቻጰየቻጰይ አንታካ ቻዶንቶን የሣም ሪያዛራ ገርማቴ፡፡ 22 22. አንታካ ጐንጴካ ጐብንታን የጌያደንታካ ጫንቃሉ የየደንታካ ወንደናናንቴ ናሽማ ፃሊኮዴ ኬሦጐ ኪንካ ሀማንቴ ፃሊካ ወይላም ካለካ ኪም ናሽማቴ፡፡ 23 23. ፉርካም አጰጰናይት ካየያ ጴንታግደር ኮደድም ለዶንደያካ ኮደንታካ ዎቻጰንቴ ላይደካ ባሪያካ ሐሣዎንካ ማንቴ ካይማ ጴንታካና፡፡ 24 24. ሀያንተካም መፃሐፉንሣ ጌጰይንካ ዎንካ ዳና ኤና ፉዶላ ሸቆግያና ጐሸኖካም ኬሣ ጰሎ ዳና ኡሽምናግያና ኬደው፡፡ 25 25. ጌጰሣ ሀሣዎሃ ከኖ ለይና ዎቻጰንቴ ኮደይ የናንቴ ጌዶጰደና ሜርሜራ ኪናኬና፡፡